مدونة د.تامر لقمان

مشروع رئيس ...

2012-01-26T23:56:00.000+03:00

بسم الله الرحمن الرحيم

القرّاء الأعزاء .. الزوار والمتابعين والزملاء والأصدقاء والأهل .. في يوم من الأيام سألت نفسي سؤالاً جر من بعده أسئلة وإجابات .. السؤال هو ماذا لو كنت رئيساً للجمهورية؟

تلى هذا أسئلة من نوع ماذا تريد لمصر؟ ما هي التحديات الداخلية والتي بمواجهتها تسهل مواجهة التحديات الخارجية؟ ما هي إمكانات الحل إعتماداً على مواردنا البشرية والاقتصادية والجغرافية؟ هل يمكن أن يرى المواطن وعموم الشعب تغييرات ملموسة وواضحة في فترة وجيزه؟ كثير من الأسئلة التي يمكن تفصيلها في تدوينات لاحقة .. ما راقني هو الأجوبة الممكنة وكثرة الطرق والوسائل ووفرة الموارد لتذليل كثير من الصعاب واستغلال الموارد وتحقيق نتائج سريعة ومستمرة .. نعم .. ممكن .. يمكن أن تتغير مصر تماماً في أقل من خمس سنوات ..

يمكن للدولة أن تحل الكثير من المشاكل اليومية وترفع إيراداتها وتحسن من خدماتها وتشمل كافة مواطنيها بالرعاية ... يمكننا استغلال طاقاتنا البشرية الهائلة والمهدرة حالياً في رفع شأن البلاد والعباد ... يمكننا تفعيل الكثير من المشروعات الجاهزة والبيانات المتوافرة في تسريع النمو الاقتصادي والاجتماعي ... أحبائي وبنو وطني .. لا ينقصنا شيء لنكون قوة عظمى في وقت قصير ..

حسناً .. أنا مواطن مصري غير منزه عن الخطأ.. عمري ٤٢ عاماً .. استاذ جامعي .. أعتز جداً بمصريتي وتاريخها .. وأفتخر بعروبتي ولسانها .. وإسلامي لله وليس لعباده واعتزازي به لا يلزم أحداً غيري .. أنتمي لأوسط الطبقة الوسطى طبقاً لتصنيف الدكتور رشدي سعيد والمنشور بدار الهلال في نهايات القرن.. أرى في نفسي القدرة على تولي منصب رئيس الجمهورية في فترة مفصلية من تاريخ مصر الحديث ..

هل من الضروري لرئيس الجمهورية أن يكون عسكرياً محنكاً؟ بالطبع لا و إلا ما كانت لجنرالات الجيش ضرورة ولكان رؤساء العالم الحديث ثلة من العسكر.

هل ضروريا أن يكون خبيراً مالياً واقتصادياً ومتمرساً في العلوم السياسية؟ كلا أيضاً .. لم يحدث أن تولى أمرنا ملكياً أو مدنياً أو عسكرياً أي خبير من هذا النوع بل اكتسبوا تلك الخبرات من مستشاريهم وبالتجربة والخطأ فينا على مر العصور .. وكذلك أمم غيرنا

هل هناك ضرورة أن يكون سجين رأي سابق أو معارض شهير أو شيخ جليل ... لا .. ولا هذا أيضاً ... كل المطلوب هو أن يكون متعلماً وصاحب رؤيه ولديه مقومات القيادة ومصري قبل كل شيء ...

الشروط المكتوبة تطلب أشياء عادية تنطبق على كثيرين فيما عدا القدرة على جمع توقيعات توافق على ترشيح هذا المواطن أو ذاك ..

المطلوب أيضاً هو قدرة المرشح على الدعاية لنفسه وقدرة من حوله على دعمه وتقديمه .. في استطلاع رأي بسيط وشفهي مع المقربين وجدت ترحيباً بالفكرة مخلوطاً بالمزاح وطلبات الرعاية الخاصة في حال تحقق ذلك .. أما على الانترنت بين أصدقائي ومتابعيني فمنهم من ظن أنني أمزح ومنهم من أعلن ترحيبه الحقيقي والمجامل ..

أعلم أن الموضوع يمكن أن يؤخذ بخفة ونقد ساخر من كل الأنواع على اعتبار إن كل من هب ودب هـ يطلعلنا بقى ويرشح نفسه .. أو كل من نزل التحرير هـ يفتكر نفسه مناضل .. أو كل واحد معاه دكتوراه وقاريله كتابين هـ يصدعنا ... وما دون ذلك ... كما أعلم أنه قد يلقى هجوماً حسن النية وهجوماً مغرضاً غير مبرر ... أعلم أن هناتي الشخصية قد تطاردني ومن منا بلا هنات تطارده يوماً ما ... أعلم كل ذلك ولكن أعلم أيضاً أن من يتقدم لهذا المكان عليه أن يقبل الكثير من النقد والمراجعة كما يقبل المسؤولية الجسيمة، وأن حرية التعبير لا تقتصر على ما يرضيه

يمكنكم الرجوع لكل ما كتبته ومناقشتي فيه، كما يمكنكم زيارة مدونتي ومراجعة ملفي الشخصي وحسابي على الفيسبوك وتويتر والتحدث مع من يعرفوني .. يمكنكم أيضاً تجاهل الأمر أو نشره أو مشاركته .. ولتأت الرياح بما تشتهي السفن

٢٥ يناير ٢٠١١ انتهى المستحيل .. الثورة مستمرة ..

والكاظمين الغيظ ..

2011-12-19T04:13:00.000+03:00

كنت ناوي أنفجر واتجاوز حدود الأدب مع ناس كتير أثق إنهم مش سذج بس قريت تويته قالتلي الناس مستسهلة تصدق اللي ما يطلعهمش أندال قدام نفسهم .. المهم رجعت ف كلامي وهحاول أكون من الكاظمين الغيظ بس سامحني يا رب مش قادر أكون من العافين عن الناس دلوقتي .. القصد .. الشوية اللي جايين دول مطالبي .. أنا مواطن مصري .. أحسب نفسي من التحرير ومن الاعتصام ومن مصر ..

١- بدء تحقيق فوري مع المتورطين في القمع الجسدي والإهانة والتعذيب والقتل والتنكيل بالثوار والمعتصمين من ٢٥ يناير وحتى اليوم بميدان التحرير والمنطقة المحيطة وفي مختلف المحافظات والاستعانة بالمقاطع المصوّرة أهلياً ورسمياً في ضبط وإحضار الثابت تواجدهم ومشاركتهم من الضباط والجنود بالقوات المسلحة أو جهاز الشرطة.

٢- ضبط وإحضار ومحاكمة المدنيين الظاهرين في مقاطع الفيديو المصورة وهم يقومون بأعمال التخريب ومنها مقاطع تم تصويرها بمعرفة القوات المسلحة وعرضها كبيان لهم على صفحتهم الإلكترونية

٣- التحقيق في تقاعس قوات الإطفاء والدفاع المدني عن واجبها وتهاون القوات الرسمية في حماية ممتلكات الدولة والإكتفاء بتصويرها

٤- التحقيق في التغطية التحريضية المبتذلة لوسائل الإعلام المملوكة للدولة لكافة التظاهرات والاعتصامات بغرض الوقيعة بين أبناء الوطن الواحد وإعادة تأهيل الكوادر الإعلامية في أصول التغطية الإخبارية وأدب الحوار والموضوعية واللغة العربية أيضاً

٥- حفظ حقوق المعتقلين من الثوار والمعتصمين ومحاكمتهم أمام القضاء المدني والإفراج عنهم بضمان محّال إقامتهم لحين مثولهم أمام المحكمة.

٦- الالتزام بتكاليف العلاج للمصابين وأسرهم وسرعة صرف كافة مستحقات شهداء ومصابي الثورة والوفاء بالتزامات الدولة تجاههم

٧- تأمين المرافق الحيوية والممتلكات العامة وتسليمها تدريجياً لقوات الشرطة وإصدار قرار أو مرسوم بإلغاء انتخابات مجلس الشورى على أن يقرر مجلس الشعب المنتخب الموافقة عليها أو إلغائها أو إرجائها لما بعد الانتخابات الرئاسية

٨- الانتهاء من التهيئة الدستورية للبلاد في موعد أقصاه عشرة فبراير ٢٠١٢ وفتح باب الترشح للرئاسة في اليوم التالي مباشرة والانتهاء من انتخاب رئيس للجمهورية قبل نهاية شهر مارس.

٩- تأمين كافة المراحل الانتخابية وضمان نزاهتها واستقلاليتها

١٠- نشر كتيب إرشادي بسيط إو رسالة مرئية أو مسموعة توضح للمواطن ورجل الأمن خطوات التوقيف أو الضبط وما يعد تجاوزاً يتيح لفرد الأمن استخدام وسيلة ردع أو سلاح للدفاع عن نفسه أو اعتقال المعتدي والتنبيه على أفراد الأمن بالالتزام بهذه الخطوات والإخطار بأي تجاوزات والتحقيق فيها.

موبينيل يا ظالم!!!

2011-07-16T13:05:00.000+03:00

أولاً أنا ضد مقاطعة موبينيل علشان صاحبها حط صورة على ملفه الشخصي في تويتر ما عجبتش سين أو صاد أو عين .. الصورة ببساطة لميكي وميني (شخصيات ديزني).. ميكي مربي دقنه وميمي منقبة .. عادي يعني!!! حصل إيه؟!! .. ديه وجهة نظر مستقبلية ساخرة في حال وصل الإسلاميون للحكم … وارد يعملوها ووارد لأ .. زي العروسة اللي اسمها فله اللي اتعملت محجبة علشان البنات ما يشتروش باربي وبقى ليها سوق .. يعني ممكن يحصل أهو … ده غير إن ده ملف ساويرس الشخصي .. يحط عليه ميمي منقبة، يحط عليه رقاصة، يحط عليه إزازة ويسكي، ينشر عليه غياراته.. هو حر .. الصورة مش على موقع موبينيل ولا على كروت موبينيل ولا بيوزعوها مع الخطوط إجباري ولا هتطلعلك من الموبايل في الضلمة!! … ده غير إن الراجل اعتذر لما حس إن فيه ناس اتضايقت … خير يعني؟؟!!

وبعدين غير كده، لو قاطعت موبينيل وانت لسه بتشرب سجاير أو بتتعامل مع منتجات صنعت في بلاد الكفر والعياذ بالله زي أمريكا والصين وكوريا، تبقى ظالم ولا مؤاخذه وما عندكش مبدأ وجاي في أي مرجيحه وماشي مع الرايجة وحالتك كرب ومحتاج علاج نفسي.. عايز تكون من أنصار المقاطعة قاطع زي الناس واستنى السمنه من تيييت النمله أو حاول تاخد من الكفار والعياذ بالله سر صناعة الموبايلات والعربيات والكمبيوترات والمنظفات ولعب الأطفال وخلافه … وبعدين كان أولى تعملوا شهر مقاطعة لشركات الاتصالات كلها لمدة شهر على الأقل رداً على حركة قطع الاتصالات أيام الثورة .. ساعتها كان أوك علشان دي ناس سلبت حق مش حطت صورة ميكي بدقن .. ولكن علشان البهوات خنافس وما يقدروش يستغنو عن الموبايلات شهر مثلاً مفيش حد قاطع حاجة .. كفايانا تفاهه الله يكرمكو .. صحيح .. اللي عايز يقاطعني علشان الحق بيوجع، يتفضل .. حاجة كمان .. ده رأيي .. يعني أنا حر .. ولو لقيت على بروفايلي الشخصي إللي أنا سامحلك تشوفه حاجه ما عجبتكش إبقى افتكر انه بروفايلي الشخصي وإني حر .. زي ما فيه ناس كده بتحط صورة على بروفايلها الشخصي مكتوب عليها (عالم وسخة) ومحدش بيقاطعهم ولا بيحس إن الكلام متوجهلهم … يومكم زي نيتكم

آخر كلام عندي قبل الاستفتاء

2011-03-17T21:54:00.000+03:00

أقر أنا صاحب المقال أني من المناصرين لقول لا للتعديلات الدستورية

أرى أن التعديلات المطروحة لا ترقى لطموحاتي لمستقبل مصر بعد الثورة

ساهم في تكوين رأيي ودعمه:

١ - ممارسات المجلس الأعلى للقوات المسلحة التي تتلخص فيما يلي:

بعض أعمال التعدي على معتصمين وتعذيبهم واعتقالهم وهو شيء لا يحدث في دولة تعدنا بالقانون والمؤسسات والحريات

تصريحاتهم التي لا تتفق على كلام محدد وواضح عما سيحدث في حال التصويت ب نعم أو لا وعدم وضوح موقفهم من دستور ١٩٧١ في حال نعم أو لا وعدم الرد الواضح على موقفهم من رجال النظام السابق الذين ما يزالون يمارسون مهامهم إلى هذه اللحظة

٢ – ما أراه من إحتفاء بواقي الحزب الوطني المنظمة والفاعلة وغالبية الإخوان المسلمين والجماعات السلفية وهو احتفاء مفهوم ومن حقهم ولكنه يتعارض مع فكرتي عن مجلس الشعب الذي يمثل الشعب بالفعل

٣ – ما أستشعره من التوجه الرسمي للدولة ومؤسساتها الإعلامية المؤقتة والدائمة لدعم ال نعم وإقصاء ال لا بدعوى الاستقرار والأمان وهي دعوة سيئة السمعة بل ويصحبها ما كان يصحب الدعوات المماثلة السابقة من تهديد وتخويف

ولكل ما سبق لا أستطيع افتراض حسن النية المطلق ولا أستطيع أن أنظر إلى التصريحات الإيجابية فقط

ولكن أقر أيضاً أن اختيار نعم المفروش بالنوايا الحسنة قد يكون اختياراً صائباً إذا خلصت هذه النوايا لله والوطن

وأعلم أن الشعب الآن لن يخاف وسيدافع عن حقوقه التي اكتسبها في حال ظهر سوء نوايا

لذلك وفي حال رجحت كفة نعم ..

سأثق في رأي الأغلبية ولو كانت أغلبية ١٪ وسأعمل معهم جاهداً لتحقيق ما نطالب به لمصر وسأثق أيضاً أنهم يستطيعون تمييز الإيجابي من السلبي وأنهم سيقفون في وجه السلبيات إذا ظهرت

أمّا في حال رجحت لا ..

أرجو من كل أصحاب النعم أن يعملوا معنا ويثقوا أننا قلنا لا لنفس أسبابكم النبيلة وحفاظاً عليها دون اعتبارات أخرى

وأنكم معنا لنقف أمام أي سلبيات أيضاً

الموجز في التعديلات الدستورية

2011-03-14T15:28:00.000+03:00

أصحاب نقول نعم:

١- التعديلات الدستورية معقوله

٢- كده كده هنعمل دستور جديد

٣- أيوه علشان الجيش يمشي ونبتدي نشوف حالنا

٤- ننتخب ريس وندوحر بأه فباقي الحقوق وفي التنفيذ .. من منطلق لا مانع ما احنا بنعرف ندوحر

٥- عندنا قاعدة برضو تضمن لنا نصيب فاخر من التورته في انتخابات مجلس الشعب الجديدة .. وده حقيقي

٦- إحنا كده كسبانين جداً يا جماعة ولازم يكون فيه شوية ثقة ونفترض حسن النية .. مش كده أحسن من إن الجيش يفضل حاكم؟؟ ويا عالم بكره مخبيلنا إيه!! .. مبدأ افتراض حسن النية والثقة جميل ولكن أظن أن الاحتياط واجب

أصحاب نقول لا:

١- التعديلات الدستورية فيها حاجات كويسة بس لسه الشغلانة كلها بنت تلاتين تيييت وفيها حاجات مقلقه

٢- الريس عنده صلاحيات جامده جداً وممكن ناخد صابونة تآمرية متظبطه آخر تمام – وهو جائز فعلاً في عالم تحكمه الكثير من المصالح

٣- إيه الجيش يمشي دي؟ معلش ييجي على نفسه شوية أو نظبط لنا صيغة تمشي الحال لغاية ما الدستور يتعدل

٤- مفيش حاجة مضمونة .. معلش نشتغل على نضيف علشان كل واحد بعد كده حكومة أو أهالي يكون عارف اللي ليه واللي عليه كويس .. الحقيقة برضو وجهة نظر مقبولة في رأيي

٥- محتاجين وقت علشان نبني قاعده ويكون لنا أحزاب وتمثيل حقيقي .. رأيي إن ده مش مبرر نقول لا علشان المطلوب مش قاعده ولا حاجة .. المطلوب ناس بتفهم سواء نعم أو لا

الجيش:

خلصوني علشان أنا زهقت شوية ..

لو قلتو نعم تبقوا قصرتوا علينا المشوار

لو قلتو لا يبقى أمر الله لغاية ما نشوف آخرتها معاكو

بس بقولوكو إيه!!!!

ما تطلعوش تلاتيييييت ملاييني علشان ما آقفش عليكو

طيب .. ماذا سنكسب بال نعم وماذا سنكسب بال لا

بال نعم : سنكسب استقرار صوري وحالة ترقب للتنفيذ وعمليات طويلة تتضارب فيها الأولويات خصوصاً وأن هناك أعمال تجري لتسيير أمور الدولة .. فيه ناس هتاكل وتشرب وتشتغل وتخطط اقتصادياً وتنفذ إلخ ... يعني موضوع إنجاز الدستور الجديد + الف موضوع هام غيره

بال لا: سنكسب خطوة أكثر حكمة تجاه البدء على نضافه دون أن نخسر تسيير الأعمال أو نجور على حق السياسة والدستور... الحكومة الموجودة لتسيير الأعمال ستظل وسنراقبها ونرى .. والمجلس العسكري إن بقي فهو يرعى ولا يعتدي وعليه الالتزام بهذا التعهد لتظل الثقة متبادلة والإنجاز حضاري.. وأظنه سيلتزم بذلك

والأهم هو أننا سنكسب مهارة التعايش مع الاختلاف ولو كان طفيفاً ...

يعني إوزنها فعلاً وقول رأيك ..

شايف نثق في الحدوته ونتكل على الله وننتخب ريس ونمشي الدنيا ونعمل دستور جديد على مهلنا .. إنزل قول نعم

شايف إنه لأ معلش نركن الثقة ديه على جنب إحنا حبايب آه بس عند الحساب بينا الورقة والقلم وإن إحنا دفعنا كتير علشان ناخد حاجة على الزيرو .. إنزل قول لا

لو النتيجة ٥٥٪ قصاد ٤٥٪ .. لو سمحت اتعلم تقبل التعايش مع ده ... حاول ما تهدش .. إبني .. إفهم إن في كل الأحوال خير مش شر ... إحنا مش بنحارب حالياً ... إحنا ليه بنتعلم نتفق ..

لو كان ينفع للمصريين بالخارج التصويت في السفارات والقنصليات كنت هروح أقول لا .. انت إوزنها وقول اللي انت عايزه .. المهم تروح وتقول وتكون مستعد تقبل رأي الأغلبية لغاية ما تيجي أقرب مناسبة تقول رأيك تاني .. يمكن ساعتها تكون انت قدرت تغير الأغلبية

مصر التي أتمناها

2011-03-10T20:56:00.000+03:00

منذ يومين أو أكثر قرأت دعوة للقيام بتسجيل فيديو مدته دقيقة عن مصر التي أرغب في رؤيتها عام ٢٠٢٠

وبصراحة دقيقة قليلة .. لذا قررت كتابة مجموعة أفكار وموجز تمويلها و تنفيذها على سبيل الاقتراحات التي يمكن دراستها أو تعديلها أو تنفيذها .. وسأذكر أيضاً ما الذي ستحققه هذه الاقتراحات

١ – الانترنت للجميع حقاً وليس مجازاً أو مبالغة:

أظن أن شبكات المحمول والاتصالات يغطون كامل الجمهورية تقريباً وعلى المستوى الخاص يمكن لعموم القادرين ومتوسطو الحال أن يتصلوا بالشبكة عبر الجوالات والحاسبات والبادات وغيرها .. ولكن ماذا عن كل مدارس وجامعات مصر بشقيها العام والخاص ... شبكة لا سلكية تتيح الدخول على الشبكة لكافة التلاميذ والطلاب برقم بطاقة الجامعة أو بكوده الخاص بالمدرسة .. وكتبات الكترونية مدرسية وجامعية وتبادل للمعلومات بينهم .. لو سمحتم محدش يقولي فيه ناس عامله كده .. بحكم شغلي كتير من الناس ديه قدي في السن وأكبر ومش فاهمين ٨٠٪ من الموضوع وبيعملوا كده سد خانة علشان يقولو عندنا فقط...إذا قمنا بتفعيل التواصل الالكتروني وتسخير الشبكة لتبادل المعلومات والأبحاث والقيام بالخدمات الحكومية والمالية والتجارية أيضاً سيتوفر لدينا مزيد من الوقت وسننمو فكرياً واقتصادياً وعلمياً بتسارع يفوق التخيل ... إذا تم تمويل دعم الاتصال وتقوية الأبراج وتقنين وتسهيل المعاملات الإلكترونية من قبل الشركات الخاصة والمراكز البحثية وناشروا الكتب والبرامج ودمغات وزارة التربية والتعليم وكافيتريات المدارس والجامعات فأظن أن العبء المالي سيتوزع ... أضف إلى ذلك إمكانية الإستعانة بالخبرات الهندية التي استطاعت ابتكار كمبيوتر لطلبة المدارس يفي باحتياجتهم ولا يتجاوز سعره ٢٠٠ جنيه.. هذا غير الخبرات الصينية التي تستطيع تقليد وتعديل كافة الأجهزة والبرمجيات بتلاته جنيه جملة وقطاعي .. أظن أن كمبيوتر من هذا النوع يمكن تجربته في المدارس التجريبية وتطبيقه في المدارس الخاصة ناهيك عن محاولة تصنيعه هنا ويبأه يااا حلاوة المولد :) .. كده مش هنحتاج معمل كمبيوتر ويمكن أن يتم كل شيء داخل الفصل الدراسي .. هو فيه حاجة اسمها معمل كمبيوتر أصلاً!!! .. ممكن الغرف التي تم تخصيصها كمعمل كمبيوتر أن تتحول لوحدة تدريب على الإسعافات الأولية مثلاً .. مركز تثقيفي وخدمة اجتماعية حقيقية وهكذا ..

٢- التعليم في المدارس والجامعات

بصرف النظر عن الانترنت والشبكة المتاحة للجميع ولنفترض عدم تحقق أو إمكانية ذلك لأي سبب سأراه غير مقبول إلى أن يثبت العكس ... سؤال: إيه التعليم اللي لسة قائم على الكرسي وقاعدة المكتب ده؟!!!!! .. نظام التعليم على الكراسي والفصل الصامت المتلقي الملتزم أخلاقياً بالصمت ده نظام واقع من طوله.. هذا النظام من بقاياً أيام الثورة الصناعية في أوروبا التي كانت تهدف لتخريج عمال على خط إنتاج يلتزمون بالقواعد ويفعلون ما يأمرهم به صاحب المصنع .. هذا النظام يقوم بدعم خمول الجسد وتوقف المخ عن العمل ثم يحاسب الطلاب على ما ألقاه على أذانهم المغلقة بأمره وعيونهم النائمة بتوجيهاته... المفروض ما يبقاش فيه حاجة إسمها قاعدين على كراسي إلا في حدود ضيقة وليس بطريقة العنبر والصفوف المتراصة .. ما يبقاش فيه طباشير خلاص .. يزيد استخدام البروجكترات وما يقوم مقامها .. يزيد العمل الميداني حتى في المجالات الأدبية والنظرية .. يختصر ٦٠٪ علي الأقل من المحاضرة أو الحصة الشفوية التي يقيء فيها المعلم ما يراه لازماً ويكرره بطريقة روتينية عاماً بعد عام ... تتكون لجان جامعية وأكاديمية لمخاطبة الشركات الكبرى وسوق العمل لتحديد الاحتياجات وتعديل المناهج وابتكار برامج ودبلومات جديدة وقصيرة .. يعرف الناس قيمة كل البرامج التعليمية الوسطى والعليا وقيمة الفنيين والعاملين بالصف الثاني في التمريض والتقنية والبحث والقانون ومختلف المهن... أحلم بتعليم في مصر يقضي على فكرة قاعد على كرسي باسمع المدرس.. أو داخل الجامعة علشان الشهادة وبعدين اشتغل أي حاجة ... المفروض تحلم عايز تشتغل إيه وتلاقي المكان والوقت والتنظيم اللي يساعدك على تحقيق حلمك .. يمكن دراسة سنتين تخليك عبقري فاللي انت بتحلم بيه بشرط ما تقعدش السنتين على الكرسي ولا يكون منهج الحاسب الآلي بتاعك بيعلمك الدوس أو بيعلمك نقل الملفات ومعرفة إن الطابعة هي أحد وسائل إخراج المعلومات من الكمبيوتر. الموضوع لا يحتاج إلى تمويل ضخم بقدر ما يحتاج إلى تنظيم وتخطيط وهو متوفر .. يعني لما يكون دراساته ونظامه متوفر ليا يبأه أكيد متوفر للدولة!!

٣- ساعات العمل والبطالة والمتعجلين

هذا اقتراح سبق وكتبته في الأهرام منذ عشر سنوات موجزه أن قوانين العمل الدولية قديمة للغاية ووردية أو شيفت العمل المقرر بثمان ساعات ليس قرآناً لا يجوز تغييره .. الفكرة ببساطة هي تقسيم اليوم لأربع ورديات عمل في كل مكان تقريباً .. كل فترة = ٦ ساعات بحيث تعمل الدولة ومؤسساتها وعموم القطاعات الأهلية والحكومية على مدار ٢٤ ساعة .. لماذا؟ وما الذي سنجنيه من ذلك؟

أولاً هذا يخلق عدد هائل من فرص العمل

ثانياً يوزع الضغط على الطرقات والمرافق على مدار اليوم وليس في ٨ أو ١٢ ساعة

ثالثاً يسمح للمتعجلين دائماً والمشغولين بشكل مستمر من قضاء مصالحهم في أي وقت وبسرعة

رابعاً يسمح بتغيير تكلفة الخدمة طبقاً لساعات الخدمة ورفعها في حال تم تقديمها بعد منتصف الليل مثلاً

خامساً يستفيد من عدد السكان بطريقة تجعل الدولة فاعلة ومنتجة على مدار الساعة

٤- قواعد البيانات والكلام المجعلص

يجب أن يكون لدينا قواعد بيانات شاملة ومفصلة في كل المجالات وحالياً لدينا نواة هذا الأمر في بطاقة الرقم القومي .. ولكن يجب أن يكون ضمن قدرة الدولة أن تعرف كم عدد المتخصصين في تلقيح زهرة البرسيم أو مكافحة جرادة القمح أو ما شابه واختلف وأماكن عملهم ومقر إقامتهم .. وهكذا في كل التخصصات العامة والخاصة والرئيسية والفرعية ... المعرفة هي المفتاح دائماً لمواجهة لأزمات وحل المشكلات واستقبال الاقتراحات وأي بناء أو هدم

٥- الطاقة الخضراء والبيئة وتكلفة إمداد مؤسسات الدولة والمنازل بكهرباء نظيفة مجاناً

لا أريد أن أذكر كلمة الطاقة الشمسية فتوميء برأسك في إهمال .. بعشرة آلاف جنيه فقط تستطيع إمداد وحدة مكونة من أربع أو خمس غرف مؤثثة بأجهزة كهربائية متكاملة من تكييف لتليفزيون لسخان لغسالة لتلاجة لكمبيوتر لإضائة ليلاً ونهاراً وصيانة سنوية لا تزيد عن ٥٠٠ جنيه مثلاً. هذا بالطاقة الشمسية وبعض البطاريات الخاصة للخدمة الليلية .. هذه الأشياء يمكن للمواطن العادي تركيبها بنفسه أيضاً وهي متوفرة في كثير من الدول الأوروبية .. النظام بالكامل لا يتكلف ٢٠٠٠ دولار ... لا أظن أني أحتاج للكلام أكثر في هذه النقطة ويمكنك استخدام آلة حاسبة لمعرفة كم ستوفر .. ناهيك عن استخدام الدولة لها وتوفير الكثير من الطاقة ومواردها الغير خضراء لأشياء أخرى أو فوائد اقتصادية مالية

الكثير من الأفكار ولكن هذا ما يحضرني اليوم حين أقول – نفسي مصر تبأه إيه كمان سنتين مش ٢٠٢٠ -

تحياتي

للمدافعين عن د. علاء الأسواني

2011-03-04T19:40:00.000+03:00

أولاً وقبل كل شيء .. لست مع الفريق أحمد شفيق ولا آسف على رحيلة ولم تكن لدي إعتراضات على مطالب د. علاء الأسواني أو د. الحمزاوي أو أ. حمدي قنديل .. كل المطالب شرعية ولها وجاهتها وأولها إستقالة الفريق أحمد شفيق... هذا للتوضيح قبل أن تتألق في الدفاع الشرس عن ما تراه صواباً ..

اعتراضي هو على أسلوب د. علاء الأسواني ولا تقل لي أنه رد فعل ولا تقل لي أنه كان يرد كلمة بكلمة ولم يخطئ وسأوضح لك لماذا...

أولاً: الفريق أحمد شفيق كان رئيساً للوزراء في فترة قاتمة السواد وفي ظل حراك قوي من الشارع لا يقبله ولا يقبل وزارته ورغم ذلك قبل الحوار على الهواء وهذه شجاعة تحسب له خصوصاً أنه سيتكلم مع أطراف معارضة للغاية ولها شعبيتها .. ظن الفريق شفيق أن مقامه وسنه وتاريخه يسمحون له ببعض الحصانة من التجاوزات في حقه .. ظن ذلك لأنه متربي على هذه الأصول .. إحترام الكبير ومراعاة اللياقة والشياكة والإتيكيت وما إلى ذلك .. كما أنه لقاء حواري وليس جلسة تحقيق من مجلس شعب منتخب ويمثل الشعب.

ثانياً: جاوب الرجل بصراحة وقال لا أعرف معلومات عن كذا وهناك تحقيقات جارية بشأن الشهداء وأوضح خطورة الوضع الاقتصادي ووافقه على هذه الخطورة صاحب القناة ورجل الأعمال الشهير. كما أنه استمع وأجاب على د. الحمزاوي وأحمدي قنديل اللذان تحدثا بما يليق بألقابهما وأعمارهما ومقامهما الإجتماعي والشعبيأي آنهما تكلما بلغة راقية وأسلوب مهذب وتحضر بالغ وأظنه من طباعهما وليس مختلقاً وأظنه أيضاً وإن كان تكلفاً منهماً فهو في مكانه.

ثالثاً:حين تحدث د. علاء الأسواني رفض إجابات الفريق وكان مندفعاً وأخطأ في إسمه وأغلق أذنه عن كل شيء إلا ما اعتبره مستفزاً بل كرر بشكل فج كلامه عن الشهداء وكأنه بالفعل يزايد وليس يناقش أو بالأحرى يرغب في إخراس الفريق شفيق فقط، وهو أمر كريه ومستفز.لم يعجبني رد الفريق شفيق الذي يتهم د. علاء بارتداء قناع الوطنية واعتبرته رداً خالياً من الديبلوماسية ولكن توقعت من شخص حاصل على درجة أكاديمية رفيعة وجوائز أدبية مميزة أن يترفع عن الاستمرار في النقاش أو يترفع عن الصوت العالي والهجوم القميء والرد كلمة بكلمة كما لو كنا في خناقة في الشارع .. حين يربت على كتفك صاحب القناة ويقوم إليك مذيع محترف لتهدئتك ثق أنك تتجاوز وأنك تتكلم بما لا يليق بك ولا بالمقام الذي توجد به .. وفعلاً رغم أنه لا يليق قوله: كنت بمنزلك أثناء الحرب التي خاضها الفريق شفيق وغيره .. وحقاً حين تطالب بمحاكمات سريعة وأحكام أكثر سرعة فكان أولى بك أن تنصب المقاصل في ميدان التحرير وتجعلها ثورة دموية .. المحاكمات السريعة والأحكام العاجلة تدفن الحقيقة وتكتفي بفرد أو عدد قليل ككبش فداء وخلصنا ولا أظن أن هذا هو ما يريده الشعب أو الشهداء أو أي مواطن.. كلنا نريد جميع الفاسدين أما التعطش للدم والانتقام فلا يليق بالصفوة بقدر ما يليق بالجهلاء.

طريقة د. علاء لا تتفق مع المفترض في مكانته العلمية والأدبية .. مقارنة ما حدث بمناظرة في مجلس العموم البريطاني بين جوردون براون وديفيد كاميرون هي مقارنة ظالمة ولا تناسب الموقف تماماً .. أحدهم رئيس وزراء والآخر عضو بارز في مجلس العموم ومنتخب من الشعب.. كما أن الحدث كان داخل هذا المجلس وكل يتكلم في دوره ولا يوجد منهم من يهدد بالإنسحاب من الجلسة أو يزايد على وطنية الآخر... أما في موقعتنا فمعذرة لا يوجد من يمثلني ولا يوجد من انتخبته هنا .. هو مواطن مثلي قد يزيد أو يقل أدبياً أو اجتماعياً ولكنه ليس مندوباً عني أو عن غيري.. إلى أن يكون هناك مجلس شعب منتخب وغير مزور لا أقبل أن تتكلم على لساني كما أن أسرتي لا تقبل وزملائي لا يقبلون ومن حقنا الاعتراض على أسلوبك وتوجيهك إلى ضرورة مراعاة الكثير من القيم والأصول ..

لو كان من يتحدث هو طالب جامعة مندفع أو عامل بمؤهل متوسط أو حتى أبو أو أخو أحد الشهداء لالتمست له العذر .. أما أن يكون دكتوراً وأديباً ولا يستطيع تمالك أعصابه أو التزام اللياقة الأدبية فهذه هي المشكلة .. الفريق أخطأ نعم ولكن ليس في عبارة أو عبارتين غاية في الاستفزاز ولكن في عدم إنسحابه حين تدنى الحوار إلى خناقة شارع.

منذ أن كنت معيداً صغيراً اختلفت في الرأي مع رؤسائي وطلابي وحدث تجاوز من البعض ولكن كان المحك دائماً احترامي لنفسي والتزامي لآداب الحوار وتصحيح ما بدا استفزازياً وامتصاص حرارة الموقف .. مهنتي وشخصيتي تحتم علي الالتزام بكوني قدوة وحين أتكلم عن الحق فالحق واضح وظاهر دون الحاجة لصوت مرتفع ونبرة حادة .. الحق لا يحتاج للزعيق والتهديد بالإنسحاب والتراشق اللفظي.

وبالمناسبة .. حين يأتي وقت انتخاب أعضاء مجلس الشعب سأختار من يمثلني بمنتهى الذوق واللياقة .. سأنتخب من يستطيع أن يقول الحق وفي نفس الوقت يحافظ على ما تربيت عليه من أخلاقيات. هذا رأيي ولك مطلق الحرية في قبوله أو رفضه

أصله بيشتغل عندنا!!!

2011-03-04T11:02:00.000+03:00

عفواً هذا المقال خاص بالعبارة الشائعة التي انتشرت كنوع من التوعية ويصحبها الكثير من التجاوز والوقاحة أيضاً

العبارة هي: ده بيشتغل عندنا وبياخد مرتبه من فلوسنا

سؤال أولاً: بيشتغل عندنا =

بينضف البيت ويغسل المواعين؟

بيشيل الزبالة؟

بيمسحلك التواليت بتاعك؟

بيفحتلك في الغيط ويزرع ويقلع؟

عبد يعني عندك وعند اللي جابك؟!!!

إيه بيشتغل عندنا ديه؟!!! ومين عندنا؟!! ال نا ديه إللي هي مين بالظبط؟ .. إنت والعيله وللا إنت وأصحابك وللا إنت والشعب؟

ومرتبه اللي بياخده منك ده كام بالظبط؟!!! ولو بياخد مرتبه من كل مواطن في الشعب بالتساوي، هل من حق واحد منهم فقط واللي هيكون مساهم بتلاته مليم في المرتب إنه يكلمه بصفاقة ويعامله على إنه عامل أو عبد عندو؟!!!

ولو بيساهم ب ١٠٠٠ جنيه في المرتب من حقه إيه يا ترى؟ يغتصبه هو وأهله وللا إيه؟!!!

إيه منطق العبودية الحقير ده؟!!!

مبدأ الثواب والعقاب واللوم والمحاسبة كله مقبول ولكن مش من أي حد ومش بأي طريقة تحت مبرر "ده بيشتغل عندنا وبيقبض من فلوسنا"

وفيه فرق بين اللي بيقدملك خدمة واللي بيقدملك سلعة واللي بيقوم على إدارة أعمالك.. أصلاً لو كلهم بيشتغلوا عندك ما ينفعش تكون شايف الموضوع عبودية!!! وإلا يبأه كل صاحب شركة قطاع خاص من حقه ينده على أي واحد في الشركة ويقوله خد هنا يا بأف .. انت ما عملتش شغلك مظبوط ليه يا ابن التيييت؟ .. انت لحم كتافك من خيري وفلوسك ديه أنا بدفعهالك علشان تشتغل عدل يابن ال.... من بكره الصبح إن ما عملتش كذا وكذا وكذا هيطلع تلاته تيييت أهلك..!!!

بالمبدأ ده يبقى من حق طالب في جامعة خاصة يقولي: أنا بدفع مرتبك من فلوسي والمنهج ده مش عاجبني وصعب وانت لازم تديني تقدير وتلغي نص الكتاب وتخليه على سنتين .. انت بتشتغل عندي!!

ومن حق العميد يقوللي انت مش شايف شغلك ومسقط ابن رئيس مجلس الإدارة اللي بيأكلنا عيش كلنا!!

لا مؤاخذه – إيه سيفين إيه -

مش كل من بيعملك حاجة يبأه عبد عندك من حقك تهزأه ولما تكون واحد من ضمن ملايين مستفيدين مش من حقك تتكلم بلسانهم كلهم وانت مالكش صفة غير إنك مواطن = يعني لا انتخبوك عضو مجلس شعب ولا مجلس محلي ولا حاجة .. صفتك كمواطن تخليك تشكو من نقاط معينة أو تتوجه بشكوتك لجهة حساب وعقاب أو تعتصم وتحتج سلمياً .. مش إنك تقل أدبك وتعايره بمرتب نصيبك فيه تلاته مليم وممكن تكون أصلاً بتتهرب من الضرايب أو شايفها حرام أو مش بتراعي ضميرك فيها...

لما تكون شكوتك قبل الثورة إن رئيسك مش مقدرك وإن مرتبك مش كفاية وإن حقوقك مهضومة، ما ينفعش بعد الثورة إللي عملتلك صوت إنك تتحول إلى طاغية وتعامل الناس بمنطق إنك سيدهم وهم عبيد عندك وتمتلكهم خصوصاً إن ده مش حقيقي ومش صح ولو الدنيا اتعدلت واتعاملت بنفس المنطق هتسب الدين للشغل والعيشة واللي عايشينها..

بلاش عقدك تطلع على الناس .. احترمهم وخاطبهم على قد مقامهم وقد أخطائهم بلغة مهذبة ومقبولة مش بعنجهية وتطاول ..غير كده منعول أبو القرش أو المنصب اللي يجيب للواحد التطاول وقلة القيمة

الحرية في الجمهورية

2011-02-19T15:48:00.001+03:00

ترغب جمهورية مصر الفيسبوكية في مشاركة مفاهيمها عن الحرية مع الأخت الكبرى الثائرة – جمهورية مصر العربية – وذلك بعد مشاركتها في أحداث الثورة ومتابعة مراسلينا لها على المستويين المحلي والدولي. كما ترحب الجمهورية بمناقشة أي إضافات من مواطنيها الكرام أو من الوطن الأكبر.

أولاً: مفهوم الحرية

هي كل ما يمكنك قوله أو فعله في حياتك ليعبر عنك أو عن قناعاتك الفكرية والدينية والاجتماعية والاقتصادية والسياسية دون قمع الأخرين أو المساس بحقوقهم المساوية لك في المقدار، حتى إن كانت معاكسة في الاتجاه.

ثانياً: ضرورات الحرية

١- الثقافة والوعي – أشياء تحتاج للقراءة في الكتب ومراجعة المصادر الموثوقة بالمعرفة والحياد والحوار مع أصحاب الفكر المعتدل والمستنير وأصحاب الرأي المخالف لرأيك

٢- الصبر وطول البال والحلم – كثير من الآراء تتطلب المراجعة وقد تتعارض تماماً مع ما تراه مناسباً، عليك أن تعطي نفسك وقتاً لاستيعابها أو إدراك وجاهتها والقراءة عنها قبل أن تتخذ موقفاً مخالفاً لها أو متفقاً معها، كما يجب أن تتناقش بطريقة لا تسخر بها من الآخر أو تقلل من شأنه، وتذكر أن الآخر سيعاملك بالمثل في حال رأى في أسلوبك خيراً وقبولاً للخلاف

٣- قبول الأخر – لا يجوز لأي مواطن أو مجموعة اتخاذ موقف معادي من مواطن أو مجموعة أخرى لمجرد اختلاف الرأي أو اللون أو الدين أو الجنس أو أي ملمح تمييزي آخر فالأصل في الأوطان ورفعتها هو التلاحم المعنوي والتنوع الفكري والحضاري بين مواطنيه بغض النظر عن أصولهم وألوانهم ودياناتهم. احترامك للآخر بغض النظر عن حالته وشأنه يعلمه احترامك أيضاً بل ويجبره على مراجعة اختلافكم أيضاً أو قبوله

٤- الإجماع على الحقوق التي تحفظ إنسانية المواطن والتي تحفظ حقك في الحياة والعمل والاعتقاد والامتلاك وغيرها من الحقوق المذكورة في المواثيق الدولية – إن لم تكن تعرفها فرجاء الاتطلاع عليها في المواقع الرسمية للمنظمات الدولية على الشبكة

ثالثاً: الممارسات الواجبة:

١- التعبير عن الرأي بحرية تامة مع مراعاة عدم التجاوز في حق الآخرين سواء بإهانتهم أو التقليل من شأنهم أو من شأن معارفهم

٢- النقاش الموضوعي لنقاط الخلاف مع الحفاظ على هدف أسمى من مجرد كسب النقاش – النقاش العاقل المحترم في حد ذاته مكسب فقد توافقنا وتعايشنا وتعارفنا حتى ولو لم نتفق – الهدف الأسمى هو التوافق لصالح الوطن بكل فئاته

٣- الإيجابية الفاعلة – الإيجابية ليست هي ممارسة النقاش، بل هي تفعيل النقاط التوافقية سواء بالمناداة بها أو دعمها في الإستفتاءات الوطنية ودعم ممثليها معنوياً ومادياً في هيئات الدولة والمجتمع المدني وكذلك ممارستها على مستوى الفرد والأسرة. عليك أن تشارك في الأنشطة المدنية السلمية والخيرية والداعمة للفكر والثقافة والحريات. كما يجب أن تشارك في الانتخابات والأحزاب ودعم من يمثلوك. تذكر دائماً أنه لا يوجد ١٠٠٪ اتفاق ولا ١٠٠٪ اختلاف .. اختر الأقرب لك فلا مثيل لك. نعم – لا مثيل لك – لذلك نفخر بك ونحافظ عليك ونطلب مشاركتك الإيجابية وتشجيعك عليها دائماً.

٤- لا تُعادي – نعم .. مواطنوا الدولة الواحدة لا عداء بينهم – الخلاف جائز – الاختلاف مقبول – أمّا العداء فهو يضعف الأوطان ويفككها. لا تخسر معارفك لاختلاف الرأي أبداً بل اقترب منهم ووضح لهم خلافاتكم واقترح لهم مصادر للمعرفة واقبل منهم اقتراحاتهم وراجعها وإن لم تتفقوا فلا بأس – أظن أنك لن تخسر أحداً لمجرد أنه لا يحب أكل القلقاس خاصة وأنه يسبب الوفاة حين يؤكل نيئاً وفي حال رغبته أن يكون القلقاس وجبة وطنية رسمية يمكنك دعم المتفقين معك والدعوة لتعميم الملوخية أو دعم رغبته بتخصيص أسبوع قومي للقلقاس علشان ما يزعلش ويفهم إنكم واحد وما يجراش حاجة والأسبوع ده قضيها مكرونة.

٥- شارك بأدب – شارك بفاعلية – شارك باحترام – شارك بحب – شارك

أخيراً .. نظراً لحداثة جمهورية مصر العربية الحرة وأختها الصغرى جمهورية مصر الفيسبوكية نرجو من الإخوة المواطنين إبداء أرائهم بحرية واقتراح تعديلات أو إضافات في حال الحاجة لذلك، كما نرجو منهم إيضاح أسباب التعديل أو الإضافة وقبول النقاش أيضاً ...

خالص تحيات الجمهورية ودمتم بخير

تحيا مصر

حملة سياحية – دعوة للسعوديين من أصدقائي ولمواطني مجلس التعاون الخليجي بشكل عام

2011-02-16T12:56:00.000+03:00

الدعوة دعوة للسياحة في مصر الآن .. في مدن البحر الأحمر السياحية ..

شرم الشيخ – دهب – نويبع – الغردقة – العين السخنة – وغيرها

لماذا ولماذا الآن:

لمست دعمكم ومباركتكم لثورة مصر واتفاقكم معها رغم تعارض ذلك مع بعض المواقف السياسية الرسمية

أعرف قدرتكم على خلق أجازة أسبوع في أي وقت والسفر لأي مكان

أعرف أن منكم من لم يزر مصر أبداً ومنكم من زار بعض مدن البحر الأحمر والكثير كانوا يخططون لذلك وكل من زار يرغب في تكرار الزيارة

أعرف أن أسعار تذاكر الطيران من وإلى مصر منخفضة جداً حالياً

أعرف أن أصحاب المنشآت السياحية يمكنهم تقديم عروض مخفضة وخاصة للغاية

أعرف أن استمتاعكم السياحي بمقابل معقول سيكون دعماً كافياً وتشجيعاً دولياً شعبياً لعودة حركة السياحة في مصر

أزف إليكم نبأ أن مصر أصبحت حرة .. يمكنكم أن تتعارفوا وتتكلموا في السياسة وتكونوا على طبيعتكم .. أحرار يستمتعون على أرض حرّه

إذاً هي دعوة لسياحة عربية داعمة بالفعل لا بالقول للثورة المصرية .. الآن .. أسبوع عربي في مدن البحر الأحمر سيكون صفعة ضد الفوضى ودعم واضح من الأحرار لإخوتهم

كلمتين زيادة بعد الحريّة...

2011-02-14T15:49:00.001+03:00

أظن إن اللي هقوله دلوقتي مهم شويه ويمثل ناس كتير ..

شوية كلام هحاول ما يبقوش كتير ..

ده رأيي الفعلي مش تحليلي للموقف أو إيضاحي لتوازناته ..

ديه الحرّية اللي أنا كسبتها وأشكر مصر اللي خرجت تجيبها لكل إنسان فينا

هتكلم بالنيابة عن شريحة كبيرة من أبناء الطبقة الوسطي من - إدناها إلى أقصاها – يعني من أول اللي بيجيلو ٢٠٠٠ جنيه في الشهر لغاية اللي بياخد ١٥٠٠٠ جنيه في الشهر - كليهما كادح وكليهما يرى أن الحياة صعبة ولكنها تسير وبكره تتعّدِل ..

معلش فيه شوية فصحى أتمنى زي ما أنا بستخدم العامية علشان توصل لناس أكتر، إلا إن بجد الفصحى مش حاجة عيب وجميل تعرفها وتعرف تستخدمها بجد، زي ما بقربلك خطوة قربلي خطوة ..

المهم .. الطبقى الوسطى حين نادى الشباب ب ٢٥ يناير وبعد ثورة تونس اللي شافوها في التليفزيون المفتوح لأول مره على العالم.. الناس من سن ٣٠ فما فوق، يعني مواليد ال ٧ وستينات إلى ١٩٨٤ مثلاً ..

الناس ديه قلبها فوت دقة .. أنا يعني اللي من الناس ديه حصلي كده..ده إذا شايف إني مش بعبر عنك :)

وبالمناسبة ..طريقة نشر الرأي والتوعية بأفكارك إنك الفكرة اللي بتعبر عنك أنشرها وعلق عليها لو حبيت .. المهم تشاركها مع اللي حواليك .. يفهموا يمكن يتفقوا يمكن يراجعو أفكارهم يمكن يتعرفو عليك أكتر ومالو.. كله كويس .. كله بيبني .. وكله بيعلّم

نرجع بأه ونقول ليه قلبهم فوت دقة ..

إحنا اتولدنا في احتضار عصر عبد الناصر .. يعني حضرناه جسدياً بس.. أهالينا إللي كانو من الطبقة المتوسطة بمقاييس الوقت ده كانوا حاجة من تلاته .. ناس كانو أغنيا رجعتهم الثورة للطبقة المتوسطه وحجرت على دماغهم لصالح الإشتراكية

وناس تانيه من العاملين في قطاعات زي الجامعة والقضاء والجيش والهيئات الهندسية والطبية .. أصحاب الياقات البيضاء يعني ..

وأبناء الطبقة الكادحة في عصر عبد الناصر .. إللي آمنو أو تم إجبارهم يآمنو بثورة العسكر واللي تم ملاعبات إخوانهم سياسياً والغدر بهم حين الحاجة .. هتقولي والأبناء دول إزاي من الطبقة المتوسطه؟ .. هقول لحضرتك.. دول أهاليهم طفحوا عليهم الدم علشان يتعلموا ويبقوا أحسن منهم وزيهم زي الدكاترة والمهندسين والظباط والعاملين بمصالح الدولة ... الأبناء دول من عمر أبويا مثلاً ..

المهم جيلنا دول كانوا أهله .. التلات فئات السابقة

أنا أبويا من النوع الأول وأمي من النوع التاني و٨٠٪ من أصدقائي من النوع التالت .. ده تصنيف داخل طبقة واحده علشان نكون واضحين ... مش تمييز يعني .. أوف ..

الجيل ده أختلط ببعضه في الجامعة .. في التمانينات .. أماكن العلم قربت الناس وعرفتهم ببعض المرتاح أكتر ما عندوش مانع غيره يرتاح بما إنه مش هيخسر والمرتاح بس عايز يبقى مرتاح أكتر بمجهود أقل والأقل راحة عايز يرتاح ويستقر فقط ..

كانت قضايانا لسه قومية عربية وبعدين حريات .. وبالتالي لم يكن هذا مهماً بقدر أهمية الحرية ولم يكن هدفاً إقتصادياً ملحاً .. يعني الحماسة ليه مش زي حماسة اللي حصل التلات أسابيع اللي فاتو ..

كان فيه مظاهرات واعتراضات ومواجهات وغاز مسيل ورصاص مطاتي وهروات .. بس فيه حاجات مهمة ما كانتش موجودة ... ميديا ووسائل اتصال سريعه وسهله ورخيصه ومتنوعه

وانا في الجامعة وعلشان الوالدة دكتورة في الجامعة .. كان عندي صلاحيات صغيرة بهذه الصفة – والله صلاحيات صغيرة :) علشان نكون واضحين يعني .. انا ماتعينتش في الجامعة وعمر ما والدتي درست السنة اللي أنا فيها حتى .. بس كان لا مانع الدكتور فلان يشرحلي مثلاً علي اعتبار إنه أصلاً كان حاضر يوم ولادتي وغالباً شالني وانا في اللفة وقليت بأصلي على بدلته

المهم من ضمن هذه الصلاحيات إني بدخل الكلية بعربيتي .. إللي اتجابتلي علشان الوالد والوالدة اشتغلوا في السعودية وطفحوا دم ١٠ سنين في موسم الهجرة الأولى للعقول للخليج إللي خلقها عصر السادات - الانفتاح – كلام تاني غير الناصرية التي لا يحبها أبي وتقدرها أمي .. المهم الناس ديه اشتغلت وبعدت عن السياسة وسافرت الخليج وجابت لعيالها واستريحت نوعاً علشان الحياة بتغلى .. ديه ناس ابتدت بمرتب إجمالي بتاع ١٨ جنيه ووصلت لبتاع إجمالي تلات اربع تلاف جنيه .. مرحلة السادات .. عفوياً أو عمداً وأنا شايفها قدر وترتيب إلهي ... المرحلة عملت زيادة في مجال الطبقة الوسطى بالديون .. يعني مصر استلفت علشان تزود من متوسطي الدخل ..

المهم .. لو كان فيه تليفزيونات وموبايلات وفيسبوك وال هلومه الموجودة حالياً كانت المظاهرات ديه عملت حاجة تانيه في غير الوقت المناسب ..

عن نفسي كان إجمالي مشاركتي على اعتبار إني من المرتاحين اللي معندهومش مانع يرتاحو أكتر بمجهود أقل ..إني أدخل ميكروفون المظاهرة معايا في العربية .. أشيله فأودة السكرتيره .. آخد كام واحد من أصحابي اللي بيشاركو بالفعل في المظاهرات ومن قياداتها وأخرج بهم هرباًمن المخبرين والقبض عليهم بما إني عربية خارجة من الجامعة وبالتالي ينفع الأمن اللي محاصر الجامعة يعديها من غير ما يوقفنا .. أشارك في التمثيل في مسرحية سياسية ساخرة .. حاجات من النوع ده .. كنت رئيس الجمعية الإنجليزية بانتخابات في صندوق وبتاع واللي نجحوني كانوا أصحابي بتوع المظاهرات والسياسة.. علشان كنت محايد ومش ممانع ومساعد بطريقة أو بأخرى دون مواجهة..

كتير مننا اتربينا على كده .. مش عايزين ننضرب أو نتشتم أو نتحبس أو نتهان .. ينفع أساعدك من غير ده كله ماشي .. إنما كل الحاجات ديه تقيله عليا .. مش علشان خنفس بس علشان ماتربيتش على الإهانة وعايش كويس ومفيش حاجة عايز أقولها .. وكمان أهلي .. الطبقة الوسطى المستريحة مش معترضين قوي يعني .. بيتعاطفوا مع القضايا السياسية .. بيدايقو من السرقة بس عاصروها مع ناصر والسادات ومبارك وبيعرفوا يتعاملوا مع الانحرافات الإدارية والرشاوي زي ما كل الناس بتتعامل بس من غير ما يحسوا إنهم مضرورين قوي يعني .. من غير سياسة عميقة أو ممارسة حريات .. هيه الحريات الممنوحة معقولة .. احنا مش عايزين دوشه وفوضى ومغامرات .. ماهي ماشية ..

بعضنا وقلة من أهالينا قدرت تتعامل مع النت والموبايلات .. مننا قله شاطرين ولحقنا نتعلم ومننا يادوب بيفك الفونط

شوفنا ثورة تونس وكنا مدركين قوة التكنولوجيا ولكن مش واثقين فقوة إخواتنا الصغيرين وجيراننا إخوات أصحابنا الصغيرين وولادنا وطلابنا.. مش بس مش واثقين في قدرتهم على التنظيم، إحنا مش واثقين فحماسهم أو تفانيهم أو فهمهم لأبعاد الموضوع وخسايرة في حالة الخسارة ...

ماكانش عندنا مانع .. كلنا ماكانش عندنا مانع .. كنا مرتاحين وعايزين راحة أكتر بأقل مجهود .. بس فيه مشاكل قدام التوجه ده

اللي عايزين يعملوا الليلة ديه إخواتنا وولادنا وولاد أصحابنا واخواتهم وطلابنا .. اللي مرتاحين نوعاً كلهم ..

ثقافتنا فهمتنا .. ومش بس ثقافتنا .. الأنظمة اللي حكمتنا فهمتنا إن المواجهة شرسة ومهينة وخسائرها في حال انتصارهم مريعة وغير محتملة .. ومضى من أعمارنا نصفها أو أكثر .. طب إيه!!!

دول إخواتنا وولادنا وبناتنا .. ومنقدرش نخسرهم .. هيتعورو .. هيتبهدلو ... هيتهانو وهيتحبسو وهيكسرو قلبنا .. هيعجزوا بدري وهما حلوين وفرحانين بشبابهم .. هتتكسر شعلتهم وينقهروا .. والله العظيم ده كان إحساسي وانا بشوف عدد الناس اللي قالت إنها هتحضر ٢٥ يناير ..

طيب أعمل إيه؟!! .. عميد شرطه طالع يهدد الوزير ويقول سلمية وبعدين يهدد بالدفاع عن النفس .. يعني يقول هندافع عن نفسنا بصيغة هجومية .. طب يا جدع انت واقف ورا الكاميرا ومحدش هيطولك إلا في بلاد الفرنجة .. إنما دول هيبقو في الشارع !!! .. الشرطة جهاز شرس وباطش .. عارفين كده كويس من أصحابنا الظباط من أيام المظاهرات وبعدها أيام مكافحة الإرهاب والنشاط الديني المسلح اللي كانو بياخدو أوامر ما يقبضوش على حد ويموتو الموجودين ومن عدمه يا فندم!! .. إيه!! هيموتو العيال يا عم انت!! .. وبعدين مين قال إن مش ها يندس – كما تعودنا وشاهدنا – بلطجية وتيارات وإخوان برايات مختلفة وأهداف مش كلنا متفقين عليها .. مين يضمن ده .. ال١٠٠ ألف على الفيسبوك هيعرفوا يتحكموا في الموضوع ده؟!!! ... مستحيل .. ده ها يبأه يوم أزرق وربنا يستر ويجيب العواقب سليمة ...

ولكن الموضوع بيزيد والكلام بيسخن وهننزل ومش راجعين إلا لو حصل سين وصاد وعين!!!!

يا جدعان مش كده .. بالراحة شوية ... طبعاً ديه تراكمات الأنتخة والموضوعية والحياد والرضا بالحرية الممنوحة .. مضاف إليها الهلع على حصيلة المواجهة والخوف من تداعيات الفوضى المتوقعة ...

كتبت مقال سألت فيه الناس: جاهز؟؟ وعددت فيه شكوكي وتوقعاتي وتخوفاتي وقلت انت حر في النزول من عدمه بس لو سمحت حط الكلام ده في مخك وبعدها أضفت رأيي في التعليقات من غير حيادية .. قلت إن مفيش ثورة بميعاد .. وده حقيقي والثورة ديه محصلتش ٢٥ يناير وهشرح أهو..

وصلنا ليوم ٢٥ يناير ... طول الفترة ديه أنا في جده ... عندي أجازة طبيعية حاجزلها أول فبراير وناوي أنزل بصرف النظر عن تطور الأحداث ..

الثلاثاء – الأربعاء – الخميس – الجمعة – السبت – الأحد – الإثنين - الثلاثاء :

المواجهات معتاده، والتنظيم أفضل وسلميه سلميه سلميه والموقف تغطيه عشرات العدسات الدوليه وآلاف العدسات الشخصية والمحلية .. الشرطة يبدو أنها تتعامل مع الموضوع بذكاء وأقل عنفاً مما كانت تفعله مع المتظاهرين في الثمانينيات.. طيب .. الشرطة تتعامل بغباء معهود – المتظاهرين ينتصرون – الشرطة تنسحب بأمر فوضوي موروث من عسكرية ٦٧ – النظام لا يتنحى – سلطته الفعلية إنهارت – يا ولاااااااااد الكلب !!! دول قطعوا النت في مصر!!! والموبايلات !!!! نهار أبوكم إسود (الحكومة هي المقصودة) هتموتو العيال ومش عايزين حد يشوف ولا يعرف !! والعالم ساكت عادي كده خالص؟؟!!! لااااا .. هنا أصبحت النتيجة معروفة بالنسبة لي: نجح الشباب وسقط النظام وبدأ الكمين الثعباني في محاولة الإجهاض ... هنا قررت لا إرادياً ،من خلال مهاراتي إللي على قدي ومعارفي على تويتر الذين لا يتجاوزوا تلاتين فرد، قررت أن أكون بمنتهى الضعف جزء من الصوت المصري على الأرض إلى الشبكة ..تويتات – فيسبوك – نقل أخبار – مكالمات للهواتف الأرضية لنقل الصورة الحقيقية على الشبكة وفي الأنباء لمحاربة النيل الهادئ والكوبري الفاضي على شاشات المصريات الفضائية .. دورت مين طالعله حس من الشارع وساهمت فنشر صوته .. حسيت إنه إيه بأه؟!! طلعوا جدعان ،ثبتوا وكسبوا مع الدم والضرب نحت الحزام .. خايف عليهم إيه ماهم خلاص خافوا عليك انت وعلى البلد أكتر ولازم حالياً تكون معاهم .. وياريت ما تبقاش معاهم بقلبك علشان ديه بلدك انت كمان ...

المهم .. مارست شوية مجهودات الكترونية وكلمت بعض الأصدقاء اطمئن منهم على حالة الطيران والمطار وإمكانية السفر وقررت تأكيداً إني أسافر في معادي واللي يحصل يحصل .. ليّا أهل وإبني واقف مع اللجان الشعبية ولمّا اتصلت بيه افتكر إني بكلمه علشان أمنعه وابتدى المكالمة معايا سخن كده وبيرد يقول أنا كويس وفيه إيه يا جدعان – غالباً علشان جاله مكالمات كتير من النوع التقليدي – قلتله يا عم بالراحة أنا بكلمك أقولك برافو عليك وجدع وخلى بالك من نفسك!! .. كلمت عميد الجامعة ورئيس القسم وقلتلهم أنا مسافر وماضمنش أرجع في المعاد ده إن رجعت وانتم فاهمين الظروف وكان ردهم إحنا إخوات وربنا معاكم ولو عايز أي حاجة قول – دول مواطنين سعوديين بالمناسبة – ولما اتسألت إيه ضرورة النزول كانت إجاباتي هي: أنا ماليش حد عندكو .. كل اللي ليّا هناك .. وبعدين الناس ديه السيولة اللي معاهم هتخلص في حال طول الفترة وهيتزنقوا ومش هعرف أبعت حاجه لحد .. بخلاف كده أنا عندي أجازة وبلدي فيها ثورة ولو ما نزلتش وأنا أقدر أبأه جبان ..

نزلت الطيارة الفاضية في مطار القاهرة بعد مواعيد الحظر وبمجرد ملامستها المدرج كلمت صديق لي في المخابرات الحربية وقالي إنهم في التحرير حالياً ومش هينفع يبعتلي حد ياخدني البيت واتكلمنا في السريع على التطورات وقفلنا ... نزلت المطار وأنا سعيد وحاسس بهدوء وخرجت في ثواني مع شنطتين هاندباج فيهم اللاب توب وبعض الهدايا الصغيرة ملابس تكفي ٣ أيام ومافيهمش حاجة شتوي غير الجاكت اللي أنا لابسه .. رحت السوق الحره أجيب شوكولاته للولاد سألوني على الجواز بمنتهى الجدية وندهو ظابط الجمارك وحاجة آخر التزام وتنفيذ لروتينية الجمرك .. سألتهم خير؟ من إمتى يعني؟!! خلاص الضمير والتعليمات بيتنفذوا على الشوكولاته دلوقتي .. ابتسموا وقالوا أيوه .. ما علينا مذكرات الأيام ديه بعدين ويصحبها الكثير من المشاهدات والتعليقات في مقالات تانيه إن شاء الله

من ساعة ما نزلت مصر وأنا مع الناس .. خلاص انتهى الموضوع واتحسم .. لينا كلنا .. الطبقة اللي بتكلم عليها .. أصلاً الثوريين اللي من سننا إللي عاشو اللي عشناه في الجامعة وحالياً حالتهم جيدة ومنهم اللي في مصر واللي بره .. خدوا نفس القرار في أوقات متشابهه .. كل اللي يقدر ينزل مصر نزل وكل اللي فمصر شارك مش علشان يبقالو فضل أو يسرق انتصار أو يركب موجه ... شارك علشان هيه دي الروح اللي كان نفسه فيها وهيه دي البلد اللي بيحبها وهوه ده شهيق الحرية بالنعناع على شط البحر ساعة الفجر .. صحابي الثوريين اللي من سني على فيسبوك ٨٠٪ منهم نزلوا مصر أو نزلوا الشارع مع الجاليات ...

كان عندي حرب تانيه في البيت مع الوالد والوالدة .. من أول خوفهم من مشاركتي في اللجان الشعبية وأنا شايل طبنجة ماركة الهدهد المنكوش لخوفهم من نزولي التحرير لفرحتهم وخوفهم من وجودي قدام القصر .. لو على خوفهم بس كان أوك عادي رغم أني فوق الأربعين .. إنما موروث القمع وفزاعة الإخوان والرضا بالممنوح والقلق من الفوضى ومتابعة التليفزيون المصري ومهاجمة العيال اللي عينها فارغة وما كفاية كده وكده أوك بأه وجدعان ويروحوا بأه .. ده كان سجال يومي وكل ساعة علشان تحاول تشيل كل السلبيات اللي تراكمت ٧٠ سنة .. لغاية يوم السبت بعد التنحي وقبل ما أسافر بساعات وهم بيقولو خلاص الناس اللي في الشارع دول هينضربو ويتحبسو وأنا أقولهم يا جدعان خلاااااااص .. ما بقاش فيه حاجة اسمها هينضربوا ويتحبسوا ... براحتهم .. كل الدنيا فيها الأعداد ديه كل يوم بتتظاهر بالأدب ..

في عصر الحرية المنتزعة أنا حد تاني ... موضوعي ماشي .. عقلاني ماشي .. مؤدب ومالو .. بس حر أقول اللي أنا عايزه .. مش لازم أبأه محايد ومش لازم أعجبك أو تعجبني بس لازم أسمعك وتسمعني وأقبلك وتقبلني وأحترمك وتحترمني وأدافع عنك وتدافع عني وأعلمك وتعلمني ..

عندي كلاااااااام كتيييييير لسه .. بس كفاية صداع كده المقال ده

بحبك يا مصر .. بحبك يا بلدي ... بحب كل شعب بلدي .. مصدق وواثق وراجع قريب

أشكر الله ثم انتم ثم التكنولوجيا ثم نفسي على نعمة الحرية .. وأقول لكل اللي زيي .. إشرح – إقبل – ساعد – أنشر اللي موافق عليه وشارك الناس - تخلص من حمامك القديم :)

تحيات مواطن حر

أيوه جاهز

2011-02-10T20:17:00.000+03:00

أيوه جاهز .. هذا هو الرد الذي خرج من شباب مصر

مش بس جاهز .. أنا عارف عايزين إيه كمان وواعي وفاهم وبعتذر مقدماً عن الثمن الباهظ ولكن لا شيء مجاناً

وبناء على هذه الإجابة نزلت بينهم في الشارع .. في قلب ميدان التحرير .. في عاصمة الثورة ..

كثيرة هي الصور ومقاطع الفيديو التي سأعرضها لاحقاً .. ولكن الآن أكتفي بهذا المقطع ... سأترككم الآن مع المقطع ولنا عودة .. قريباً

عاشت مصر حرّه

إسأل نفسك ... جاهز؟

2011-01-23T06:22:00.000+03:00

تنزل يوم ٢٥، ما تنزلش يوم ٢٥ .. انت حر .. بس قبل ما تاخد قرار مصيري إسأل نفسك .. جاهز؟

كل دعوات النزول بتقول إنه نزول بلا عودة إلا إذا....

عارف إلا إذا إيه؟ وللا نازل وخلاص

فاهم يعني إيه بلا عودة إلا إذا وللا مش فاهم؟

فاهم إن أي نظام هيواجه لحظات تهدد كيانه وسيطرته هيتصرف بحسم وحرفية عالية وللا مش فاهم؟

واخد بالك من وجود قيادات مختلفة بأغراض مختلفة وللا لأ؟

قادر تستوعب إحتمالية الخسارة والمواجهة القوية؟

فعلاً مش لاقي تاكل ومقموع ومقهور ومتعاطف مع غيرك لدرجة المواجهة؟

فعلاً متأثر بنقص الحريات والواسطة والفساد وما إلى ذلك وللا موافق مع الزيطة رغم إنك انت نفسك اتوسطلك ناس في حاجات كتير وانت نفسك دفعت رشوة وانت نفسك ميزت في المعاملة بين الناس؟

فعلاً عندك استعداد لمواجهة قوة تدافع عن بقائها ومعندهاش مانع تضربك أو تحبسك انت واللي يتشددلك مهما كان جنسهم أو سنهم؟ يا ترى هم كمان موافقين يحصلك ويحصلهم كده ولا الكلام ده مش في بالك حالياً؟

وانت بتطالب بالحرية والحق، طالبهم للكل وبالتساوي وللا طالب حاجات للمسلمين وحاجات للمسيحيين وحاجات للستات وحاجات للرجالة؟

واللي حواليك موافقينك يا ترى وللا كل واحد طالب حريات وحقوق بمفهومه الخاص

ضامن كل الناس ديه ما تكسرش وتدمر في طريقها عربيات ومحلات وأرزاق ناس مالهاش دعوة؟

ولو حد عمل كده والأمن استغل الفرصة لمزيد من القمع والتجاوز، يبأه معذور ولا مفتري؟

يا ترى في الفوضى.. عندك وعند غيرك تموين غذائي ودوائي كفاية لحالة الفوضى الآتية لا محاله؟

فاهم إن المؤسسات العسكرية المصرية مش معاك؟

فاهم إن قوات الداخلية فقط = ٢ مليون

فاهم إن البديل حكم عسكري مش مدني وطوارئ أسوأ لفترة غير معلومة؟

فاهم إن عندنا أكتر من مليون مجرم مدان ينتظر الفوضى

متابع نصايح التظاهر اللي في الفيديوهات والكلام المتغطي بتاع إحنا هندافع عن نفسنا وبنحذر !!

عارف مين القادة وللا مسلمها للمجهول؟

متخيل إن مش هيكون مرفوع غير علم مصر وإن الشعارات هتكون وطنية وعامة فقط؟

إذا كان الموضوع كله ينحصر في إن إحنا مش أقل من تونس فياريت تقعد فبيتكو

تاني: تنزل يوم ٢٥، ما تنزلش يوم ٢٥ .. انت حر .. بس قبل ما تاخد قرار مصيري إسأل نفسك .. جاهز؟

أكذوبة الرجل الشرقي

2010-11-18T11:32:00.001+03:00

تهمة ومفخرة وعنصرية

هذا هو موجز تعبير الرجل الشرقي..

تهمة في حال كونه غيور زيادة عن اللزوم أو متسلط أو متحكم أو متشكك أو دمه حامي أو بينظر للمرأه نظرة دونية أو مش عايز مراته تشتغل أو ما بيحبش بنته تتأخر باليل أو تبات بره أو تلبس عريان

مفخرة في حال كان جدعاً وشهماً ومقداماً وكريماً وخلوقاً وذو شخصية قوية

عنصرية في استخدامنا لها عمّال على بطّال للمدح أو القدح أو التصنيف

وكأن ما ذكرته في الاتهام أو التفاخر مقصور على رجال الشرق

ما فيش حد سافر خارج الشرق؟!! محدش شاف الرجالة اللي كده بالظبط فإيطاليا؟ إنجلترا؟ البرازيل؟ الارجنتين؟ كينيا؟ أمريكا؟

بلاش سافر .. يعرف حد فـ ميلانو، لييدز، نيروبي، تكساس؟!

بلاها يعرف أو يسافر وبلاها القراية كمان .. فرجه على التليفزيون طيب!كام فيلم ومسلسل أجنبي من كام دولة فيهم النظرة الدونية والغيرة والعصبية والتسلط والشك واللي مش عايز فلانه تلبس عريان أو تبات بره أو ترقص مع معرفش مين أو تتأخر عند صاحبتها أو تتعامل أون لاين براحتها أو مراعي خصوصية فلانه أو علانه..وكام برضو فيهم الجدع الكريم المؤدب أبو شخصية.

ذكرت نماذج من الغرب وتجنبت الكلام عن الصين مثلاً .. قلت أهم محسوبين شرق برضو بس يا سلام على الرجل الصيني ونظرته للمرأه وصلاحيتها ..

هذا الرجل موجود في كل مكان، شرقي وغربي، هذا هو الرجل الذي تنتجه طبيعة مجتمع نشأ فيه وتربية تلقاها وموروث وتعليم وإعلام.. الرجال يختلفون بقدر ما تختلف نشأتهم وطبيعة تربيتهم أولاً والمجتمع وقوانينه الغير مكتوبة ثانياً .. الجغرافيا تدخل المنظومة بقدر ما يلهب الجو الحار أعصاب الناس ويبطئ الجو البارد من سرعة رد الفعل لديهم فقط .. الدين ومشاكل الناس وطبائعهم موزعة على كل مكان ولكن بنسب متفاوتة. قد يزيد تحفظ بعض المجتمعات ويقل في مجتمعات أخرى ولكن كل الأنماط والطبائع موجودة بنسب ملحوظة ولا يجوز تعميم نسبة على أخرى

صفة الرجل الشرقي في حال المدح والقدح والتصنيف وفي عصرنا هذا وليس من 2000 سنة مثلاً قبل الاكتشاف الثاني للغرب.. عنصرية تماماً ومشكوك في صحتها

هو ده الكلام النهائي بأه علشان أنا رجل شرقي ... جغرافياً

في المسألة الفودافونية والإعلانية عموماً

2010-11-18T02:23:00.001+03:00

***16 سنة فما فوق***

عرفت بموضوع إعلان فودافون من رسالة حالة -Status Message- على حائط فيسبوكي جاري. رخمة (رسالة حالة). القصد بحثت عن الإعلان للحكم الشخصي عليه وأكتشفت أنه اتمسح بمعرفة المستخدم!!

تعثرت أثناء البحث في عدد كبير من الصفحات والاحتجاجات ويليها العديد من اعتذارات شركة فودافون وتعليقات الجماهير!!!

وكما توقعت، يوجد مواطن واحد على الأقل استطاع أن يسجل الإعلان ويرفعه بشكل شخصي وغالباً سيتم مسحه من على يو تيوب بطلب من فودافون. شاهدت الإعلان ولم يلفت نظري غير العبارة الأولى. ورغم انها عبارة شعبية صميمة لا تخلو من حكمة وطرافة، إلا أنها تندرج تحت فئة الكلام الأبيح. وطبعاً ما يصحش الكلام الأبيح.

على ما يبدو إن ده ما كانش سبب اعتراض الجماهير!! السبب المعلن والواضح هو : ما يصحش كده ده عباس ابن فرناس راجل كُمّل!!!

وهو موضوع يوحي لي إن هذا الإعلان لو لم يتضمن عباس ابن فرناس لـ كان دخل إلى التوب تِن وتم تقنين العبارة على إنها كلام مش أبيح، بل وأصبح استخدامها جائز ومقبول بين الكبار والصغار كغيرها من المفردات التي يتم تداولها حالياً بسبب التقنين الإعلاني أو الإعلامي لها.

صاحب فكرة الإعلان - الذي لا أعرف عنه شيئاً - فكّر بطريقة منطقية وراهن على المعلومات الحقيقية التالية:

العبارة الأولى أبيحة من تحت لتحت وفيها نكتة والراجل ما قالش حاجة عيب وانتو اللي نيتكو وحشة وهاهاها.

الجمهور بشكل عام آخر ما يعرفه عن عباس ابن فرناس انه عمل جناحات ريش علشان يحاول يطير ووقع مات.

نسبة أقل رأت فيما يرى النائم إن سبب إنه وقع إن دراعاته ماستحملتوش أو الشمع اللي كان لازق بيه الجناحات الشمس سيحته أو انه نسي يركب ديل.

نسبة أقل للغاية تعرف عنه معلومات موثقة.

نسبة أقل للغاية جداً خالص مذاكرينه، ودول غالباً مش بيتفرجوا على التليفزيون.

إذاً: مفيش مشكلة .. إيه يعني عباس بن فرناس.. المهم الحمامة وجملتها .. الحركة بتاعت الإعلان

يعني قبل الإعلان ده لو سألت عموم الشباب والكبار فأي برنامج من اللي بيقابلو الجمهور في الشارع عن مين عباس ابن فرناس هتسمع إجابات من نوع:

-واحد من الصحابة
- مخترع البوصلة
- قاهر المغول
- واحد نط من عـ الجبل بجناحات ومات

لـ سوء حظ صاحب الفكرة .. العبارة لسه مش مستساغ إنها تكون مشاع يُقال وفـ نفس الوقت لو فيه اعتراض حقيقي عليها ماكانتش اتعرضت. من أول الفكرة لغاية الشاشة كله كان أوك.

بعد كده أصبح الاعتراض: إزاي تقول كده لعباس ابن فرناس؟
مش إزاي تقول كده عموماً!!!!!

ده إيه الحلاوة دي؟!!

أسهل شيء الآن أصبح اللعب على أوتاركم العارية

علشان بيقول كده لعباس ابن فرناس اصبحت فودافون شركة كوخة ولازم نقاطعها ..
علشان بيقول كده لعباس ابن فرناس اصبحت هجمة على الصحابة والتابعين وعلماء المسلمين..
علشان بيقول كده لعباس ابن فرناس اصبحت سخرية من علماء العرب الذين قدموا النور لعصور الظلام الغربية التي تعرف شأنهم أحسن منا..

شيزوفرينيا اجتماعية لا تعترف بذلك بوضوح وتحاول إيجاد شماعة أخرى لمواجهة الوازع الأخلاقي الوهمي الذي تنكأه العبارة في كل مشاهدة للإعلان فيشعر أحدهم أنه يجب أن يقول:

إيه قلة الأدب ديه .. ويتذكر أنه يستخدم نفس المفردات المذكورة فيستطرد.. عباس ابن فرناس ده حد مهم ما ينفعش يطلعوه كده.

أو يشعر آخر بالحرج وسط حضور لا يعرفهم أو يعرفهم

أو تضطر فتاة أن تكتم ابتسامتها أو خجلها.

الكل مذنب والكل بيتلكك فـ عباس ابن فرناس.

شاهدت إعلان فيه أطفال صغار لنوع من أنواع البطاطس يرقص فيه الأطفال الصغار وفي نهاية الإعلان تصورهم الكاميرا من الخلف وتركز على مؤخراتهم وهم يتقصعون في الرقصة تصاحبهم الغنوة قائلة:

بطا - طيسها - مضلّعة..

نعم؟!!

هما دول مش عيال المسلمين؟ مش عيال العرب؟ وحتى لو عيال كلب !! .. الكلمة ديه مش موحيه .. مش واضحة رغم الإخراج العبقري؟!! .. عادي يعني .. بطا - طيسكو أنتم كمان مضلعة وللا إيه؟!!

ده على مستوى الكلام ..

إعلان الشامبو الشهير أو الشيكولاته الأشهر اللذان يستلهمان أعضاء تناسلية في الصورة والحركة بشكل مكشوف للغاية عادي؟!!

بوسة جرافينا اللي في الحمّام كانت إشطه!

مش هتكلم على الأغاني والكلمات اللي بقت "قانون جديد"

إذا كان الموضوع ذوق عام وحفاظ على هامش أخلاقي فـ خليكو واضحين وبلاش تماحيك ويبقى موضوع شامل متكامل. عباس ابن فرناس نفسه أكيد مش عاجبه التشريد اللي حصل علشان انتو نيتكو وحشة وكلامكو الأبيح غريب.

ملحوظة:
الإعلان بالنسبالي تافه ومعجبنيش ولا يستحق الضجة من أصله
رد فعل شركة فودافون صِحِي ولكن إحساسي ناحيته غير مفهوم - في حاجة مش عاجباني ومش عارف إيه هيه

كل عام وانتم بخير .. تاني :)

http://www.facebook.com/pages/Dr-Tamer-M-Lokman/38909542735

في عيد الأضحى - آية واحدة تكفي

2010-11-14T09:24:00.001+03:00

{فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاء اللَّهُ مِنَ الصَّابِرِينَ} - 37:102

رأى النبي إبراهيم عليه السلام أنه يذبح إبنه..

أولاً نلاحظ استخدام الفعل (أَرَى ) مصحوباً بكلمة (الْمَنَامِ) أي حالة النوم
.. وهو أمر يفيد عدة معان ..
الرؤيا وليس (الحلم) فـ لو أنها أضغاث أحلام لكانت المفردة الدالة على ذلك واضحة المعنى لا لبس فيها
استخدام الفعل المضارع (أَرَى ) وليس (رأيت) مما يفيد إما بتكرار الرؤيا، أي أنها ليست حادثة ناتجة عن سوء الهضم مثلاً بل رؤيا متكررة ذات هدف ومعنى، كما أنها أيضاً حاضرة التفاصيل مليئة بالحياة .. رؤيا أب أنه يذبح ابنه ليست بشيء هين حتى على الأنبياء..

هل كان هذا أمر مباشر من الله بذبح الإبن؟ .. لو أنه أمر مباشر للنبي من خالقة لـصدر له كأمر مباشر .. الله سبحانه وتعالى يأمر بإرادته وباللفظ المباشر أو بالوحي الصريح.. أمثلة ذلك كثيرة للغاية (وَقُلْنَا يَا آدَمُ) - (قَالَ أَلْقِهَا يَا مُوسَى) - (وَأَوْحَيْنَا إِلَى أُمِّ مُوسَى) - (وَأَوْحَى رَبُّكَ إِلَى النَّحْلِ) ..

أمّا في حالة سيدنا إبراهيم عليه السلام فقد كانت رؤيا .. ورؤى الأنبياء حق، وقلوب الأنبياء لا تنام .. أي أن رؤاهم شيء عليهم الالتفات إليه وتأويله والتصرف على أساسه، فإن ثبت أنها وحي، أصبحت الطاعة واجبة.

وعلى ذلك، وبعد فكر ومسيرة، قرر إبراهيم عليه السلام أن يقص هذه الرؤيا على إبنه.

علينا أن نتذكر دائماً أن التخلي عن ابن أو قتله يعد أمراً عظيماً لـكل أب سليم نفسياً، ناهيك عن كونه نبي. إذاً الموضوع ليس سهلاً حتى على نبي، بل أنه كارثة إن صح التعبير.

يأتي هنا سؤال سيدنا إبراهيم (فَانظُرْ مَاذَا تَرَى) .. لا توجد علامات استفهام في القرآن الكريم .. بل أن المفردات والصياغة تتكفل بإيصال المعنى بدقة بالغة .. يستطيع من يقرأ القرآن أن يفهم السؤال ومعناه وتصنيفه، بعبارة أخرى يمكن معرفة ما إذا كان الغرض من السؤال هو الاستنكار أو الاستفهام أو غير ذلك من المعاني. والسؤال هنا ليس استنكارياً بالطبع .. بل هو سؤال من أب يكن لابنه مشاعر الحب الإنساني الأبوي الغريزي ويكن لربه حب والتزام آخر بحكم النبوة.

(فَانظُرْ مَاذَا تَرَى) = أنت تعلم أنها رؤيا - أنت تعلم أني نبي الله - أنت تعلم صعوبة الأمر علي فأنا أبوك - أنت تعلم أن الطاعة واجبة رغم قسوة الرؤيا علي وعليك.. ماذا ترى ..

هنا نرى ردة فعل نبي آخر..(هناك خلاف في كون هذا الابن إسماعيل أو إسحق وكليهما نبي وإن كان الأرجح أنه إسحق)..ردة فعل ولكن ليس بصفته نبياً بل بصفته ابناً طائعاً مخلصاً محباً لأبيه ومقدراً لمكانته ودوره، بل ولديه استيعاب كامل لمشاعر أبيه الإنسانية التي أجبرته على الحكي وطرح الأمر رغم قسوته وصعوبته وإدراكه حتمية الطاعة.

(يَا أَبَتِ افْعَلْ مَا تُؤْمَرُ) الآن اتضحت الرؤيا. لقد أكد الابن لأبيه أنها رؤيا .. نعم يا أبي إنها رؤيا وأمر مباشر أعلم أن لا يد لك فيه كما تعلم أنت أيضاً .. أعلم قسوة الأمر عليك وإدراكك لقسوته علي .. ولكن أعلم أيضاً أنه أمر فقد أخبرتني بنفسك الآن أنك رأيت ذلك بتفاصيله .. لقد وصفته أبي بالرؤيا وهي وحي من الله لا يحتمل تأويلاً أو تفسيرا.

لم يحلم إبراهيم عليه السلام بالشمس والقمر وإثنى عشر كوكباً .. لم ير سبع بقرات سمان تأكلهن سبع عجاف .. رأى أنه يذبح ابنه.. هكذا بمنتهى الوضوح والصراحة

لم يكتف الابن بتأكيد الرؤيا ولم يكتف بحث أباه على الامتثال للأمر الإلهي.

كان يمكن أن يقول (إفعل ما تؤمر وستجدني من الصابرين) ولكن هل يملك بشر أن يؤكد قدرته على احتمال الموقف؟ بالطبع لا.. الأمر أصعب من ذلك بكثير .. نعم هو ابن مطيع .. نعم أيضاً هو يعرف أن صدور الأمر لأبيه يعني الحتمية ووجوب الطاعة، نعم يعرف قسوة الموضوع على والده وصعوبته ولكنه يعلم أيضاً أن قدراته محدودة أمام الموت وبخاصة على يد أبيه..ويعلم أيضاً أن المشكله في مشاعر الأبوة .. جاءت الإجابة كمحاولة لتهدئة مخاوف والده وتخفيف حجم المعاناة التي سيواجهها أثناء فعل الذبح، وعشم كبير في عون من الله على اجتيازه. خاطبه بصيغة (يَا أَبَتِ) وطلب العون من الله (إِن شَاء اللَّهُ)

لقد تروى سيدنا إبراهيم في اتخاذ القرار .. وعاودته الرؤيا لتأكيد كونها وحياً فتحدث بها إلى ابنه وأخذ الإجابة ..

هذه القصة تحمل في طياتها الكثير .. ولأنها نموذج في طاعة الله ونموذج في طاعة الأب ونموذج في المحبة والفداء .. أصبحت قصة الفداء .. الكبش الأقرن العظيم.. خروف العيد .. تلك المكافأة التي منحها الله لنبيه وابن نبيه لتفديهما .. هل يظن أحد أن إنساناً أياً كان سيظل طبيعياً بعد أن يذبح ابنه بيديه؟ لقد كان هذا الكبش خلاصاً لإبراهيم وابنه عليهما السلام ..

هذا الذبح الذي يقوم به المسلمون هو فداء لأنفسهم وأسرهم .. هو اقتضاء بطاعة إبراهيم وابنه عليهما السلام.. هو اليقين برحمة الله وحكمته .. هو عيد الأضحى

اللهم ارزقنا جميعاً حبنا لأبنائنا وحب ابنائنا لنا وحبنا جميعاً لك .. اللهم ارزقنا وكل خلقك على اختلافهم الحكمة والرضا والطاعة والجنة.

كل عام وأنتم بخير

هام ومصري لـ "قاعدة" الجهل والإجرام ومن والاهم

2010-11-01T19:46:00.000+03:00

الكلام بمناسبة الخبر التالي: ارتفعت حصيلة ضحايا حادث احتجاز رهائن في كنيسة سيدة النجاة للسريان الكاثوليك في حي الكرادة بالعاصمة العراقية بغداد إلى 52 على الأقل، فيما أعلن تنظيم القاعدة في العراق الذي يطلق على نفسه اسم "دولة العراق الإسلامية" مسؤوليته عن الهجوم، ووجه التنظيم في بيان تهديداً إلى الكنيسة القبطية المصرية، وأمهلها 48 ساعة للإفراج عن مسلمات معتقلات داخل أديرة في مصر...

الأول: الفعل في حد ذاته .. احتجاز رهائن في دار من دور العبادة = تصرف جبان ضد بشر لا يحملون السلاح .. لا يوجد دين واحد يوافق على مثل هذه الأفعال الإجرامية تحت أي مسمى ...

الثاني: تنظيم دولة العراق الإسلامية .. إسم على غير مسمى .. الإسلام بريء من هذه الجرائم كبراءة الذئب من دم ابن يعقوب وكان من الأفضل أن يكون اسمه التنظيم الدموي أو الهمجي أو رابطة الجهل الأبدي أو زمرة أهل النار في بلاد ما بعد الدمار أو أي شي منحط آخر يليق بالخسة ويبتعد عن اسم العراق وصفة الإسلام ..عار والله أن تنتسب هذه المجموعة لدولة أو لدين..

الثالث: بيان قذر فيه تهديد أقذر للكنيسة القبطية المصرية ...مبدئياً أي تهديد لشيء أو شخص أو مكان تجاوره صفة "مصري" يعتبر تهديد لكل المصريين، مسلمين، مسيحيين، يهود، كفره، ولو أن التهديد للكلاب الضالة أو عقارب الصحراء أو صراصير المجاري في مصر لرفضناه أيضاً... كفانا صفاقة وقلة أدب وإجرام وتجاوز .. إن كان لا مفر من العصبية والقبلية فليكن .. إن قبلنا التهديد والإهانة من مصر فذلك لكونها مصر أما أي حثالة أخرى فـ لا ..تهديد الكنيسة أو الجامع أو الدير أو حتى الماخور المصري من أي جهة خارجية مرفوض ويجب الرد عليه بقوة .. لا دخل لي بالرد الحكومي أو الأمني .. ما يهمني هنا هو الرد الشعبي.. الإعلامي .. الرد الحقيقي مش التمثيل ..الرد ليس بإذاعة الولائم المتبادلة والأحضان والقبلات .. الرد بالأفعال ..

حين يخرج علينا شيخ أو قس للتسخين وتفسير بعض الآيات القرآنية أو الإنجيلية كما يحلو له أو كما يصور له عقله القاصر أو كما يروج له بعض الـ فتايين وليس المفتين .. حين يخرج علينا أمثال هؤلاء علينا إغلاق التليفزيون أو هجر القناة أو الامتناع عن شراء الجريدة أو أي جهة راعية أخرى... حين يتم عرض مقطع فيديو على الإنترنت من أحد السابقين لزاماً علينا الامتناع عن نشره وتسويقه بل وذمه وتقريعه وإظهار حقيقته التي لا تهدف للصلاح بقدر ما تهدف للخراب العاجل..

الأديان لا تأمر اتباعها بالبغض والعداوة بل جميعها تحث على السلم والبناء.. كما أنها تسمح لنا بالدفاع عن أرضنا وأهلنا ودورنا المخصصة للسكنى أو العبادة أو العمل.. إذا رأيت من يقول غير ذلك بدعوى الحمية للدين أو للمجتمع فـ لو سمحت إفهم إنه حتى لو خلصت النية كان يمكن أن يسخر جهوده وعقله ولسانة لما فيه مصلحتك المباشرة دنيا وآخره وليس هلاكك أو هلاك غيرك تحت أي مسمى ..

عن نفسي.. إذا رأيت فيديو من هذا النوع أو مقطع طائفي أو مقالة تحض على كراهية أخي أو أختي في الوطن وكانت منشورة من خلال أي شخص على قائمة أصدقائي فأضعف الإيمان أني سأحذف هذا الشخص على الفور وليحمد الله الذي رحمه من رد قبيح للغاية ..

لو تعدى أحد بأي شكل من أشكال التعدي على أخ أو أخت لي في الوطن لمجرد أنه مختلف في الدين أو اللون أو الجنس أو أي اختلافات أخرى لا يد له/لها فيها فلا يلومن إلا نفسه أو ياريت ياخدها من قصيرها ويحذفني من قائمة أصدقاؤه على الفيسبوك وعلى أرض الواقع..

ببساطة شديدة .. أنا أحب من أعرفهم من المسيحيين والمسلمين والكفار ... علاقاتهم بالله هي شأن بينهم وبين الله وليس بينهم وبيني .. وما يغضبهم يغضبني وما يؤلمهم يؤلمني وما يمسهم بسوء يمسني بسوء .. ومن يضطهدهم يضطهدني ومن يعاديهم يعاديني ومن يدنس كنيستهم كمن يدنس مسجدي ومن قتل إخوتهم وأبناؤهم قتل إخوتي وأبنائي ومن نغص عيشتهم نغص معيشتي ..

أظن الكلام واضح للقريب والبعيد وللـ قاعده في العراق والقاعده في الحمّام ..

صحيح.. اللي مش عاجبو ما يعلقش وما يجيش هنا تاني .. واللي مش فاهم إن كلنا فـ مصر واحد برضو ما يعلقش وما يجيش هنا تاني

ربنا يحمينا جميعاً ويرحم العراق وأهله

حاجة تفور الدم..

الرصد الميداني - انتخابات 2010

2010-10-13T21:42:00.000+03:00

شفت حاجة ما عجبتنيش وعايز أوضحها

وكمان عايز أوضح إن حتى لو اخترت يبأه ما عندكش صوت أو مقدرتش تشارك بصوتك في الانتخابات.. لسه عندك فرصة تكون إيجابي .. لوحدك أو مع أصحابك ومعارفك وأهلك .. كل حاجة باختيارك ... افتكر دايما إن اختيارك لازم يكون إيجابي

الحاجة اللي ما عجبتنيش

فيه مجموعات وصفحات ولجان وحركات كده ظهرت وبتتحرك تحت أسماء مختلفة إسمها - الرصد الميداني -

دول ناس مشكورين ومتطوعين بمراقبة موضوع الانتخابات من أوله لآخره
يعني متابعة الحملات الانتخابية وتصرفات المرشحين والمخالفات في الدعاية والتعامل مع الناس ومصداقية الشخص المترشح
يعني متابعة عملية التصويت في اللجان الانتخابية وطوابير الناس وأعدادهم ومتوسط أعمارهم ونسبة السيدات والرجال
يعني معاملة القائمين على اللجان للناخبين
يعني متابعة عملية الفرز إن أمكن
يعني متابعة ردود أفعال الناس ورأيهم في سير العملية الانتخابية
يعني متابعة النتائج وتحليل أرقامها واستنتاج معلومات مفيدة منها

الحاجات اللي فاتت ديه كلها مهمة جداً لكل الناس اللي بتبص لـ بُكره

بس المهم أكتر إن الحاجات ديه كلها تبقى - ح ي ا د ي ة - ما تبقاش تحت شعار معارضة الحكومة أو مساندة الإخوان أو سبّوبة حلوه رَنِّت فـ جيبنا..

انت بتعمل الكلام ده علشان نفسك وعلشان مستقبل كل اللي بتحبهم وعلشان بلدك

متعملش حاجه والدافع اللي عندك فيها إنك بـ تِكره ... إعمل حاجة الدافع فيها إنك بـ تحب

الكلام ده لكل المشاركين في التحركات الجماعية وكل اللي ممكن يشاركو

ممكن ما تكملش قراية بعد السطر اللي فات ... ملاحظتي خلصت واللي معجبنيش هو إن المجموعات بتاعة الرصد الميداني مليانة كلام من نوع الحكومة والكلاب وبيعملو وهيعملو .. وكأن المستقلين وغيرهم من المرشحين ما بيرتكبوش مهازل ومخالفات .. الجميع عدا مرشحي الوطني ملائكة بأجنحة من فضة .. محدش بيأجر بلطجية ومحدش بيقدم مخدرات ومفيش دعاية طائفية ومفيش مخالفات في تمويل الحملات وكل حاجة زي الفل ..

مفيش حملة واحدة حيادية ..

مهتم تقرا هقولك ممكن تعمل إي حاجة من الحاجات ديه إزاي وتبقى إيجابي.. علشان إنت مش شوية ومجهودك مهم .. إنما قعدتك ومقاطعتك سلبية وموافقه وانهزام.. صدقني

انت وكل دايرة معارفك هتشوفو إعلانات علشان انتخاب زيد أو عبيد .. عارف انت والناس اللي حواليك اللي ممكن تتكلم معاهم دول كام واحد؟!! .. كتير .. افتح معاهم كلام ولو بهزار واستهتار .. شوف مين فيهم عارفه أو إيه رأيه أو يعرف حد عارفه أو يعرف حد بيشارك أو هيشارك في أي حاجة في الانتخابات .. سجل الكلام ده - اكتبه يعني بشكل منظم .. قول من العشرين تلاتين واحد اللي اعرفهم فيه خمسه سته مكبرين دماغهم و12 أول مره يسمعو اسم المرشح ده ومش فارق معاهم و3 عاجبهم بتاع الإخوان .. انت مش مطلوب منك واجب .. مطلوب منك تساهم على قد ما تقدر وفي الوقت اللي يريحك وبالطريقة اللي تشوفها مناسبة.. ده موضوع ممكن تعملو على مدار شهر أو اتنين

يااااه .. حاجة صعبة .. ولسه هتكتب وبتاع .. طيب بلاش

حاول بس تعرف المقر بتاع الشخص اللي مرشح نفسه وروح اتمشى كده هناك واتفرج .. شوف فاتح إمتى وقافل إمتى وبييجي يقابل مين وشكله إيه والناس بتتعامل معاه إزاي.. إعمل الزيارة ديه مرتين تلاته فأوقات مختلفة .. لو ليك حد صاحبك في المنطقة خليه يتابع أو اتكلم معاه وافهم زيادة

بلاش يا عم ... اللجان الانتخابية .. لو تروح تقعد عند لجنة وتضيع اليوم وانت بتصور المكان والناس ..هتبقى عملت وثيقة لليوم ده بالفيديو ..ويمكن يكون حد تعرفه ساكن هناك وتروح تقعد عنده فالبلكونة وتتابع

بلاش تصوير يا سيدي .. شوف عدد الناس وستات ولا رجالة وبييجو أفراد ولا مجموعات في اتوبيسات مثلاً

وانت بتعمل أي حاجة من الكلام ده لازم تبقى حيادي فعلاً وهتكتشف تجاوزات ومخالفات من كل الأطراف ..

مصر مش عايزه أي تغيير .. عايزه تغيير للأحسن ... مش عايزين حد يتاجر بينا أو يفرق بينا .. عايزين حد يكبر بينا ويعرف قيمتنا فـ يحافظ علينا

علشان التغيير ده يحصل لازم يبقى فيه مجهود إيجابي ..

ماينفعش تترصّد علشان كاره .. ينفع ترصُد علشان حابب

الموجة التانية - خلي عندك صوت

2010-10-07T02:14:00.003+03:00

أولاً أعتذر على إني اتأخرت في مساهمتي مع بداية الموجة التانيه لحملة - خلي عندك صوت - وده ناتج عن التفكير !!

بفكر أساهم إزاي؟ وأعمل إيه؟ خصوصاً إني ساهمت في الموجة الأولى باللي حسيته وقتها، يعني ماكانش فيه افتعال أو محاولة فزلكة كتابية أو فنية .. فقط استعملت اللي أعرفه أو بـ اتعلمه أو بحب أعمله لمساندة الفكرة.

يوم خمسة أكتوبر مساء، رغم إني عارف من بدري إن 6 أكتوبر هو معاد الحملة، قلت يا واد طيب مش عارف تكتب إيه خلاص - إلعب شوية على برنامج صور وساهم حتى ولو بصورة حطها على بروفايلك واكتبلك ستاتس مساندة لغاية بكره يمكن ربنا يفتحها عليك وتلاقي حاجة تكتبها- بس ما تنساش لازم تكلم -يحي- (إبني) - الساعة 12 بالليل - 6 أكتوبر تقوله كل سنة وإنت طيب بمناسبة عيد ميلاده.. وقد كان .. لعبت شوية واحترت كتير لغاية ما عملت بادج متواضع كده وحطيتو صورة للبروفايل وكتبت ستاتس أظن أنها معقولة .. وكلمت يحي قلتله كل سنة وانت طيب

صحيت بأه 6 أكتوبر أشوف أخبار الحملة إيه لقيت خطاب - جواب يعني - بيعلن عن إنطلاقة الحملة.

لقيت ستاتسات كتير عن ضرورة إن الواحد يطلع بطاقة انتخابية ويبقى عنده صوت
لقيت ستاتسات أكتر بتتكلم على موضوع إبراهيم عيسى
لقيت ستاتسات أكتر بتهني بـنصر أكتوبر
ده غير طبعاً فلان اللي جعان والتاني اللي زعلان وفلانه اللي منشكحة وفلانة اللي كسلانة
وكمان لقيت مقالتين تلاته - بوستات أو نوتات - عن الحملة وضرورة إن الناس من 18 لـ 28 تروح تاخد بطاقاتها الانتخابية وضرورة إن يبقى الناس عموماً بتشارك في الانتخابات

انطباعي العام = إيه التنفيض ده؟

أما عن الستاتس بتاعتي فـ لقيت عليها تعليق واحد -(بقم اتنين بعد ما خلصت كتابة المقال اللي بتقروه ده)- والبادج أخده صديق وحطه هو كمان صورة للبروفايل بتاعو

دخلت على موقع الحملة إللي كنت مسجل فيه مسبقاً وبصيت فيه شوية وانشغلت بعد كده طول اليوم في حاجات مختلفة أقل أهمية

لما دخلت بالليل مالقيتش فرق كبير .. يمكن زادو مقالتين وصورة وتلاته ستاتس عن الحملة.. وإن كان وصلني من الحملة جوابات تانيه بتقول إن فيه استجابة قوية، بس بصراحة ده ما بانش عندي غير قد ما قلت كده

أنا مش عاجبني الكلام ده - ده اللي قلتو لنفسي

أول فكرة جتلي : إكتب باللغة العربية نوت يطلب من القرّاء الأعزاء - وجميعهم أعزاء بالفعل - أن لا يكررو أخطاء مر بها جيلي ومازال منهم من يعتقد بصحة موقفة .. الأخطاء التي كان آخرها - بالنسبة لجيلي - السلبية ومقاطعة انتخابات 1990 ...

كنا بنفهم زيكم وبنتكلم زيكم وعارفين إن فيه تزوير وبطيخ بس ما عندناش انترنت وماعندناش التساهيل في المعلومات وإمكانيات الميديا اللي موجودة دلوقتي

وكان فيه معارضة وإخوان وكل الحركات
وكنا احنا في نفس السن بتاع من 18 لـ 28

وجهة النظر كانت إحراج الحكومة والتعبير عن الرفض العام ... الحقيقة كانت إن معظمنا ما كانش عندهم بطايق انتخابية من الأصل ... زيكم برضو ..

ولا فرقت... بالعكس ضاعت المعارضة واتفككت وضعفت بعد ما كان ليها حس

نامت الليلة وكلو ابتدى يعيد حساباته وتوازناته وصفقاته فوق الترابيزه وتحت الترابيزة لغاية الانتخابات اللي بعدها..

علاقة الحكومة والمعارضة ديه توازناتها مختلفة تماماً عن الشعب

الحكومة عندها اللي يساندها من اللي معاهم بطاقات انتخابية واللي يساندها من اللي مطلعوهاش أو ما بيستخدموهاش أو ماتو
المعارضة عندها شوية صغيرين قوي من اللي معاهم بطاقة انتخابية وبيتساومو معاهم ...

النتيجة الطبيعية إن الحكومة لازم تكسب .. بحكم إن أصواتهم الأغلبية وبحكم القدرة على التزوير وبحكم إستغلال إهمال الناس

النتيجة الطبيعية كمان إن المعارضة تعمل صفقات مع الحكومة علشان عارفة إن عددها قليل واحتمالات مكاسبها ضعيفة
ترضى بقليلها يعني بدل ما تموت

مواجهة الفيل والنملة ديه حصلت من أكتر من عشرين سنة .. كانت عباطة وقلة وسائل إن احنا مشينا ورا الكلام ده .. كان معظمنا وقتها شايف إن ده التصرف السليم .. النملة كانت واخداها الجلالة وعايزه تخش معركة ما ينفعش يدخلها غير اطراف متساوية .. زي بالظبط نكتة النملة فوزي اللي عايزة تخنق الفيل - نكتة قديمة ممكن اللي ما يعرفهاش يسأل حد غيري عارفها - وزي ما قلت كانت النتيجة انسحاق النملة لمدة عشر سنين مثلاً.

ده اللي فكرت أكتبه باللغة العربية الفصحى وبطريقة وقورة عن كده شوية .. بعد ما جتلي الفكرة قمت أعمل شاي

وأنا بظبط الكلام فـ دماغي وأعدل جملة وأعوج التانية..

قلت أوجه الكلام لولادي وأصحابي وأهلي وزمايلي والطلاب بتوعي وكمان أحكيلهم على أسامة صديقي إللي أكبر مني وكان متابع حملة - خلي عند صوت - في يناير اللي فات. وأقول إنه كان أكبر نتيجة افتخر بيها علشان راح مع مراته وأمه وعمل لنفسه وعملهم بطاقات إنتخابية.. حاجه ما توقعتهاش وفرحت بيها جداً ..

وانا بعمل الشاي لمحت الموبايل .. قلت طيب بلاش تكتب وقول الكلام ده صوت وارفعه على النت ..وعلى ما الشاي خلص نفضت للفكرة علشان لسه هتكلم وأعيد حته وأقول حته وانقل الملف للكمبيوتر وأغير نوعه وأرفعه وأوفففف ..

أنا عايز انجز

رجعت عالشاشة وقولت طيب ما تكتب بطريقة أدبية أو غنائية تقول أهمية إن الناس يبقى عندها بطاقة انتخابية وصوت..

حتى يبقى الكلام بسيط وممكن تكتبه كـ مقامة، نظام:
بلغني أيها الملك السعيد ذو الرأي الرشيد
أو حاجة زي :
جمعتني حديقةُ الأسماك، بشاب من ذوي الأملاك

بعد ما أخدت القرار ده، قلت إقرا كده بهدوء الكلام اللي الناس شاركت بيه علشان ما تكررش كلامهم

يقوم يا حضرات الكمبيوتر مهنج ..(ربنا يتوب علينا من الويندوز)

على ما عملت ريستارت كنت لغيت الأفكار كلها وقلت لنفسي: طيب انت فـ يناير اللي فات شاركت باللي حسيته، النهارده شارك باللي حسيتو برضو ..

اللي هوه كل اللي فات + اللي هقوله دلوقتي

يا جماعة التغيير الحقيقي فـ مصر على مستوى الحكومة والمعارضة إن المواجهة بقت بين فيل وبرص مش فيل ونملة

عايزين تتفرجو؟ تمام.. عيشو بأه عشرين سنة كمان فرجه..

عايزين تغيير حقيقي ما ينفعش ما تتعلموش من التاريخ وما ينفعش تراهنو على نملة أو برص وما ينفعش تفضلو قاعدين ترغو أو تعترضو أو تندبو.. راهنو على روحكو واللي تقدرو تعملوه .. مش ضروري العمايل تبقى خناق وثورة تخبيط وتهليل ومظاهرات فيسبوكية عارمة .. وما ينفعش المقاطعة وما ينفعش السكوت

ينفع حاجة واحدة بس .. إنك تمارس دورك كمواطن .. إنك الأول تاخد سلاحك في إيدك .. بطاقتك الانتخابية

تروح بقى تسلمه للحكومة أو تسلمة للمعارضة أو تشيل منه إبرة ضرب النار وترميه في الزبالة .. إنت حر

سلاحك هو بطاقتك وصوتك الانتخابي .. علامة صح أو غلط أو شخابيط وبصمة تقدر تقول بتاعتي

شيل سلاح التزوير من المعادلة بالتدريج.. الموضوع مش هييجي من انتخابات واحدة..

هييجي من مواظبتك وتشجيع دايرة معارفك يعملو زيك

خلي الحكومة والمعارضة، اللي بيلعبو مع بعض دول، يبصولك ويدولك تمن ..
خليهم يحاولو يكسبوك بحاجة غير شنط رمضان ويوم أجازة أو خمسين جنية وتظبيط دماغ..
يقدمولك خدمات ويهتمو بتوعيتك أو يدافعو عن صوتك اللي اتزور لو عرفو انه كان من نصيبهم

أسوأ حاجة في الدنيا السلبية وأسهل حاجة في الدنيا التواكل

شاركو بجد وبالأصول وبالأدب وخلي بالكم طويل شويتين زيادة

من 18 لـ 27 روحو استلمو بطايقكم الانتخابية واستحملو الانتخابات وقرفها وشاركو
واللي معاهم بطاقاتهم ييجو على روحهم وينزلو يشاركو
واللي أكبر من كده في السن ومعملوش بطايق انتخابية يروحو يعملوها فأول فرصة حتى لو بعد الانتخابات الجاية
شجعو الناس تعمل كده وما تزهقوش وتتحبطو

وبعدين ملحوظة أخيرة

إذا كان الكلام اللي فات يتفق مع رأيك أو فيه وجاهة يبقى لو سمحت مع الـ -لايك- أو التعليق، دوس على ( لينك - رابط) الـ (شيير - المشاركة) يمكن حد تاني يعمل تصرف إيجابي أكتر ويروح فعلا يستلم بطاقته أو يعملها ويمكن حد تالت يبقى إيجابي أكتر وأكتر ويشارك في التصويت ويمكن حد رابع يبقى إيجابي أكتر وأكتر وأكتر ويواظب على المشاركة في كل الانتخابات ... بلاش الفكرة تقف عندك .. بلاش تفضل فكرة زي آلاف الأفكار اللي ما بتتنفزش اتصرف بإيجابية .. أنشرها .. وبجد .. خلي عندك صوت

تحياتي

صفحة - خلي عندك صوت - على الفيسبوك
الموقع الرسمي لحملة - خلي عندك صوت

المسيحية التي أعرفها .. للمسلمين

2010-09-27T00:51:00.001+03:00

ملحوظة هامة:ده كلام بسيط وبدون تفصيلات كثيرة ولكن ده خلاصة ما أعرفه في موضوع الوحدة الوطنية

المسيحية التي أعرفها كـ مسلم و كـ مصري...

هي رسالة سيدنا عيسى عليه أفضل الصلاة والسلام ...

رسالة إلهية من رب العالمين ويجب على المسلم أن يؤمن بكل الكتب والرسل والأنبياء كـ أركان للإيمان...

المسيحية التي أعرفها كـ مصري ..

أني روحت مع زميلي المسيحي في المدرسة لأول حصة دين مسيحي في السنة الدراسية - مش فاكر هل كان حب استطلاع مني أو إن مدرس الدين الإسلامي كان غايب في اليوم ده... المهم حضرت هذه الحصة الجميلة التي كان لها أثر كبير في استيعابي للكثير فيما بعد ...

سمعت قصة البشر ببساطة وعلى شكل حدوتة من خلق سيدنا آدم لغاية المسيح عيسى عليه السلام ... ما تختلفش عن الحدوته الإسلامية في كتير ... ساعتها كنت سعيد إني اكتشفت التشابه ده ... حسيت إنه عادي وتمام كده إحنا زي بعض ... فـ كل حاجة تقريباً ...

كمان عرفت إن الله واحد في المسيحية بتشبيه بسيط يشرح فكرة التثليث ...

فهمت أن العبارة مكتملة هي - بسم الآب والإبن والروح القدس إله واحد - وكان المثل كالتالي:

النور في الفصل هو ضوء الشمس والحرارة حوالينا هي حرارة الشمس وإذا بصينا للسماء هنشوف الشمس نفسها .. الـ واحد، اتنين، تلاته اللي فاتو عبارة عن ذات واحدة أو كينونة عظمى واحدة لها تجلياتها ...

الحقيقة المثل ده خلاني استوعب الاعتقاد ...

الاستيعاب ده يعني الفهم والقبول ... حاجة مالهاش دعوة خالص بالاتفاق أو الاختلاف ...

أصحابي في المدرسة مسيحيين يعبدون الله الواحد ... بنحترم بعض جداً وبنحب بعض جداً وبنبدل السندوتشات مع بعض وساعات مابينفعش نبدل علشان همه بيبقى معاهم - مرتديلا- وبيقولولي ما ينفعش عشان عندكم حرام - كل مره الملحوظة ديه تتقال ونضحك وتتردلهم في الصيام بتاعهم بسندوتشات فيها جبنة ولانشون ويبقى ما ينفعش نبدل برضو ...

لما كبرنا شوية بقينا نتبادل النكت على القسس والمشايخ ونضحك بالساعات والله ...

بنحضر أفراح بعض... جوامع شغال، كنايس أوكى، ... وبـ نعيد على بعض فـ كل الأعياد ...ده غير القعدات الاعتيادية والخروج الأسبوعي واليومي ساعات يعني الحياة مش مجاملات اجتماعية وعمايل واجب، إحنا حبايب..

كبرنا كمان وبقينا نتناقش .. ونسفسط .. ومناطق توقفنا ومناطق نتناقش فيها بالساعات ولو قعدت حكيت هنا مش هـ نخلص .. القصد وصلنا في الآخر لنتيجة بسيطة واحدة ...

صباح الفل ...

إحنا بنعبد ربنا .. ديه حاجة فـ قلبك .. بينك وبين الله ... دين ربنا بيطلب مننا كل الخير والإيجابية والإخلاص وحاجات إنسانية جميلة كلها طاعات ... المحرمات الأساسية واحدة والدعوة للخير والمودة وحسن الخلق واحدة والتاريخ واحد والله واحد وعباداتك انت حر فيها..

خلص الموضوع ومبقاش يشغل بالنا تاني خلاص ... وبرضو حبايب ...

فات على الكلام ده نقول عشرين سنة وأكتر ... والحمد لله لسه زي ما هو ... الفرق إن انا ينفع يقولولي يا حج ولغاية دلوقتي مفيش حد فيهم ينفع أقوله يا مقدِس :) ديه المسيحية اللي أعرفها كـ مصري

خالص تحياتي

قطيعة تقطع المقاطعة - خلي عندك صوت - دايماً

2010-08-26T03:26:00.002+03:00

سمعت كما سمع غيري عن دعوة ما يعلم بيها إلا ربنا بتقول - قاطع الانتخابات

أنصار رأي - قاطع - ده يتلخص رأيهم في:

الانتخابات محسومة مسبقاً

الانتخابات مزورة

السلطة هي سلطة قمع وغير شرعية علشان نروح انتخابات هي اللي بتنظمها

لا توجد رقابة تضمن نزاهة العملية الانتخابية

المرشحين مش على كيفي أو ليهم مصالح أو زي قلتهم

معلش بأه

- الانتخابات محسومة مسبقاً علشان انت سلبي مسبقاً

- الانتخابات مزورة علشان مفيش مجموعات من القانونيين بتتطوع أو بتوكلها - زي ما بتمضي على بيان تغيير - وتخليها تتابع وتدور على حقك في المحاكم والقنوات الرسمية .. يا دوب شوية محامين محدش بيدعمهم ورغم كده بيحققوا نتايج

- السلطة اللي مش شرعية وسلطة قمع ديه أمر لو فرضنا إنه صحيح فهو أمر واقع، وإذا كنت هتقاطع الانتخابات اللي هيه مش محتاجة غير انك تهز طولك وتقف فطابور بجملت الطوابير ..

يا ترى إزاي هننتظر منك تعمل حاجة أصعب من كده بكتير لتغيير السلطة ديه؟ ولا هتستنى حد يغيرهالك لما يبقى فاضي؟!!

- مفيش رقابة؟!! طالب بيها..

إعمل لجان متابعة أهلية يبقى ليها مندوبين عند اللجان تعمل إحصاء مع الناس اللي خارجين من اللجان الانتخابية ..

إعمل قبلها حملة توعي الناس بضرورة التجاوب مع لجان المتابعة الأهلية دي علشان تطلعو بنتايج مفيده وتحددو مواقع التجاوزات بشكل أكثر دقة وتعرفوا توجهو القانونيين المتطوعين وكمان تتعلموا علشان ديه مش هتبقى أول وآخر مره تعملوا كده

- المرشحين مش على كيفك .. اختار غيرهم .. سقطهم .. روح اكتب أي كلام لو عايز تمتنع .. مش تسيب صوتك فاضي حد يملاه بمعرفته وتسيب نفس الناس تنجح... غامر على مرشح تاني .. إعمل حاجه تقول إن انت كمان ليك مصالح وأضعف الإيمان هتروح تعبر عنها

موضوع مقاطعة الانتخابات ده في رأيي المتواضع علشان بعد تهليل المجموعات المعترضة ما ينكشفوش في الانتخابات ويبقى آخرهم 10 أو 15% والباقي يا موافقين يا متوافقلهم مقدماً لسلبيتهم وتقاعسهم ...

الحل في الناس وفي الاستمرارية والإيجابية والتصميم ..بكره البعيد بلدنا محتاجانا نقربهولها حتى لو مش احنا اللي هنشوفه.. خلي عندك صوت دايماً

بالعامية .. للي مش عارفين أو مش فاهمين أو مستعبطين

2010-08-14T05:49:00.000+03:00

بالعامية .. للي مش عارفين أو مش فاهمين أو مستعبطين

المقدمة الأولى إني خلاص زهقت واتعصبت ومش مصدق كمية الجهل واستغلال المواقف والأحداث والمزايادات والاستهبال وفنجرة البوء والكذب والانتهازية المنتشرة حالياً على الفيسبوك وغيره من وسائل النشر الإلكتروني ...

والمقدمة التانيه برضو إني شايف إن العدد القليل من الناس اللي فـ سني على الفيسبوك مش بيقولو كلمة حق زي الناس أو بيستغلو كل الموجود في المقدمة الأولى ويسوءو فيها... وعلشان أوضح هقولوكو نسبة كروكي كده للموجودين على الفريند ليست بتاعتي وعلى الفيسبوك المصري عموماً - المصريين على الفيسبوك هوه ده اللي أقصده بالفيسبوك المصري. بس قبل التوضيح عايز أقول إن الأرقام تقريبية وإن الكلام اللي جاي ده حقيقي وفيه استثناءات قليله جداً .. أي حد من الاستثناء ياريت مايخدش الكلام على جوه ويحس إنه مظلوم .. الاستثناءات ديه ربنا يباركلها وياريت يعملو اللي عليهم لتغيير القرف بجد..

14%
من المصريين على الفيسبوك من سن 13 لـ 17 سنة ...جيل الطحن والآخر حاجة والتيييييت والسيييس ... جيل الـلي مصر تعدادها فيه 88 مليون مصري... ودول بيحبو الأهلي أو الزمالك ومعظم مشاكلهم أو بوستاتهم ليها دخل بالكورة أو بوزير التربية والتعليم .. لغاية هنا مافيش مشاكل، عادي ومش موضوعنا، رغم إنهم مش عارفين مين غلب مين 6 صفر وإمتى وليه ولكن ديه مشاكل هامشية ومش أولوية دلوقتي غير في موضوع التعصب واستخدام لغة سوقية أو إهانات وبكره يكبرو إن شاء الله وتخف الحِدة شوية ..

52%
من المصريين على الفيسبوك من سن 18-24 دول بأه الشباب المتحمس اللي لسه مخلص ثانوية عامة واللي في الجامعة واللي في الجيش واللي بيدور على شغل واللي لسه مبتدي شغل بقالو سنة وللا اتنين .. دول أغلبية اليوزرز على الفيسبوك ودول السلاح الفعّال في إيدين ناس تانية...

قبل ما اتكلم على الناس التانية أحب أوضح إن الأغلبية اللي على الفيسبوك دي هي جيل الـلي مصر كان تعدادها فيه 70 مليون مصري.. جيل ما شافش في مصر غير الريس حسني مبارك وسمع عن السادات وعبد الناصر ويمكن سمع عن محمد نجيب كلمتين فقعده أو سطرين فكتاب تاريخ أو جرنان إن كان بيقرا جرايد ..ده الجيل الكوول يا مان .. جيل اتولد وفيه دش في الدنيا وفيه تليفزيونات فاتحه 24 ساعة وفيه محلات فاتحه 24 ساعة وفيه مشاريب غازية وغير غازية من كل الأنواع وفيه جرايد معارضة وفيه جماعات إسلامية نشيطة وفيه حرب الخليج وفيه موبايلات وكمبيوترات وجامعات ومعاهد خاصة وهارديز وتشيز كيك وبانجو وبيسه ولُو وِست وجي سترينج وبييس وإيه سيفين إيه..جيل عارف إن فيه فـ مصر مدن اسمها الشيخ زايد وسته أكتوبر والشروق والعبور والعاشر من رمضان والتجمع الخامس وان ما كانش ساكن قريب من طوخ وكفر الجمال وههيه وزفتي وطهرمس والمحروسة وقها وبهناي ودكرنس ودهشور وسرس الليان وأبو يوسف والفؤادية وكفر منصور والمواس وإسنا وقويسنا وبهتيم يبقى مايعرفهمش ومايهموش يعرفهم ده غير سكان القاهرة نفسها اللي برضو ما يعرفوش عزبة شنوده وعرب الطوايله والعطوف ومدينة الأحلام وقباء وباب الفتوح وباب النصر وبركة الفيل ونزلة السمان والمرج والأفضل والجياره والبساتين وعزبة الصفيح وميهمهمش يعرفو..ده الجيل السخن اللي مشاعره لسه حامية وفـ عز فورانه وحماسته ... الجيل اللي ينفع تلعب على سخونيته وتحركه وتكلم ضميره وآماله وأحلامه .. الجيل اللي ينفع تغازله وتستغله سياسياً وأخلاقياً ودينياً وتحرك بيه مجموعات كبيرة من الناس .. ده الجيل اللي ينفع تقوله إلحق يا عم البلد ضايعه وإيدك معانا نعمل ثورة ونتظاهر علشان تلاقي تتجوز ويبقى عندك انتخابات حره ونزيهه ويجيلك أوباما أو أوبابا يعدل المايل ويديك كل الحاجات الحلوة اللي انت عايزها ..الجيل اللي ينفع تقوله إلحق.. شوفت البوليس موت واد قدكم أهو وممكن يموتكم انتم كمان .. الحق شوف الراجل الغلبان اللي انتحر علشان مش لاقي يأكل عياله أو الحق البنت اللي موتت نفسها علشان مش عارفة تتجوز .. الحق يا جدع شوف البنت اللي الظابط لطشها بالقلم، تخيل لو ديه اختك أو أمك أو صاحبتك ..الحق، دول عايزين يمنعوا النقاب وكفرة ولاد كلب لازم نمسحهم من على وش الدنيا .. الحق مسيحية اتخطفت ومسلم انقتل .. يللا يا جدع انت نتظاهر ونطالب..

طيب مين المشرفين على الموضوع ده؟ مين الي بيحرك الأغلبية ديه؟

24%
من المصريين على الفيسبوك من سن 25-34 أقدر أقول إن دول السوبرفايزرز .. الجيل اللي مصر كان تعدادها فيه 60 مليون مصري.. دول اللي لحقو شوية سادات والباقي مبارك .. بمعنى أوضح دول اللي لما ابتدو يفهمو حضرو الشكل العادي لنقد فترة مبارك ومدح فترة السادات ومخه وعقله اللي كان سابق عصره .. ده جيل عارف الأتاري وشرايط الفيديو البيتاماكس والفي اتش اس .. جيل واعي للفترة السيئة اللي انتشرت فيها العمليات الإرهابية والهجوم على اوتوبيسات السياحة ... جيل ابتدا شغل وابتدى حياة عملية صعبة وفهم إن مافيش حاجة بالساهل وإن الواسطة منتشرة زي الوباء وإن لقمة العيش مرة وإن رفاهية الحفاظ على المبادئ والمثل مكلفة جداً .. جيل صعبان عليه يخرج من حماسة العشرينات وجو الجامعة للفحت والردم والكفاح .. جيل فاهم إن لسه علاقاته بالأصغر منه تسمح له بالتأثير عليهم علشان يعملو اللي هوه ما عرفش يعمله ويمكن يلحق معاهم حته من الرخاء أو التغيير اللي هوه عايزه .. جيل لسه سخونيته ماراحتش .. لسه دافي وخايف يسأع وبيحاول يكبر من كل حاجة وحشة علشان حاسس إن السكة طويلة قوي وصعبة جداً ولازم حد يلحقه... جيل الحمد لله لحق يفهم كمبيوتر ويعرف يتعامل معاه قبل ما الدنيا تسبقه وتضحك عليه ولقى فرصة يبعبع ويشتكي ويعلق مشاكله على شماعات...جيل الكبار بيسموه جيل الوسط والصغيرين بيعتبروه أخوهم الكبير وقدوة وفاهم دنيا أكتر منهم وكمان قريب ليهم وحاسس بمشاكلهم..

5%
من المصريين على الفيسبوك من سن 35-44 ..الجيل اللي مصر كان تعدادها فيه 40 مليون مصري ... دول بأه شافو شوية سادات معقولين ومنهم اللي حضر أكتوبر وعاصر الكلام الكتير اللي على نكسة 67 وحضر معاهدة السلام واغتيال الريس وموسم الهجرة الأولى لدول الخليج ..دول عموماً مقسومين أربع تربع .. ربع يساري وربع يميني وربع إسلامي وربع ضارب .. الجيل ده يا إما قيادات أو نص قيادات في أماكنهم يا إما متشحططين في بلاد تانيه .. القيادات ونص القيادات بيخاطبو الجيل اللي قبلهم ويشجعوهم ويستحسنو تحركاتهم من غير مشاركة فعلية .. خصوصاً إن كتير منهم اتجرجر فأمن الدولة وتم اعتقاله أو تعذيبه أو اتقرف فـ عيشتو علشان كان مناضل قديم ومظاهراتي أصيل .. اللي لحق منهم يتعلم كمبيوتر وانترنت موجود حالياً معانا وبيتفرج أو بيشارك على استحياء أو بيحاول يبقى زعيم جديد واللي ما لحقش بيحاول أو بيتفرج مع ابنه أو شايف إن الكلام ده أي كلام ومالوش دعوة بالواقع ...

5%
من 45+ غالبية النسبة ديه متفرجين تماماً ونشاطهم قليل جداً .. دول حضرو عبد الناصر والسادات ومبارك .. دول من أيام ما كان المصريين 35 مليون مصري مثلاً .. من أيام ما التليفزيون كان لسه بيحبي .. قناتين بالعافية وبيقفل الساعة 11 بالليل .. من أيام السلم والتعبان والليدو وكيك عالعالي وكيك عالواطي وصده رده وبريللا بريللا والاستغماية ونطة الانجليز وشمس وقمر وحرب أطاليا .. دول الجيل اللي عادة بيسموهم الديناصورات .. الناس القديمة .. بابا وماما وجدو .. اللي الصغيرين بيهاجموهم ومش شايفين غير انهم يا إما انهزاميين ومستسلمين أو ناس بركه بس مش فاهمين الدنيا اتغيرت إزاي .. ودول إن ما كانوش مكافحين وبيحاولو يلاحقو ماكانوش ظهرو على الفيسبوك .. دول بتواجههم صعوبات في قبول الممارسات الإلكترونية إلا إذا كانو متعلمين قوي ومثابرين قوي وصبورين ومش بيتكسفو يسألو عن اللي مش عارفينو .. دول جيل شاف السواد بجد مش أي كلام وحاولو على قد ما يقدرو وبعدين فهمو إن الدنيا مش قفش وإن الصبر طيب وإن كل حاجة فأوانها وكل شيء بأدان .. دول انبهرو بأفلام زي أفواه وأرانب وخمسة باب ودرب الهوى. الجيل اللي اتربى على الأفلام الأبيض والإسود والمسرحيات القديمة وأم كلثوم وعبدالحليم حافظ وواخدين موقف من هاني شاكر ..الجيل اللي حضر القاهرة من غير كوبري سته أكتوبر ومن غير المدن الجديدة اللي حواليها .. اللي ما كانش عندهم موبايلات وعندهم تليفونات بالعافية .. اللي لما ابتدو يفهمو كان كبيرهم الجرايد القومية أو منشورات تودي السجن .. اللي كانو بيقعدو جمب الراديو يسمعو البي بي سي وكانو بيطفو النور أيام الغارة علشان الطيارات ما تشوفهمش.. ده الجيل اللي سمع عن اضطهاد الإخوان أيام عبد الناصر وسمع عن تهميش المسيحين أيام عبد الناصر وسمع شتيمة الاتحاد الاشتراكي ودلوقتي بيسمع شتيمة الحزب الوطني و بيسمع عن حبس الإخوان وعن الفتنة الطائفية ...

ياترى حد قدر يفهم حاجة من اللي فات ده كله؟ ..

بصراحة بأه أنا من الجيل اللي قبل اللي فات.. اللي هوه من 35 إلى 44 .. وبتعامل مع الجيل اللي فات بحكم الزمالة والمعرفة والقرابة وبتعامل مع كل من سبق بحكم إن ولادي بين 13 و17 وطلابي بين 18 و24 وساعات أكبر من كده وبحكم إن معارفي وقرايبي الشباب من 24 لـ 35 .. يعني الحمد لله مش بعيد عن حد في كل دول .. ضيف على كده إن بجد ليا أصحاب حكومة وأهالي وإخوان ومسيحيين ويسار ويمين وليبرالي وعلماني وملحد ومطنش ومالوش دعوة ... والحمد لله برضو مافيش عداوة مع حد.. تحفظات يمكن، خلافات جايز، إنما عداوة لأ ...

الكل بيتكلم معايا والكل بيعرض وجهة نظره والأدلة والبراهين والاعتراض والذي منه .. رأيي بأه فـ كل اللي فات ...

عادة الشعب مش عاجبه الحكومة .. ده من زمان ... العيشة صعبة .. من زمان .. الأخلاق بتقل .. من زمان ... الحياة غالية والمرتب مش بيكفي .. من زمان ... البوليس ناشف ومعاملته غالباً مش كويسه .. من زمان .. مفيش شغل كفاية .. من زمان .. الناس طفشانة ... من زمان ... الإخوان قوة جامده وليها حسابات مع الحكومة أياً كانت .. من زمان .. إحنا كتييير .. من زمان ... بالمناسبة، تعداد المصريين أيام الفراعنة كان تلاته مليون.. يعني من سبع تلاف سنة كنا كل الناس اللي في الدنيا تقريباً وكانت الحكومة وحشة والناس
بتشتغل بالسخرة وفيه تحيز ديني ..

جدي أبو والدي الله يرحمو لما كان بيعلمني أقرا الجرنان بحجة إنه نظره ضعيف وعايزني أقراله كان كمان بيعلمني أطنش تفاصيل الخبر اللي عنوانه الكهربا بتقطع والميه ملوثه والمستشفى فيها فيران والوزير صرح إن الأسعار مش هتعلا وإن العلاوة 15% وإن بكره أحلى من النهارده وإن انتخابات مجلس الشعب هتبقى نزيهة .. ساعتها ما كنتش أعرف مين مدام نزيهة ديه ولغاية دلوقتي ما حصليش الشرف وقابلتها لا فمصر ولا فغير مصر ...وبالمناسبة، جدي ده ما كانش بيحب عبد الناصر علشان قبل الثورة كان تاجر ومستورد مواد غذائية وبعد الثورة شغلو وقف والاتحاد الاشتراكي عرض عليه يعوضه بإنه يبقى مسؤول عن الحصص التموينية بتاعت شبرا ومارضيش .. ومازال فيه شارع في شبرا بإسم العيلة علشان كان أول بيت يتبني هناك بتاعهم

الناس اللي علمتني قالتلي ما يمسح دمعتك إلا إيدك .. اشتغل واتعب معلش الدنيا كده .. خليك كويس مع الناس واللي تقدر عليه خير أعملو .. ابتسم فـ وش الناس تتفتحلك الأبواب .. ساعد الغلبان وخليك جمبه ومعاه .. ما تسخنش حد ساعده أحسن ما تسخنه .. أياك تلاقي جنازة تقوم تلطم مع اللي بيلطمو .. واسي الناس وشوف تقدر تخفف عنهم إزاي .. احترم الكبير والزم أدب الكلام وراعي السن والخبرة وإياك تفتكر انك عارف كل حاجه وفاهم كل حاجه .. اللي فاكر إنه عارف وفاهم كل حاجه ده حمار كبير .. كل صورة ليها أكتر من زاوية وأكتر من وجهة نظر .. الحقيقة صعبة ومره، حاول تفهمها وتقبلها ..

أنا بأه شفت فرق كبير بين مصر اللي عرفتها صغير ومصر النهارده .. مصر اللي عرفتها صغير كانت ضايعه من حيث البنيه التحتية والمرافق .. كانت مهزومة ولسه فـ حالة حرب .. كانت شوارعها زي الزفت قوي جداً خالص .. كان الجدع يبقى عنده عربية 128 أو مازدا 323 كوري .. ما كانش الشباب راكبين عربيات وماسكين موبايلات .. كان كنتاكي وفرغلي وزيزو هما كل أماكن الأكل بره البيت ده غير عم علي بتاع الجاز اللي بيعمل ساندوتشات .. كان الجدع يروح بورسعيد علشان يشتري هدوم نضيفه وكان آخرك تسافر أي حته فـ مصر بالقطر .. من ساعة ما قالو يا معارضه وجرايد بقى فيه شوية بيسترزقو من شتيمة الحكومة بدل ما كانو بيتحبسو ..

مع الوقت والتطور بقينا نسمع أخبار الدنيا أسرع ومع التطور كمان شوية بقينا نسمع أخبارنا وأخبار بلدنا أسرع .. الزلازل والبراكين والفيضانات ما زادتش ولا حاجة بس بقينا بنسمع عنها بعدها بدقايق بدل ما كان الخبر بيجيلنا بعد خراب مالطا .. ولو كانت زادت شوية فده علشان عمالين ننخور في الأرض والبحر مش علشان ربنا غضبان علينا ولا حاجة .. طول عمرنا عندنا ناس ضعيفة النفوس بتنتحر علشان مش لاقيه فلوس أو مش لاقيه جواز أو الدنيا الصعبة أو ببساطة عندهم اكتئاب واختارو يهربو ..طول عمرنا عندنا تفرقة بين المسلمين والمسيحيين رغم النفي الحكومي .. وعلشان ما يبقاش كلام وخلاص، جدي (ابو والدتي) الله يرحمو هو وعبد الناصر جتله مكالمة من عبد الناصر شخصياً لتغيير نتيجة أوائل الثانوية العامة وبدل ما يبقى الأول والتاني مسيحيين يبقى الأول والتاني مسلمين والتالت مسيحي ..يعني الموضوع مش جديد مثلاً وإن كان الحقيقة إنه بقى أخف كتير من زمان .. ومن زمان كمان فيه حوادث كتير من نوع مسلم اتجوز مسيحية وخلاف العائلات وخناقات وقتل وخطف ... الإخوان اتفقو مع رجالة الثورة قبل الثورة وبعدين رجالة الثورة قلبو عليهم وسحلوهم وكان اللي بيتقبض عليه لابس جزمة جديدة كانو بيروحو يقبضو على صاحب محل الجزم اللي باعلو ..وأيام السادات اتسابو علشان يقفو قدام اليساريين بحجة إن اليساريين كفره وبعد كده فلت الزمام واتسحلو تاني، عادي يعني همه واخدين على الكر والفر ده مع الحكومة وليهم مصالح عندها زي ما الحكومة ليها مصالح عندهم ...

إفهمو بأه إن الدنيا اتغيرت للأحسن بس لسه مش اللي احنا عايزينو.. كفاية ولولة وشتيمة في الحكومة وتعليق كل حاجة على شماعتها والتعليق على كل خبر بتعليقات من نوع ربنا ياخد الحزب الوطني وربنا يخلصنا من الحكومة ... بصراحة بقت حاجة تزهق خصوصاً إن الغالبية مش فاهمين ومنساقين وما بيصدقو جنازة علشان اللطم والشتيمة .. مش كل واحد مستنقص الـ 500 جنيه مرتب وعاجبو يقعد في البيت يبقى عاطل .. مش كل واحد مرتبه مش مكفيه وعنده موبايلين يلعن الحكومة والغلا بدل ما يستغنى عن خط منهم ويبطل يشرب سجاير...

مش قادر استوعب إن الناس اللي عندها كمبيوتر وانترنت أو عارفين يدفعو جوز جنيهات في الساعة في انترنت كافيه كل يوم بدل ما يساعدو واحد بجنيه بيشتمو ليه؟ وبيشتمو مين بالظبط؟ ..

مش عارف الناس اللي ساكنة فـ فيلل وفي الرحاب والتجمع وعندهم عربيات محترمة وكل شكوتهم الزحمة وارتفاع سعر الجبنة الرومي والسجاير عايزين إيه من البرادعي مثلاً؟ ومش عاجباهم الحكومة ليه؟ ...

قبل ما تشتكو عملتو إيه لروحكو أو للي حواليكو؟ ساهمتو بإيه بجد علشان البلد تبقى أحسن؟

إتجمعتو كده بمنتهى الشجاعة ونزلتو انتخبتو مين؟ عملتو بطايق انتخابية ولا كان الله بالسر عليم؟

كونتو نقابات وتكتلات حقوقية تدافع عن حقوقكو وحقوق غيركو ولا رغي فاضي وخلاص؟

اشتغلتو بذمة وضمير ولا يادوب على قد الفلوس اللي بتاخدوها؟

إزاي بتتريقو على كل العرب وعلى التخلف والجهل والتطرف وانتو غرقانين فيه؟

إزاي بتدعو ان انتم احسن ناس وفاهمين ومتعلمين وانتو ما بتقروش كتب ولا جرايد والـ 30% اللي بيقرو بيقرو كتب دراسية وملازم وبيعتمدو فمعلوماتهم على القنوات الفضائية؟

إزاي يعني بتشتكو من انحدار الأخلاق والمثل وانتو بتموتو فـ تامر حسني وهيفاء وهبي؟ ..

إزاي بتشتكو من ضعف اللغة العربية وبتكتبو "أقوال مأسوره" بدل "مأثوره"؟ و"جرحتني عينيه" بدل "عيناه"؟

إ زاي بتشتكو من ارتفاع سعر اللحمة ومش عارفين تقاطعوها لغاية ما ترخص زي ما ستات المعادي عملو في التمانينات؟ وإزاي مش عارفين تقاطعو اللحمة وعايزين الناس تقاطع منتجات مختلفة ضرورية هيه كمان ومعندناش زيها أو في جودتها ومستواها؟ ..

إزاي بتهاجمو الهجوم على الإسلام وانتو بتهينو الدين ومش بتلتزمو بيه فتصرفات كتير؟

إزاي بتهاجمو وحشية الأمريكان وبتطالبو بدبح وتعليق أي حد يهاجمكو قبل ما تشوفو هاجمكو ليه؟

إزاي عايزين كل البنات تحتشم وتتحجب وتتنقب وعينيكو بتطلع على أي واحده في الشارع ويتعاكسو وتتحرشو وتستعبطو بحجة إنها هي اللي تستاهل وهي اللي عايزه كده؟ ..

إزاي عايزين تلغو الجيش الإجباري وفـ نفس الوقت عايزين تحررو القدس إن شاء الله؟..

إزاي رمضان شهر الصوم والعبادة واستهلاك الأكل فيه أكتر من أي شهر تاني والفرجه على التليفزيون فيه قد الفرجه على التليفزيون في الحداشر شهر الباقيين؟ إيه الفصام والهلاوس والضلالات ديه؟ ...

إصحو بأه.. اتصرفو صح .. ساعدو بعض واعملو اللي عليكو وراعو اللي خالقكو قبل ما تشتمو وتتظاهرو وتسخرو من الكل..

تاني .. فيه استثناءات قليله ولكنها استثناءات بتثبت القاعده اللي زي الزفت .. جهل وتواكل وجعجعة فاضية ... ربنا يرحمنا ويرحمكم ويهدينا ويهديكم واتمنى ان محدش يزعل مني بشكل شخصي .. انا قولت كل اللي عندي تقريباً وهستنى أقرا بأه لو فيه حد مهتم يعلق .. كل سنة وانتم طيبين ورمضان كريم

صوتك - السلاح الحقيقي الوحيد

2010-07-24T13:31:00.000+03:00

هذه التدوينة مساهمة مني في التقديم للموجة التالية من حملة - خلي عندك صوت - رجاء الاهتمام
صفحة الحملة على الفيسبوك
قد تختلف معي من السطر الأول وتعترض على مساواة صوتك الانتخابي بالسلاح
أو تعترض على كونه الحقيقي
أو كونه الوحيد

سأحاول أن أجعلك تتفق معي وإذا نجحت فمرحباً بك معنا ..
وإن فشلت سأحاول مرة أخرى في وقت لاحق
----------------------------------------------

اتفق غالبية الكبار - الرؤساء والزعماء ورجال السياسة والمال - على إعطاء الشعوب - وهم البسطاء الذين يعيشون ويعملون كالتروس الصغيرة - أنا وأنت وغيرنا - اتفقوا أن يعطونا حق أساسي يسمح لنا بالموافقة أو الاعتراض على تصرفات أو توجهات سياسية واقتصادية واجتماعية

هذا الحق يسمح لنا - المجموع الكبير - أن نقول مثلاً:

نحن لا نريد هذا الرجل كممثل لقريتنا أو لبلدتنا أو لمدينتنا أو لنا عموماً في مجلس الشعب
نحن نريد هذا الرجل ليمثلنا أو يمثل مدينتنا أو بلدتنا أو قريتنا في مجلس الشعب

كما يسمح لنا أن نقول:

نريد هذا الرجل قائداَ أو رئيساً للبلاد
لا نريد هذا الرجل قائداً أو رئيساً للبلاد

هذا هو الحق الأساسي الذي تم منحه لنا لنحاول أن نغير أحوالنا إلى الأفضل بطريقة سلمية ومنظمة
لماذا سلمية ومنظمة؟
لأن الحلول الفوضوية والثورية مهما كانت لامعة وبرّااقة فهي تضر بالمصالح العليا للكبار الذين أشرنا إليهم
لذا وبعد إعطاء الجموع هذا الحق، حرص الكبار على تكبيل كل الحلول الأخرى المنظمة أو قمع كل ما هو ثوري وخارج عن السياق المنظم

للتوضيح:

يمكنك ممارسة هذا الحق لاختيار أعضاء مجلس الشعب - أعضاء مجلس الشعب يجب عليهم تمثيل الأعداد الكبيرة من المواطنين والمطالبة بحقوقهم وتحسين أوضاعهم ورد المظالم عنهم

أي أن هناك 500 فرد مثلاً من حقك وحقي وحق المجموع أن يختاروهم كي يخاطبوا الحكومة أو الدولة أو الكبار بشكل عام

إذا لم يقم واحد منهم بواجبة؛ من حقي وحقك وحق البسطاء والتروس الصغيرة أن تعطي صوتها لشخص غيره حريص على مصالحهم

أمّا في حال لجأت أنا وأنت وغيرنا إلى التظاهر للمطالبة بحقوقنا التي لم يقلها من يمثلونا في مجلس الشعب أو أنهم تهاونوا فيها.. سيقوم الكبار بتكبيلنا بالقوانين واللوائح والتصاريح .. لديهم عذر ثابت: يمكنكم تغيير من يمثلكم والتصويت لآخرين أفضل

وفي حال لجأت للثورة والنشاط الذي يتضمن شغب أو سلاح أو ما إلى ذلك؛ سيقوم الكبار بقمعكم نظراً لتهديدكم أمن وسلامة المجتمع الكبير من التروس الصغيرة وطبعاً الإضرار بمصالح الدولة العليا والتي هي بالضرورة مصالحهم أيضاً

لنقل أنكم لجأتم للسلاح المتاح؛ التصويت
نفهم جميعاً أن هناك مصالح كبيرة ومنافع كثيرة وأن الكبار سيدافعون عنها حتى حين نستخدم السلاح المتاح
نفهم جميعاً أن هناك تزوير في كافة الانتخابات وفي كل مكان وفي كافة الدول وأعتى الديموقراطيات
ورغم كل ما نسمعه نعرف أن التغيير يحدث بهذه الوسائل؛ هو سلاح تمت تجربته في العديد من الدول التي اختارت شعوبها استخدامه وتحدي كل محاولات التزوير والمثابرة حتى لو لم يكن مقدراً لهم أن يعيشوه
أدركت هذه الشعوب أن الموضوع يشبه المثال التالي:

فرد يتحكم في مجموعة كبيرة من الناس لنقل مليونين ويقف أعلى قصره المطل على هؤلاء الناس ويمسك بيده مكبر للصوت أحدث طراز وبه ألف درجة لرفع الصوت...

الفرد هو الحكومة أو الكبار بشكل عام
القصر هو هرم السلطة
مكبر الصوت هو وسائل الإعلام والتوجيه بكافة أنواعها ووسائل التكبيل والقمع والتزوير بكافة أنواعها ولنقل أنها ألف وسيلة ووسيلة

واحد من الناس استغل الصوت المسموح به أو السلاح الوحيد الذي يملكه وقال:
لا

لن يلتفت إليه الفرد أو الكبار أو هرم السلطة .. كأنه غير موجود .. هذا السلاح لا فعالية له في يد واحد فقط من الناس

عشرة من الناس:
لا
مازلنا في مرحلة الــ - طظ فيكم - ولن يطرف للكبار جفن

ألف من الناس:
لا
هنا يهز الكبار رؤوسهم ويقولون: أمممممم .. ثم يقومون برفع درجة الصوت درجة واحدة أو اثنتان من الألف

مائة ألف من الناس:
لا
هنا يضطر الكبار إلى رفع الصوت أكثر، قمعاً أو تهديداً أو تزويراً

مليون من الناس:

يصل الكبار إلى أعلى درجات الصوت حتى يستطيعون مجاراة العدد الكبير

مليون ونصف من الناس:
لا

هنا توقف عمل مكبر الصوت الخاص بالكبار، هنا يتخطى صوت الناس أسوار القصر ويفضح الجميع ويضرهم ويضر بسمعتهم بين الأكابر

هنا يصبح السلاح فعالاً ويجب الاستجابة له جزئياً على الأقل

هذا السلاح ضعيف للغاية مع اليائسين المتفرقين
ولكنه فعال مع الذين يفكرون في غد أفضل لأنفسهم ولمن بعدهم دون انتظار لرؤية هذا الغد الذي قد يأتي في حياتهم أو لا يأتي
هم يعملون لدنياهم كأنما سيعيشون للأبد أو لفترة طويلة تسمح لهم بجني الثمار التي تحتاج لسنوات لتنضج

وبما أن هذا السلاح يحقق نتائج شريطة استخدامة بشكل جماعي ومستمر ودون يأس، إذا هو سلاح حقيقي

وبما أنه بمرور الوقت وارتفاع عدد الناخبين الواعين ومثابرتهم سيحقق نتائج دون خسائر اجتماعية أو تجارب غير محسوبة أو إراقة دماء أو نشر لثقافة الفوضى والمغامرة بمستقبل دولة لصالح أفراد أو مجموعات لا يزيد عدد أنصارها عن مليون ونص من ثمانين مليون. كما أنه أفضل من الدخول في صراع مباشر مع وسائل القمع، بل أنه يتيح الحرب ضد وسيلة التزوير بالمتابعة والمطالبة الدائمة ... هنا، وحين يكون الفرق بين سلاح التصويت والأسلحة الأخرى هو الفرق بين المغامرة التي لا نعرف نتائجها والحرب طويلة الأمد المعروفة نتائجها، يصبح من الحكمة اللجوء للمضمون وليس الفوضوي..للوحيد فعلاً وليس هتافاً.. الحقيقي الذي يأخذ وقتاً وصبراً وليس السريع الذي لم ينضج وقد يكون غير قابل للمضغ أو البلع أو الهضم

أخيراً:
ليس لك صوت تثابر وتعلنه مناسبة بعد أخرى وعاماً بعد عام؟
لا تشتكي من تدني الخدمات
ولا سوء حال الشارع
ولا زيادة الأسعار
ولا غلاء الخدمات الصحية
ولا انهيار التعليم
ولا القمع
ولا الظلم
ولا التزوير

لا تشتكي فقد أهدرت وسيلتك وتخليت عن ضم صوتك لصوت المثابرين وخنت قوتهم و سمحت بإهدارها لصالح بقاء كل شيء على ما هو عليه..

دمتم بخير

إمبراطورية سونا

2010-07-18T06:36:00.000+03:00

فيلم قصير مترجم .. الفيلم يقدم قصة سقوط لإمبراطورية أو جمهورية و صعود أخرى ... صورة نراها حولنا في شتى أنحاء العالم ... سقوط الطاغية وصعود غيره .. المال المخفي والمعلن .. الحيلة .. المرأه .. السلطة ..الرعاع .. الحرس القديم والحرس الجديد .. الرشوة ..الهتاف ..المتاجرة بالبسطاء.. الأساسيات واحدة والبديل واحد

سيتحول إلى طاغية ويأتي غيره .. أو هكذا رأيت

المقاطع مأخوذة من المسلسل الشهير -

الهروب الكبير - Prison Break

ولكن لا صلة له بالمسلسل ..

هي قصة قصيرة كاملة ومستقلة تماماً مدتها 10 دقائق

شكراً للمشاهدة

إحنا أممنا القناة .. وإحنا إللي هنبيعها!!

2010-07-13T06:05:00.000+03:00

أكتب هذا الموضوع بمناسبة صورة على الفيسبوك وتعليقات عليها من مشاهديها

الصورة على هذا الرابط:

http://www.facebook.com/?ref=logo#!/photo.php?

pid=1391232&id=1068608059&ref=notif&fbid=1474553098325

أولاً الصورة التي جمعتنا هنا والتي لها فضل فتح النقاش الذي أراه جميلاً

الجزء الأيمن من الصورة للرئيس الراحل جمال عبد الناصر والكلام الذي يقوله أراه شخصياً فعلاً تاريخياً حقيقياً كان له تأثير كبير في تشكيل تاريخ مصر الحديث .. لم أحضره ولكن قرأت وسمعت وحللت ووصلت لهذه النتيجة .. إذاً الصورة تحمل من المعاني ما يمكن أن يجعلنا نشعر بالفخر أو بالتقدير للرجل ... هذا لا يعني إطلاقاً أن عهد الرئيس جمال عبد الناصر كان الأفضل أو الأجمل أو إي صيغة تفضيلية أخرى ولكنه يثبت أن الرجل كان له فضائل أو تصرفات وقرارات يحسبها الشعب على الصواب ويدرجها التاريخ في سيرته الذاتية (سيرة التاريخ مش سيرة الريس)

الجزء الثاني جهة اليسار للرئيس الحالي حسني مبارك وعلى لسانة كلمات لم يقلها بالطبع ولكن بها الكثير من النقد السائد في ساحات المعارضة وعلى صفحات الفيسبوك ... ما يجعلها صورة تبعث على الابتسام في رأيي المتواضع ليس الكلمات التي لم يقلها الرئيس بل الصورة نفسها التي توجد بها ضحكة "جامده جداً" .. لا أعرف مناسبة الصورة أو الضحكة ولكنها دون كلام تبعث على الابتسام فما بالك بالعبقري خفيف الدم الذي وضع لها عبارة تجعلها نكتة "حشاشيني" كالتي نسمعها ونقهقه عليها ...ثم نتوقف لحظة للتفكير ككل البسطاء ونقول "ها ها آه والله" ...

هنا يبدأ البند ثانياً:

بدأت تعليقات المشاهدين وتحولت إلى سياق جاد ومحمود وإن خلا من الموضوعية في بعض الأحيان..وهنا أيضاً يبدأ ما

دفعني لكتابة هذا الموضوع

عموم التعليقات لا تخرج عن الأطر العامة التالية:

عهد الرئيس جمال عبد الناصر كان أفضل أو كان أيضاً تعيساً وبه الكثير من المكروهات
عهد الرئيس أنور السادات مسكوت عنه ولكنه كان أفضل أو كان تعيساً وبه الكثير من المكروهات
عهد الرئيس حسني مبارك تعيساً وبه الكثير من المكروهات وإن كان به بعض الفضائل

المشكلة ليست في تنوع الآراء... المشكلة في قلة الموضوعية وقلة المعرفة واختلال ميزانيهما وتأثرهما بالجو الإعلامي السائد أو فلنقل الجو الإعلامي عالي الصوت .. السائد ليس المعارضة لأسباب كثيرة جداً لا مجال لذكرها هنا وإن كنت سأتعرض لبعضها .. أمّا الصوت العالي فهو صوت المعارضة ومن ورائها صوت رواد الفيسبوك "الثروة التي فات الحكومة أن تنتبه لها ووجدت فيها المعارضة سهما هاماً واستغلتها ومازالت لأغراضها الصالحة والطالحة" .. قبل أن استرسل أجد ضرورة توضيح أن الرأي العام المعارض المعتدل الذي ساد أيام الرئيس أنور السادات كان عهد الرئيس أنور السادات تعيساً وبه الكثير من المكروهات وإن كان به بعض الفضائل أظن واضح من العبارة السابقة تقليدية التعبير المعارض المعتدل وتطابقة مع التعبير المعارض المعتدل الحالي في حق عهد الرئيس حسني مبارك .. التغيير الوحيد في الرأي يأتي من تغيرصفة عهد سابق إلى عهد حالي فقط ..

الموضوعية تستلزم أولاً فصل القضايا وتصنيفها...

هناك أوضاع اجتماعية تندرج تحت الجانب الاقتصادي وهناك أخرى لها صلة بالحريات والحقوق المدنية
كما أن هناك أوضاع سياسية
وأوضاع مالية وطنية وثيقة الصلة بالاقتصاد العالمي وآلياته

لا يجوز بحال تطبيق رأي واحد على ما سبق كما أنه لا يجوز تطبيق أي رأي دون النظر إلى الظروف المحيطة به على

المستوى المحلي والإقليمي والدولي المتغيرات كثيرة وكذلك المعطيات وما يترتب عليها

البسيط والحقيقي فعلاً أن كل عهد له فضائل ونقائص ويختلف تقديرها من مجموعة إلى أخرى ... اليسار يرى الأمر من منطلقاته ومفاهيمه والإخوان يقدرون الموضوع طبقاً لأجنداتهم المعلنة والغير معلنة والطبقة الحاكمة ومن والاها أو استفاد منها أو سار في ظلها يحللون الأمور بطريقتهم وطبقاً لما يصيبهم من خير أو شر.

أمّا رجل الشارع أو المواطن البسيط فهو للأسف مجرد أداة في حروب لا تعنيه لقلة وعيه ولتقصير مستغليه بمختلف

أغراضهم.

معارضة نظام الحكم في مصر تسوق لما يلي:

تدني مستوى الفرد المعيشي وتفشي الفقر وتدني الخدمات وزيادة الفجوة بين الفقراء والأغنياء مع ارتفاع متكرر للأسعار
انتشار الفساد في الدوائر الحكومية وغير الحكومية من محسوبيات إلى رشاوى واختلاسات وتسهيلات
ارتفاع معدلات البطالة
انتهاكات حقوق المواطنين وانتهاك الحريات عموماً وقصور أو عدم دستورية مواد هامة في دستور البلاد

أكاد أقسم أن ما سبق هو طبق الأصل المعارضة في كل دول العالم الثالث ...

العامل المشترك هو أننا عالم ثالث وليس أننا نخضع لحكم مؤسسات ديكتاتورية تنتهك حقوق المواطن

مواطنو العالم الثالث لا يطلق عليهم هذا الإسم لكونهم دولاً فقيرة لا سمح الله فهناك دول عالم ثالث تستطيع أن تنفق على جيرانها لعقود قادمة.

تسمية العالم الثالث كان لها أغراض سياسية تقسم العالم إلى كتلتين؛ كتلة الغرب والدول المتقدمة تكنولوجياً وصناعياً وكتلة الاتحاد السوفيتي القديم ومن تبعه إضافة إلى الدول التي لا تنتمي لأي من المعسكرين.. بمرور الوقت وانهيار الاتحاد السوفيتي أصبحت الكلمة التي تشير إلى الدول المتخلفة تكنولوجياً وعلمياً وصناعياً .. أمّا العالم الثاني فهو الدول التي تطورت صناعياً وتكنولوجياً وعلمياً وأصبح لديها مقومات الدخول إلى منظومة الاقتصاد العالمي والتأثير فيه ولو بقدر ضئيل.. والعالم الأول مازال كتلة الغرب المتقدمة واليابان بالطبع
إذاً العالم الثالث عالم متخلف تكنولوجياً وصناعياً وعلمياً دون النظر إلى حقوق الإنسان التي سأتكلم عنها بعد سطور قليلة..

بريطانيا وأمريكا وألمانيا وفرنسا والعالم الأول قام على أكتاف انتهاك حقوق الإنسان والحيوان والنبات والأرض وما عليها.. القاريء للأدب الغربي وتاريخ الحضارات الغربية سيعرف ذلك جيداً..

الحريات ليست جزءاً من واجبات الحكومة تقدمها طائعة ...
الرخاء الاقتصادي للفرد ليس من أهداف الحكومة في حال لم يكن الفرد فاعلاً في تنفيذها..
العلم ليس من أولويات الحكومة في حال وجود طريقة أسهل لتحقيق نفس الأهداف ...

ولكن ما هي تلك الأهداف وما هي المشكلة بالفعل؟

لنتفق أن أي حكومة تحترم نفسها سيكون من أهدافها الكبيرة الخروج من دائرة العالم الثالث إلى الثاني
هذه الأهداف الكبيرة تحتاج إلى تخطيط عام كبير وتحتاج لمعرفة الموارد المتاحة .. طبعاً لا توجد حكومة واحدة قادرة على تحقيق هذا الأمر في وقت قصير .. الموضوع يحتاج لمجهودات جبارة وحكومات متعاقبة وسنوات طويلة .. نحن
نتكلم عن عمر دولة وليس عمر أحد أقاربنا أو أعمامنا ...

لنتفق أيضاً أن الموارد المطلوبة لتحقيق هذا الهدف كبيرة للغاية وتحتمل طريقين ... الأول والأفضل صعب جداً ووعر ويحتاج من كل الحكومات وقتاً وجهداً جباراً والثاني سهل ويقرب المسافات وفي نفس الوقت يضمن للحكومة ومن والاها أو استفاد منها أو سار في ظلها مستقبلاً مضموناً كل في حجمه الذي يرضيه .... ما الذي ستختاره؟ أنت أو الحكومة أو أي مواطن من العالم الثالث ... غالباً ستختار الأسهل ...

في عهد الرئيس عبد الناصر تم اختيار الخيار الأصعب ولكن ..لأنه الأصعب ولخصوصية عالم الحرب الباردة وصراع
الروس والأمريكان على ريادة العالم ولوجود صراع عربي إسرائيلي وعربي استعماري وعربي عربي زادت صعوبة الحل الأفضل الذي تم اختياره وتخلت عنه الحكومة بعد فترة وجيزة واستمرت في عهد الرئيس السادات واتجهت إلى الحل الثاني.

الصعب أن تستثمر الصناعة والتكنولوجيا والبشر والتعليم والتوعية واحترام حقوق الإنسان
السهل أن تقوم على أكتافهم وتجعلهم يدفعون اللازم لاتمام الاقتراب من العالم الثاني

الأموال التي سأدفعها في التعليم والتطوير والتنمية وممارسة حقوق الإنسان لـ 60 مليون مواطن على الأقل وبعد أن أموت بحكومتين تلاته أربعة يمكن لأحفاد أحفادي يشوفوها!!! ليس الأمر لطيفاً بالمرة

يمكن بـ 25% من هذه الأموال أن تكون هناك قوات ردع أو قمع أو نظام سمها ما شئت تتحكم في الأوضاع التي قد تضطرب
و 25% تكفي لتقديم الحد الأدنى لعموم المواطن البسيط
و25% لرفع مستوى التقييم الاقتصادي للدولة في العالم وتقريبها من حدود العالم الثاني
و 25% نظير إدارة الأمر

هذا حل أسهل وأقل كلفة ومجهودا وأكثر أماناً لنا وللكثير غيرنا

لا تلومهم على اختيار الأسهل ... لم نفسك فأنت تختار الأسهل دوماً ... وأنا أيضاً حتى لا يظن أحد أني أهاجمه

.. كلنا نختار الأسهل ..

سأقول لكم شيئاً قاله لي والدي حين كنا نتناقش في فكرة الثورات عموماً واتجه الكلام إلى إمكانية حدوث ثورة في مصر ..

الكلام كان وسط نقاش عام ..

قال لي أن الثورة في مصر لن تقوم إلا عندما لا يجد الفقير ما يكفي لشراء رغيف عيش وكوب شاي حتي يضع هذا الخبز في الشاي ويفطر به إبنه.. قبل أن يحدث هذا لن تكون هناك ثورة في مصر ... بصرف النظر عن دهشتي الشديدة للغاية من إجابته وعن قدرة المواطن المصري على التحمل أو طيبته أو خنوعه "سمها ما شئت أيضاً" إلا أنني اليوم بعد عشرون عاماً أو أكثر من هذا الحوار أدرك أن الوضع سيء ولكنه ليس حالكاً بالصورة المرسومة .. نعم هناك فقر مبكي ومحزن وهناك جهل وهناك هوة كبيرة بين الفقراء والأغنياء وهناك فساد ومحسوبية وهناك انتهاك لحقوق الانسان...

ما أعرفه جيداً هو أن هذه هي أيضاً طبق الأصل ما قالته معارضة عبد الناصر ومعارضة السادات كما تقوله الآن معارضة مبارك .. الموضوع ليس الغرض منه الدفاع عن أي عهد .. الغرض هو توضيح أن هذا هو ما ستقوله المعارضة في أي دولة من دول العالم الثالث ... من يختارون الأسهل وتوافقهم شعوبهم بل وتقتضي بهم أدرك مواطنو العالم الأول هذه الحقيقة جيداً ... وتجاوزوا الانتهاكات لحقوقهم بشيء آخر غير الثورات ... انتظموا ... توحدوا في نقابات وجمعيات أهلية أولى أهدافها هي التوعية ونشر ثقافة المعرفة والخير والتكافل وخدمة المجتمع ... بدون أغراض سياسية وبدون سعي لقلب نظام الحكم ... أصبح لكل مهنة ومجموعة وفئة نقابة أو رابطة تراعي شئونها وتساعد أفرادها وترعى الحقوق وتطالب بها وتدافع عنها ... أصبح لكل حي مجموعة من الثقات الذين يطالبون بتحسين الخدمات ويتابعون الطلبات ويقفون في الطوابير ويواجهون البيروقراطيات المعقدة ... بدأ الأمر من الشارع .. من البسطاء ولهم ... حتى يزيد الوعي ويكثر الفاهمين الواعين الراضين الذين يمكنهم بعد تذوق هذه النعمة المطالبة بحقوق الإنسان والمواطنة كاملة ..

المواطنون في بلادنا وأنا منهم ليس لديهم الوعي بمفهوم المطالبة بالحريات وحقوق الإنسان حتى هذه اللحظة ...

غالبية المعارضة تستغل كافة القضايا وتخلط الأوراق وتزايد على نفسها وتضلل البسطاء بأكثر بكثير من ممارسة التنمية الحقيقية والاستثمار في الشعب... الأسهل والأرخص تجييش الناس عاطفياً وتضخيم الأمور بقدر الأبواق المتاحة للهجوم على كل شيء وأي شيء... الأصعب الاستثمار في توعية الناس ومساعدتهم على بناء وحدات مجتمعية ترعاهم وتعلمهم وتطالب بحقوقهم الإنسانية الأساسية قبل أن تطالب بتعديل الدستور ... الاستثمار في الناس لا يعني إقامة شركات لتوظيفهم بأموال حلال تدر على أصحابها أضعاف ويضاعف الله لمن يشاء ... الاستثمار في الناس يعني مراكز أبحاث مستقلة وجمعيات أهلية غير مستهدفة للربح بالفعل وليس ورقياً فقط ومؤسسات قانونية خدمية ومراكز خدمة تطوعية ومراكز تأهيل ... هي أشياء أفضل من الميكروفونات والجرائد اليومية وشوادر الدعاية الانتخابية وكرتونة مستلزمات رمضان ..

مثال بسيط وأخير لتوضيح موضوع الحريات وحقوق الإنسان هذا: فلان شخص بسيط .. مشواره إلى عمله مشوار طبيعي مزدحم وطويل .. عمله مكتبي لا يتطلب مهارة كبيرة ... أسرته صغيره بالكاد يكفيها .. يمكنه أن يزور أقاربه ويمكنه أن يشكو أحواله للزملاء والأصدقاء ويمكنه القاء بعد النكات على البلد والحكومة والرئيس ولكنه في العموم راض أو ساكت أو صابر أو خانع براحتك ... هذا الشخص لا يريد أن يسير عارياً في الشارع ولا يريد أن يغير دينه ولا يريد أن يسب الله أو الدين ولا يريد أن يسير في مظاهرة .. هذا الشخص لا يشعر أنه يريد حرية ما تنقصه .. هو فقط يريد تحسين وضعه المعيشي .. وطبعاً لا يمكنه استيعاب أو فهم أن غيره يريدون حريات كثيرة وأنها من حقهم بصرف النظر عن اتفاقه أو اختلافه معهم .. المواطن المصري البسيط ليس لديه هذا الوعي ... لذلك من الأسهل المزايده على معاناته وشحنه عاطفياً أما توعيته ومساعدته ورعايته وتثقيفه فهي أمر مكلف للغاية ثم أنه من الأسهل أن أقول أن هذا من واجبات الحكومة وهي التي تهمله ... آسف الحكومة ليست ماما .. الحكومة لا تتعامل معك إلا عند بلوغك السن القانونية التي تسمح لك بإدراك الصواب والخطأ ولا تقبل توقيعك إلا بعد أن تبلغ سناً يجب أن تحاسب فيه على ما تكتبه ... مصلحتك وحقوقك أنت أدرى بهم ... هذا أسهل .. لماذا اخبرك أن المخبر لا يمكنه تفتيشك بموجب القانون الفلاني وإن فعل يمكنك أن تطلب محامي وتقاضينا وأوجع دماغ المخبر والضابط والقاضي .. بما انك تقبل وبما انك بطولك وبما ان المجتمع ليس لديه مؤهلات إفهامك أو إفهام نفسه ولا جهة تدافع عنك أو عن حقوقك .. خلاص .. لا مؤاخذه طظ فيك
.. هذا هو الأسهل

إليكم بعض الأسهل:

لماذا لا تغيير للمناهج وفلترتها من الحشو الفارغ؟ لأن الموضوع مكلف وصعب بينما الأسهل وجود ناس تأكل حلاوة من الدروس والملخصات والملازم وتكتفي وتحل عننا..

لماذا التحقيق والتحريات الجادة والبحث واستخدام الأحدث لإثبات جريمة ما؟ لأن الأسهل قلمين لشخص لا يعرف حقوقه ولا مدافع عنها وسيقدم الاعتراف سيد الأدلة

لماذا الانتظار في الإشارة واحترام المشاة بينما الأسهل كسر الإشارة والسير عكس الاتجاه في ظل عدم إدراكي لحقوق
الآخرين وعدم ادراكهم لحقوقهم وعدم وجود من يدافع عن حقوقنا جميعاً

لماذا المذاكرة بينما ملخص ليلة الاختبار كافي للنجاح

لماذا احمل حقيبتي بينما يمكن أن يحملها السائق

لماذا أغسل صحن الطعام الخاص بي بينما يمكن لزوجتي أن تفعل ذلك

لماذا القيام لإحضار كوب ماء بينما يمكن لوالدتي أن تفعل ذلك

لماذا أقوم بإنهاء أعمال المواطن وأوراقه بسرعة بينما يمكنه الانتظار قليلاً حتى انتهي من إفطاري "الانجاز السريع يعني المزيد من العمل والحقيقة جهة العمل لا تعطيني ما يكفي كي اتنازل عن الافطار وأبذل كل هذا الجهد... ثم ما المشكلة في الانتظار؟!"

لماذا أخفض سعر السلعة إذا كان الناس قادرين على شرائها حتى الآن ... بالطبع فلا يوجد من يراعي حقوقهم أو ينظم جهودهم أو يدافع عن أي شيء

سياسة الأسهل وإلقاء اللوم هي السياسة السائدة والثقافة الطاغية منذ وقت طويل ... سياسة التجييش العاطفي واستغلال الجموع هي السياسة المعتمدة في بلاد الاختيار الأسهل.. في بلادنا

التغيير الأسهل هو توقيعات على بيان .. الأصعب هو تكوين تكتلات حقوقية واجتماعية وثقافية أهلية فاعلة ..

الأصعب هو البنية المجتمعية التحتية

إخوة الفيسبوك .. أكرر هذا النداء ..

إلى الجيل الذي أراهن عليه منذ وقت طويل .. من أيام أجهزة صخر وسينكلير ويامها وكومودور .. من أيام الدوس وويندوز 3.11 باعتماد اللغة العربية ... من أيام الـ 486 .. وحتى الآن ..

أنتم من يمكنهم القراءة ولديهم مفاتيح المعرفة مجاناً .. لا تخدعنكم التهويلات .. لا تخدعنكم الخطب والمقالات النارية التي تفتري على التاريخ وتعرضه من وجهة نظرها وتلونه بتلون الوقت والأهداف .. لا تخدعنكم البرامج الحوارية الزائفة التي تشوه الواقع وتوجهه لمصالحها .. ابحثوا بأنفسكم أرجوكم .. إقرأوا من أكثر من مصدر .. راجعوا ما قاله المنتصر وما قاله المهزوم في أي موضوع ..

لا يجوز الحكم العام دون معطيات كامله وحقيقية .. لا يجوز الحكم العام بناء على 1000 حادثة بين ملايين .. لا
يجوز الحكم العام لمجرد أن الأخبار أصبحت تنتشر أسرع وليس لأن المعدلات تتزايد بالفعل ...لا يجوز الحكم العام فقط لأنك قرأت كتاباً لفلان أو عشرة كتب لعشرة أفراد ينتمون لاتجاه واحد أو اتجاهين ... لا يجوز الحكم العام بناء على تجربة أسرة أو اثنتان أو عشرة آلاف ... لا يجوز الحكم على تواجد الحريات من عدمه وأنت لا تعرف ما هي تلك الحريات التي تريدها ويريدها غيرك ودون أن تقبل بها للآخرين كما تقبلها لنفسك ودون أن تفكر في احتياجك لممارستها

... لا يجوز الحكم العام

ما يحدث الآن هو استغلال لهذا العالم الافتراضي المؤثر لكونه محرك وبوق للطبقة الوسطى وتجييش له دون توعية أو تثقيف فعلي .. دون تواجد حقيقي خال من التوجهات السياسية والمطامع الحزبية والشخصية على أرض الواقع..

أخيراً وللحق .. توجد صفحات قليلة ومجموعات أقل تحاول حالياً القيام بدور حقيقي على أرض الواقع .. هذا هو ما تجب مساندته والدعاية له والوقوف إلى جانبه ..

البيانات والبنود وتعديلات الدستور ... تلك الأشياء التي ينادي بها مئات المناضلين منذ أكثر من ثلاثين عاماً .. ليست جديدة ولكنكم لم تتابعوها أو تتابعوهم .. لا تحتاج إلى توقيعات .. تحتاج لمجهودات أهلية حقيقية للناس ومعهم ولا تنتظروا النتائج غداً أو بعد غد .. هذا هو الأصعب .. هذا هو الحقيقي ...

أشكر كل من وصل إلى هنا .. وأعتذر عن الإطالة فقد أخذتني الكتابة .. وأرجوك .. لا تقم بالحكم العام على
شخصي فليس لديك كل المعطيات .. أنت لا تعرف عني الكثير .. الحقيقة لا تعرف إلا رأيي في بعض الأمور وهي
ليست كل الأمور ولا تكفي لتصنيفي إلا لو لجأت إلى الطريق الأسهل ..

تحياتي ودمتم بخير

للمراهنين على الدور التركي

2010-07-02T09:40:00.001+03:00

الكلام هنا بعد تداول أخبار اللقاءات الدبلوماسية بين إسرائيل وتركيا وبمباركة أمريكية في محاولة لرأب الصدع العميق في العلاقات الذي أحدثته واقعة الهجوم الإسرائيلي على قافلة الحرية وما تبع ذلك من تداعيات

مع كامل احترامنا لرهاناتكم أو بالأحرى للرأي القائل بالرهان على الدور التركي في المنطقة العربية...

ولكن الجانب الغير خفي هو أن الدور التركي في أي شيء مرهون بمصلحة تركيا نفسها وليس بمصلحة جيرانها إلا بقدر ما تخدمها هي شخصياً ... مصلحة تركيا فوق كل اعتبار ويجب أن يكون هذا واضحاً جلياً ... قد نرى أن مصلحة تركيا أن توالي العرب خاصة مع وجود عراقيل أمام ضمها للإتحاد الأوروبي مثلاً ... ولكن هذا ما نراه نحن وليس بالضرورة ما تراه تركيا.

إدراك تركيا لطبيعة العراقيل التي تواجه انضمامها للاتحاد الأوروبي وإدراكها أيضاً لضرورة قبولها لما تمثله من ثقل إقليمي يجعلها تضغط لتذليل تلق العراقيل أو تحييدها أو تسويقها كأداة يسهل توظيفها. الفكرة السابقة تعتمد على كون علاقة تركيا بأوروبا والغرب عموماً أفضل لها من علاقتها بجيرانها العرب على المستوى الاقتصادي والسياسي على المدى البعيد.

تركيا تعلم تماماً أن أمريكا وإسرائيل وجهان لعملة واحدة وأن أمريكا وانجلترا وفرنسا محاور متوازنة في تأييد إسرائيل، وأن إسرائيل نفسها لها ثقل سياسي وعسكري تستمده من ثقة مالية تتحكم في أضخم سيولة نقدية في العالم بطرق مباشرة وغير مباشرة. للمتابعين للأخبار أذكركم أن أوباما صفع إسرائيل بقضية انحرافات مالية حاخاميه ضخمة رداً على هجومهم عليه وتعنتهم في موضوع المستوطنات ولكن قوة اللوبي الاقتصادي الصهيوني عموماً استطاعت إبدال هذا الأوباما بآخر يقر علنا أمام الشاشات بأن القدس عاصمة موحدة أبدية لإسرائيل...

كل ما سبق تعرفه تركيا جيداً ...

كما أنها تعرف سهولة كسب التأييد الشعبي العاطفي لديها ولدى كافة الشعوب العربية ... يكفيها أن تلوح بالغضب حتى يفرح كل الغاضبين المقهورين ... نعم.. مجرد التلويح بالغضب، الشيء الذي لا تفعله الدول العربية... العالم العربي الرسمي يشجب ويندد ويستنكر ويأسف ... لكنه أبداً لا يغضب .. هذا ما يسبب الشعور بالعجز لدى الشعوب العربية ويجعلهم بانتظار التلويح بالغضب ...

هذا التأييد الشعبي الجارف يمنح بطاقة التلويح بالعصيان زخم ضاغط على إسرائيل وأمريكا والغرب بشكل عام ... الموضوع ليس خوفاً من تركيا بل من القدرات العامة للتكوين الاجتماعي التركي الذي يستطيع حشد تأييد جارف في عدد من الأماكن المضطربة بالفعل وإثارة قلاقل كبيرة وضغوط على المستوى الاقتصادي والسياسي والإعلامي أيضاً.

التمادي في المواجهة يعني الوصول إلى وضع كارثي تخسر فيه كل الأطراف.... هذا أمر لا تريده تركيا لنفسها ولا تريده إسرائيل ولا أمريكا ولا الغرب بشكل عام

إذاً هي سياسة التلويح إلى أن نقترب من الحافة وتفهم جيداً وجهة نظري وقدراتي ... هذا ما تفعله تركيا .. لقد قَدَمت سؤالاً بسيطاً مصحوباً بتصرف داعِم بسيط .... هذا ليس غضباً .... هذا تلويح بالغضب فقط ... لقد استخدمت تركيا عبارات حادة غاضبة وقالت أنها تفكر في أشياء أخرى مماثلة وقررت منع الطيران الحربي الإسرائيلي من التحليق فوقها ... في السياسات العالمية هذا لا يعني غضباً ... هذا فقط يعني أني سأغضب ..

حين تفعل ذلك دولة ذات وضع اجتماعي وسياسي واقتصادي وعسكري محترم، يصبح لها صوت فعلاً ... تركيا دولة لها صوت وليست صوتاً له دولة كعالمنا إلا من رحم ربي.
تركيا دولة ذات صوت ووزن تراعي مصلحتها أولاً ... مساندة حماس ... مصادقة سوريا ... مغازلة إيران ... مناكفة إسرائيل ... مراسلة أمريكا ... التنفيس عن العرب .... في كل ما سبق .. تركيا أولاً...

في موضوع خالد سعيد

2010-06-16T08:09:00.000+03:00

تابعت موضوع خالد سعيد كما تابعه غيري على شاشة الكمبيوتر والبرامج الفضائية ولي ملاحظات وتحفظات سأجملها هنا..

خالد سعيد لا تجوز عليه إلا الرحمة وأياً كان ما اقترفه فليس من حق مخبر أو أمين شرطة أو ضابط أن ينفذ فيه الحكم البشع الذي تعرض له...

أول ظهور لهذه الواقعة كان من معسكر "إيمن نور" الذي سردها في هذا السياق: شائعة وفاة أيمن نور غير حقيقية وقد أطلقتها الحكومة للتغطية على جريمة قتل خالد سعيد...

بعد ذلك انتشر خبر تلك الجريمة انتشار النار في الهشيم وتم إغفال موضوع شائعة وفاة أيمن نور ومن أطلقها ولماذا وما هي تفاصيل هذه الشائعة ولكن فلنترك هذا الأمر لهامشيته الحالية وعلينا أن نفكر أولاً ...

وفاة السيد خالد سعيد ليست الأولى من نوعها وليست جديدة وتاريخ مصر القديم والمعاصر والحديث يثبت حالات كثيرة من تجاوزات جهاز الأمن تجاه المواطنين.. هذه الحالات منها ما تم تصعيده للمحاكم وتم الحكم فيه ومنها ما تم تغطيته أو تصفيته .. ولكن لم يحدث ان احتاج جهاز الأمن لإطلاق شائعة وفاة شخصية عامة للتغطية على جريمة وتجاوز أمني في حق مجهول، خاصة وأن هذه التجاوزات أو لنقل الجرائم الأمنية تملأ صفحات جرائد المعارضة أسبوعياً ويومياً .. إذاً هي جريمة أمنية وتجاوز في حق المجتمع تم الكشف عنها بطريقة مبهمة وتبدو مقصودة لأغراض لا نعرفها ...

نأتي للواقعة نفسها ... تابعت التفاصيل بدقة وسمعت مكالمات هاتفية في عدد من البرامج الحوارية وشاهدت الصور المنتشرة للمستندات الرسمية الخاصة بـ خالد سعيد وشاهدت الفيديو الذي قيل عنه أنه سبب ما حدث ...

ملاحظات عامة وهامة:

خالد سعيد لا يحمل مؤهل ولديه دبلوما في الالكترونيات من أمريكا ... هذه العبارة بالنسبة لي تعني أنه غير حاصل على مؤهل معروف وهنا تأتي النقطة الثانية

شهادة اتمام الخدمة العسكرية توضح أن خدمته كانت :

1- في قوات الشرطة (جندي أمن في اشرطة) وليس في التجنيد المعروف بالجيش لعموم الشباب..
2- أن خدمته كانت في الأسكندرية (بما إنه من سكان الإسكندرية فهذا الموضوع يحتاج إلى واسطة ما ليخدم في نفس المنطقة)

وظيفة خالد الذي يحمل دبلوما في الالكترونيات هي صاحب شركة استيراد وتصدير

رأس مال الشركة 3000 ثلاث آلاف جنيه
تم رفع رأس المال إلى 5000 خمس آلاف جنيه
يعني ببساطة شركة على ما تُفرج وغالباً مقرها غرفة فوق السطوح أو نفس عنوان المنزل ولا تعقيب لي على الأرقام خاصة وأن خالد كان يحتاج أن يخرج من منزله ليذهب إلى سايبر أو انترنت كافيه ولا يوجد لديه انترنت في المنزل أو لاب توب به مودم متنقل مثلاً لزوم الشغل

إذا يمكن أن يكون هناك صلة بالفعل بين المخبرين وخالد بحكم أنه كان جندي في هذه القوات (عسكري شرطه) ممكن أن يخدم في قسم من الأقسام أو أن يكون زميله عسكري في قسم من الأقسام وهذا بالطبع يفسر كون الفيديو تم تصويره بشكل طبيعي وعادي .. شخص كان بينهم يعرفونه ويأمنون جانبه وتركوه ليصور تصرفات إعتيادية أو ربما لمن ينصت قليلاً فقد يسمع بعض ما يبدو أنه التجاوزات المعتادة في مقر العمل والتي لا يعرفها عموم الناس أو من لا يعمل في المجال الأمني... قد يكون من تصوير خالد نفسه أو صديق له ...الموجز أن من صور هذا الفيديو كان معروفاً للحاضرين ومأمون الجانب ولكنه "استندل معاهم"

المحصلة هي وجود علاقة ما غير معروفة بين خالد وعناصر أو أفراد من أمن القسم
أن خدمة خالد في الداخلية كانت خدمة رديئة وتم رفته بقرار من لجنة الرفت الانضباطي.. أي أنه مثل أمام لجنة ما ..أو تم التحقيق في أمره من لجنة ما .. قررت رفته ... موضوع أن خدمته كانت رديئة أو قضوة حسنة ليس موضوعاً تافهاً أو هامشياً ...90% من الذين يتم تجنيدهم يخرجون بقدوة حسنة ولا يخرجون بقرار رفد ... قرار الرفد ينتج عن تجاوز أو هروب وعودة للخدمة أو مخالفة صريحة للقانون

الحقيقة أن اعتداء أفراد من الأمن بوحشية على مواطنين تصرف يتكرر يومياً بأشكال مختلفة في مناطق مختلفة وبأسباب من تافهة إلى منطقية ... الاعتراض هنا ليس على مقتل خالد سعيد بقدر ما هو اعتراض عام على التجاوزات الأمنية مهما كانت تفاهة الأسباب أو منطقيتها ... دور جهاز الأمن هو تطبيق القانون مع حفظ آدمية المواطن .. هذا القانون الذي سيقتص بطريقة شرعية تضمن حقوق الجميع .. جهاز الشرطة لا يطبق العدالة .. هو يحميها ويتابع تطبيقها ..

بجد وبالبلدي ولكل إخوتي وأخواتي وأبنائي ومن يقرأ ...

لقد أصبحتم ولله الحمد قوة إعلامية ضاربة ... نعم .. مجتمع الانترنت في مصر أصبح قوة ضاربة ولها تأثير وفاعلية .. بالنسبة للكبار؛ هذه القوة يجوز استخدامها وتوجيهها واستغلال إنها شباب حامي .. أصبح من السهل توجيه هذه القوة بصورتين وجروبين وكليب فيه أغنية حزايني وكلمة كفاية وعلم الجزاير ...جميل أن نمتلك القوة ولكن ليس جميلاً أن يتم توجيهها طبقاً لأهداف خاصة ..

إن كان موضوع خالد سعيد أثاركم فالحقيقة كان يجب أن تتابعو أكثر وتجتمعوا أكثر على رفض امتهان حقوق المواطن ورفض التجاوزات والاعتداءات الأمنية ورفض التعذيب .. أرجوكم تحركو بمجهود واحد تجاه هدف يعلو على الأفراد ... لا نحتاج شهيد أو بطل أو صورة لشخص لكي نقول لا للضرب أو التعذيب أو الإهانة والجهات الأمنية لا تحتاج لإشاعات أو تلفيق لتغطي على تصرفات أفرادها حتى لو كانت تصرفات معيبة ... تحياتي وربنا يوفق الجميع

الوضع الحالي .. "تعالالي يابو وضع"

2010-05-14T14:19:00.014+03:00

مبـاشرة .... من مصلحة الولايات المتحدة الأمريكية أن يبقى الوضع على ما هو عليه في مصر؛ الموقف المصري، في مستواه الرسمي، لا يتعارض مع الموقف الأمريكي العام ... قد يختلف في جزئيات هامشية أو مُهمّشة لأغراض مرحلية دعائية أو تكتيكية ولا يؤثر في الـ ستراتيجية العامة والخارطة الأكبر...
قد تحدث مشكلة فقط في حال قام النظام طوعاً أو كرهاً بتغيير طريقته أو توجهاته أو سياساته، المتفقة في أغلب الأحوال، مع المصالح الأمريكية. أو أنه قرر، طوعاً أو كرهاً أيضاً، أن يرسم استراتيجية وطنية فعلية قابلة للتطبيق وتختلف عن النمط السائد من التكتيكات والمناورات وبالضرورة تتعارض مع المصالح أو المخططات الأمريكية الكبرى التي لن اتناولها هنا.
إذا حدثت المشكلة السابقة ستكون خسارة فادحة وتأخير لا ضرورة له أو تغيير جوهري في التكتيكات الأمريكية يكلف الكثير من المال وماء الوجه. ونظراً لأن السياسات الأمريكية والخطط الستراتيجية لا يقوم بها مجموعة من الهواة أو الحواة، فمن المؤكد أن هذا الاحتمال قد تمت دراسته بعناية وإعداد طُرُق لمعالجته أو مواجهته.
لو أنكم لاحظتم على شبكة الإنترنت تحديداً وعلى الفضائيات الأجنبية وبعض الفضائيات العربية عموماً، يوجد عرض مُكثف للوضع في مصر وأخبار التظاهرات والاعتقالات وجماعات الضغط وجماعات حقوق الإنسان والندوات والمؤتمرات والعرائض والتوقيعات بل والتعذيب.
الغير ملحوظ هو وجود أضعاف هذه الأخبار عن التظاهرات والاعتقالات وجماعات الضغط وجماعات حقوق الإنسان والحيوان والنبات والندوات والمؤتمرات والعرائض والتوقيعات بل والتعذيب في الولايات المتحدة الأمريكية وبريطانيا أيضاً. ولكن للأسف أمريكا وبريطانيا ليستا مدرجتين في ستراتيجية دولة أخرى أو مخطط كبير لمصالح أقوى.
المصالح هنا في عالمنا نحن. لذا، وفي توقيت متميز يناسب وجود دراسة للأمر فعلاً، تتحرك بيادق الإعلام لتنبيه النظام المصري بوجود خلل تكتيكي أو تنفيذي لديه يتعارض مع المخطط الكبير وقد يؤجله أو يعرقله وللتصحيح عليه أن يقوم بأحد أمرين:
تقديم مزيد من التنازلات الوطنية للحصول على رِضا مادي يسمح بإصلاح بعض الجوانب الشعبية الوقتية ويصب في الخزانة الغربية، وبالطبع هي تنازلات خطيرة على المستقبل الوطني بعيد الأمد.
أو تقديم تنازلات فردية يراها النظام وطنية.
لكل أمر من الأمرين السابقين تخطيط متكامل.
الأمر الأول يمكن تنفيذه على محاور متعددة؛ أولها وأهمها إعلامي، وهو تصوير الأمور في مصر على حافة الانهيار السياسي والاجتماعي رغم أن النشاطات الدالة على ذلك تحت السيطرة الكاملة وفي حدها المتدني والثابت بالمقارنة بالتعداد العام الداعم أو القابل أو المغلوب على أمره. المحور الثاني هو رعاية ودعم الأنشطة الإقليمية الضاغطة مثل موضوع منابع النيل وقضايا الرأي العام التي تتبنى فكرة تقاعس النظام تجاه الجيرة العربية رغم مراعاته للبروتوكول السياسي والجيرة مع محتلي القدس، وتكرّس للتفرقة بين النظام والمواطنين وبين المواطنين وأنفسهم على المستويات الثقافية والاجتماعية والدينية.
أمّا الأمر الثاني وهو تقديم التنازلات الفردية فتنفيذه يتضمن احتمالين، إما تنازلات فردية تُبقي على النظام مع تغيير بسيط في أفراده أو تنازلات تؤدي لتغيير محسوب للنظام، بعبارة أخرى إقصاؤه هو وأفراده لصالح نظام آخر يتفق مع المخطط الكبير. أمّا أفراده الجدد فـ هم فقط يتسربلون بثوب مختلف ودعاية تحظى بدعم شعبي ظاهر وليس بفاعل...
ده الوضع الحالي ... أما أنت فـ "قوللي إيه وضعك؟..

عن الليبرالية

2010-03-15T22:39:00.003+03:00

أولاً وقبل كل شيء...

رجاء أن تفسح الوقت لنفسك لكي تقرأ وتفهم = لا تقف عند ما يعجبك وتغض البصر عن غيره ...إقرأ وانت ترغب في الفهم ولا تتخذ موقف مسبق ....

الغرض من هذا الموضوع هو تعريف معنى الكلمة وأصولها وأبعادها واستخداماتها.... لماذا؟ لسببين: الأول هو ملاحظتي لكثرة اتهام اتباع هذا التوجه في العالم العربي بالكفر أو الدعوة إلى الفجور أو الدعوة إلى عدم الالتزام بالدين أو ممارسته إلخ. هذا الاتهام الذي يلاحق العلمانيين أيضاً ولكن هذا موضوع يستحق مقال آخر مستقل. والسبب الثاني هو وضعهم في سلة العملاء وأحياناً الملحدين والظن أن الأمر بسيط وعادي وطبيعي ومفهوم.

ملحوظة: نظراً لانتماء الكلمة إلى أصول غير عربية فالمصادر في أغلبها مصادر باللغة الإنجليزية لذا قمت بالترجمة بنفسي ...

أصل الكلمة والتاريخ التقريبي لظهورها:

ظهرت الكلمة في القرن الرابع عشر من الأصل اللاتيني - liberalis - بمعنى "الرجل الحر" و بمعنى "كريم" ... انتقلت من اللاتينية إلى الفرنسية (في ذلك الوقت كانت حقبة حكم النورمانديين - أصول فرنسية - للبريطانيين وكانت اللغة المستخدمة هي خليط بين الفرنسية الممزوجة باللاتينية والإنجليزية القديمة) وبعدها أصبحت من مفردات المرحلة الوسطى لتطور اللغة الإنجليزية. في القرن السادس عشر اقترنت الكلمة بالمعاني الإيجابية لحركة التنوير المناهضة للحروب الدينية والحملات العسكرية باسم الصليب وقد شهد القرن السابع عشر هجمة كنسية قوية على الليبرالية وصلت إلى حد إصدار فتاوى بتحريمها بعد أن تم تفسيرها على أنها إعلاء لشأن الإنسان على الخالق وتؤدي لإنكاره ...اشتملت الليبرالية في ذلك الوقت على مفاهيم عدم التحيز وقبول الأخر ومساندة قيام الحكومة بأفعال لتطوير المجتمع وبقيت تشير إلى الاتجاه الليبرالي في مختلف المجالات بدلالات مختلفة كما ظهرت اتجاهات دينية مثل الليبرالية الكاثوليكية والليبرالية البروتستنتية حظيت أيضاً بعداء الكنيسة ... هذا هو تاريخ الكلمة وأصلها بإيجاز .. نرغب في معرفة معنى الكلمة..

معنى كلمة ليبرالي:

هناك ستة معان:

1- له صلة أو مبني على الفنون الحرة - العلوم الإنسانية... وهناك استخدام قديم مهمل يدل على أن الشخص قد وُلِد حراً

2- دلالة على الكرم والعطاء

3- تنقصة الحدود الأخلاقية - مكتوب أمام هذا المعنى كلمة - obsolete - وهي تعني أن الكلمة لم تعد تُستَخدم بهذا المعنى (المترجم)

4- غير حرفي غير قطعي بمعنى حر - يمكن التقريب بمقارنة الشعر الكلاسيكي بالشعر الحر لفهم مضمون عدم القطعية (المترجم)

5- متفتح الذهن وخاصة فيما يتعلق بعدم الانصياع للاستبداد أو الأورثوذوكسية (مذهب ديني مسيحي يصفه بعض اتباع المذاهب الأخرى بالمغالاة والتشدد - المترجم) أو الأنماط التقليدية.

6- يفضل أو ينتمي إلى مبادىء الليبرالية - يساند المبادىء التي يدعو إليها حزب ليبرالي يعتنق الليبرالية السياسية - ينتمي للحزب الليبرالي بالمملكة المتحدة (بريطانيا) والذي يدعو للحرية الاقتصادية ومزيد من المشاركة الفردية في الحكومات بالإضافة إلى إصلاحات دستورية وسياسية وإدارية تضمن تحقيق أهداف الحزب

ما سبق هو التعريف من القاموس ... قبل أن ننتقل إلى ما هو أعمق من ذلك أرجو ملاحظة ما يلي والاتفاق عليه أولاً:

* أن الكلمات تكتسب معان وتفقد أخرى مع مرور الزمن واختلاف الظروف وتغير الثقافات - الكلمات في كل اللغات بما فيها العربية - بل وتدخل في تركيبات جديدة ويضاف إليها سوابق ولواحق - اللغة بطبيعتها تتطور وتتبدل أيضاً... هذه الأشياء تتم ببطء شديد وتستغرق عشرات ومئات السنين.

* أن الكلمة ذات أصول لاتينية ثم دخلت إلى الإنجليزية لتشمل عدد من المعاني، منها ما هو مستخدم ومنها ما توقف استخدامه ومنها ما فقد دلالته.

* أن العالم العربي لا يستخدم كلمة ليبرالي وهو يقصد المعنى رقم واحد أو المعنى رقم إثنين.

* أن المعنى رقم ثلاثة لم يعد أهل اللغة أنفسهم يستخدموه وهو الأقرب للإنحراف الأخلاقي ... لماذا؟ لأن الظرف المحيط بهذا المعنى اختفى ... ماهو الظرف المحيط بهذا المعنى؟ هو وجود الليبرالية كاتجاه معارض لسلطة الكنيسة الأرثوذوكسية في أوج قوتها وبالتالي الصاق تهمة اللا أخلاقية بهم بكونهم يدعون للمفاسد والحريات المطلقة وأعداء اللة... أمّا مع تطور المجتمعات وزيادة الوعي وانتشار ثقافة الحوار، اكتشف الناس أنها تهمة باطلة تم الصاقها بالكلمة وبالتالي اسقطوها من الدلالات.

* أن المعنى الرابع معنى تقني نوعاً ما .. فهو يوضح مفهوم الحرية في المفردة بالتحرر من القوالب والأنماط وهو معنى عام يحتمل الإيجابية والسلبية طبقاً للسياق

*المعنى الخامس له صلة مباشرة بنشأة الليبرالية كاتجاه يعارض السلطة الدينية للمذهب الأرثوذوكسي في المسيحية ويعارض مبدأ السلطة المطلقة والديكتاتورية وهو أمر لا دخل له بالكفر أو الدعوة إلى المعاصي بقدر ماهو دعوة لإعمال العقل - نعم تم تصويرها كدعوة للمفاسد واللا أخلاقية في البداية ولكن وكما اسلفنا تم اسقاط هذه السمة من استخدامات الكلمة

* المعنى السادس يشير إلى كلمة الليبرالية ويضيف إليها السياسية كما يربطها بشكل أكبر مع حزب في بريطانيا... ما يهمنا هنا هو إضافة كلمة "السياسية" لتصبح إشارة إلى "الليبرالية السياسية" = صفة جديدة يمكنها أن تغير الكثير وتجعلنا نسأل: هل هناك أنواع أخرى؟ وهل يعني ذلك إمكانية إضافة صفات أخرى؟ وما هي هذه الأنواع أو الصفات؟ وما الذي تشير إليه أو تقصده؟

كلا... ما زال لدينا جولة أخرى مع المعنى في قاموس مختلف يضع للكلمة 15 معنى، 13 منهم وهي صفة و2 وهي اسم:

1- يشجع التقدم والإصلاح كما في الشؤون السياسية والدينية
2- يدعو لمبادىء حزب سياسي تطرح حلول تقدمية (غير تقليدية) للإصلاح السياسي
3- يدعو إلى الليبرالية
4- يدعو أو يتفق مع إعطاء الفرد أكبر قدر من الحرية بطريقة يحميها القانون وتضمنها حماية الحكومة للحقوق المدنية
5- يدعو أو يسمح بحرية التعبير خاصة فيما يخص الاعتقاد الشخصي والتعبير عن النفس، توجه تحرري تجاه الفنانين والكتاب
6- يدعو ويتفق مع تمثيل شعبي متعدد للحكومة وليس حكومة قاصرة على الطبقة العليا والصفوة الملكية
7- خالي من التعصب والتحيز وله قدرة على تحمل الآخر - مثل التوجه الليبرالي تجاه الأجانب في الوطن
8- متفتح الذهن وغير مقيد بالأفكار والقيم التقليدية وما شابه
9- كريم ولديه الرغبة في المنح
10- سخي، متبرع يبسط يده
11- غير قطعي أو مقيد بقالب - كما في الفهم الليبرالي للقواعد أو القوانين
12- ينتمي للفنون الحرة والعلوم الإنسانية
13- رجل حر

كإسم:

14- شخص له مبادىء ليبرالية في الدين أو السياسة
15- عضو في الحزب الليبرالي البريطاني

استخدام الكلمة بقصد المعاني 1 و2 و6 و7 - بالمقاييس العربية أو المصرية الحالية يحمل الكثير من الإيجابية والتوجهات المشروعة ولا يصم صاحبه بشيء سلبي

استخدام الكلمة بقصد المعاني 3 و 11 و 14 يتطلب توضيحاً لمبادىء الليبرالية ومعنى الفهم الليبرالي للقواعد والقوانين وهو ما سنتناوله هنا بعد قليل

استخدام الكلمة بقصد المعاني 4 و5 و8 يحتمل الكثير من النقاش وتحديد المفاهيم الخاصة بالحريات والحقوق وسنتناوله أيضاً - هذا هو الاستخدام الذي دأب المعترضون على الليبرالية أو مهاجموها على تضخيمه وتحميله أكثر مما يحتمل

الاستخدام بقصد المعاني 9 و10 و12 و13 يكاد يكون معدوماً في الثقافة العربية، أمّا 15 فلا دخل لنا به

الملاحظ فيما سبق هو عدم وجود تصريح بمعاداة الأديان أو التنصل منها أو الدعوة للفجور وعظائم الأمور أو العصيان والمعصية، وأن استخدام الكلمة بهذه الطريقة لا يوجد في اللغة أو أنه كان اتهاماً باطلاً تنصلت منه لغة الكلمة الأم ولم تعد تستخدمه

إذاً انتهينا من أصل الكلمة والأوجه المختلفة للمعنى في القاموس، وخرجنا من ذلك بوجود بعض المعاني الغير معيبة ومعان أخرى تحتمل التأويل وغيرها تحتاج إلى التوضيح قبل المدح أو القدح.

وبالطبع لا حاجة لتوضيح أن كلمة "ليبرالي" كصفة ليست كلمة مقدسة أو حقيقة من حقائق الحياة كـ كلمة "الموت" مثلاً ... هي كلمة عادية ومستحدثة وقابلة للتبديل والتعديل والتغير مع تقدم الزمن واختلاف الثقافات والمفاهيم

أظن أصبح لزاماً علينا الآن أن نسأل عن أنواع الليبرالية وماهي أسسها...

يوجد لليبرالية تقسيم جغرافي = الليبرالية الغربية - الليبرالية الآسيوية - الليبرالية الأفريقية ... هذا التقسيم إن دل على شيء فهو يدل على اختلاف المفهوم طبقاً لمكان وجوده وتماشياً مع ثقافة المحيطين به.

يوجد أيضاً تقسيم إلى ليبرالية سياسية واجتماعية ودينية، السياسية تصب اهتمامها على إصلاحات الدستور وتمثيل الشعب في الحكومات نزاهة الانتخابات ونظم الاقتصاد الحر مع وجود دعم حكومي لمصالح المواطن وحماية لحقوقه وحرياته (الحريات الموجودة في الإعلان العالمي لحقوق الإنسان) وهو موجود على الشبكة بكل اللغات لمن يرغب في الاتطلاع عليه... النقطة الأخيرة هي جوهر اهتمام الليبرالية الاجتماعية التي تؤمن بإطلاق طاقات الفرد وعدم تقييده بقوالب تحد من قدرته على الابتكار، إضافة إلى ترسيخ مبدأ قبول الآخر والامتناع عن العنصرية بأنواعها، أمّا الليبرالية الدينية فتبدأ من محاولة قراءة النصوص وفهمها بقدر أكبر من المرونة وبما يتفق مع ما وصلت إليه المدنية من تقدم دون خلاف على مكارم الأخلاق واحترام الخصوصية، مروراً بمحاولة التوفيق بين العلم والدين وعبوراً بالتأويل وصولاً لرفض السلطة الدينية بالمجمل. الليبرالية الدينية في أقصى حالاتها تطرفاً هي الهاجس هنا.. ولكن مع وجود مصطلح أو كلمة مطاطة مثل "الليبرالية" وثقافات مختلفة ومجتمعات تتباين في عاداتها ومفاهيمها، لا يمكن تعميم واحدة من الدلالات في شكلها الأكثر تطرفاً على سائر المعاني والأهداف الأخرى.

بعبارة أخرى، يمكن لصاحب الاتجاه الليبرالي في مجتمعات محافظة بطبيعتها أن يفهم الليبرالية بإيجابياتها ويأخذ منها ما يتسق ومجتمعه وثقافته، إن اتفقنا على وجود إيجابيات اجتماعية أو سياسية في الدعاوى الليبرالية فهذا لا يعني أننا أصبحنا أكبر المدافعين عن أكثر الطرق تطرفاً في الليبرالية بل يعني أن ما لا يُدرك كله، لا يُترك كله من باب الانتفاع بما يناسب والامتناع عما يضر، وفي هذه الحالة يصبح هناك تصنيف جغرافي عادي لنوع آخر من الليبرالية يختلف عن الغربية وله صفة الليبرالية العربية مثلاً. الليبرالية في المانيا مثلاً تنقسم إلى ليبرالية مدنية وأخرى كنسية. المقصود أن تنوع المفاهيم وغزارتها وتأويلاتها المختلفة لا يجعل من الليبراليين كفار أو مارقين أو دعاة إثم. ناهيك عن أن الجماعات الدينية تطالب بحرية التعبير والمفكرين الإسلاميين يحاولون ربط العلوم الحديثة بالنص القرآني وكبار المشايخ والعلماء يشاركون في تحديث الفقه وكل ما سبق هو ليبرالية في حد ذاته. أمّا العامة ومختلف الأحزاب فيطالبون بنزاهة الانتخابات وتمثيل الشعب بالحكومة واحترام حقوقهم وانسانيتهم، هم أيضاً ليبراليون في ذلك.

لنلق نظرة على إعلان أوكسفورد الصادر عن 19 حزب سياسي ليبرالي عام 1947 ونرى ما الذي اتفق عليه الليبراليون - هذا الإعلان تم تعديله عام 1997 ليشمل تفاصيل أكثر وأشمل ولكن دون حذف من الإعلان الأول - فقط نسخة منقحة مزيدة:

أعلن المجتمعون اتفاقهم على ما يلي:

أ
1-الإنسان لديه القدرة على الفكر والعمل المستقل والقدرة على تمييز الحق من الباطل.
2- احترام الإنسان والأسرة هو الأساس الحقيقي للمجتمع.
3- الدولة ليست سوى أداة للمجتمع ، وينبغي أن لا تمتلك السلطة قوى تتعارض مع الحقوق الأساسية للمواطنين توفير حياة تسمح بالاستقلالية والإبداع، تحديداً:
الحرية الشخصية ، التي يكفلها استقلال القانون والعدالة
حرية الوعي والعبادة
حرية التعبير وحرية الصحافة
حرية المشاركة أو الامتناع
حرية اختيار المهنة
فرصة متنوعة للتعليم طبقاً للقدرة
الحق في الملكية الخاصة والحق في الدخول في المشاريع الفردية
حرية الاختيار للمستهلك، وإتاحة الفرصة لجني كامل الأرباح الناتجة عن زراعة الأرض لصاحبها
الأمن من مخاطر المرض والبطالة والعجز والشيخوخة
المساواة في الحقوق بين الرجل والمرأة.
4- ولا يمكن تأمين هذه الحقوق والشروط إلا من خلال الديمقراطية الحقيقية. الديمقراطية الحقيقية لا يمكن فصلها عن الحرية السياسية ، وتستند على موافقة واعية وحرة ومستنيرة من الأغلبية عن طريق الاقتراع الحر والسري ، مع الاحترام الواجب لهذه الآراء وتأمين الحريات للأقليات.

ب

1- قمع الحرية الاقتصادية يجب أن يؤدي إلى اختفاء الحرية السياسية. نحن نعارض مثل هذا القمع ، سواء الناجم عن ملكية الدولة أو سيطرة أو احتكارات القطاع الخاص. نحن نعترف فقط بملكية الدولة لتلك المشاريع التي هي خارج نطاق المشاريع الخاصة.
2- رفاهية المجتمع يجب أن تسود ، ويجب أن تصان من التعسف في استعمال السلطة من قبل المصالح الفئوية.
3- ضرورة التحسين المستمر لظروف العمل ، والسكن والبيئة للعمال. حقوق وواجبات ومصالح العمال ورأس المال يكمل أحدهما الآخر ؛ تنظيم التشاور والتعاون بين العاملين وأرباب العمل أمر حيوي لتقدم الصناعة.

ج

تقديم الخدمات مكمل ضروري للحرية وكل حق يقابله واجب. إذا كان على المؤسسات الحرة أن تعمل بفعالية ، يجب أن يكون لدى كل مواطن شعور بالمسؤولية الأخلاقية تجاه أخيه الإنسان ، وعليه القيام بدور نشط في شؤون المجتمع.

د
يمكن للحروب أن تنتهي ويعم السلام العالمي والازدهار الاقتصادي في حال أوفت جميع الدول بالشروط التالية :

الانتماء لمنظمة من جميع الدول ، كبيرها وصغيرها ، تخضع للقانون ذاته مع قدرة هذه المنظمة على فرض التقيد الصارم بجميع الالتزامات الدولية التي تم الموافقة عليها طوعاً وهي:

* احترام حق كل أمة في التمتع بالحريات الأساسية الإنسان
* احترام اللغة والعقيدة والقوانين والأعراف والأقليات القومية
* التبادل الحر للأفكار والأخبار ، والسلع والخدمات بين الدول ، وكذلك حرية السفر داخل وفيما بين جميع البلدان دون خضوع للرقابة أوالحواجز التجارية وأنظمة الصرف
* تنمية المناطق المتخلفة من العالم ، بالتعاون مع سكانها ، ومصالحهم الحقيقية ، ولما فيه مصلحة العالم بأسره.

ندعو جميع الرجال والنساء الذين يتفقون مع هذه المثل العليا والمبادئ الى الانضمام الينا في مسعى لكسب القبول في جميع أنحاء العالم.

انتهى الإعلان ... لا أظن أن هناك ما يسيء فيما سبق، هي وجهة نظر واتجاه يرى أصحابه أنه لا يتعارض مع شيء بل وبه من المرونة ما يكفي للتوافق مع مختلف الشعوب طبقاً لعاداتها ومفاهيمها دون تدخل في شأن ديني أو تعرض لخالق أو تشجيع ترك الشعائر أو الطقوس بل تشجيع على احترامها وقبول تمثيلها في الحكومات واحترام خصوصيتها وقبول الأخر بشكل عام.

أمّا الاتحاد الدولي للأحزاب والمنظمات الليبرالية فيعلن عن أهدافه بوضوح عام 2005:

كسب قبول عام للمبادئ الليبرالية الدولية في طبيعتها في جميع أنحاء العالم ، وتعزيز نمو مجتمع حر يقوم على الحرية الشخصية ، والمسؤولية الشخصية ، والعدالة الاجتماعية ، وتوفير وسائل التعاون وتبادل المعلومات بين الأعضاء ، وبين الرجال والنساء في جميع البلدان التي تقبل هذه المبادئ.

نهاية، وقبل أن تأخذني رأسي للاستطراد وذكر الهجوم الذي لا يخلو من طرافة على الليبراليين من المحافظين واليمينيين والأحزاب الدينية بل ومن اليساريين الذين يرفضون تصنيف الليبرالية على أنها قوى يسار. أصل معك عزيزي القارىء - إن كنت مازلت هنا - إلى أن تصنيف شخص لنفسه على أنه ليبرالي لا يعني بالضرورة أنه يقصد ما تقصده أنت عند قيامك بتصنيفه بل قد لا يعني ما تظنه أنت في الليبرالية، كما أنه لا يعني وصفه بالإلحاد أو مساواته بالعلمانية أو وصمه بالدعوة لترك العبادات وعدم الالتزام بها ... إذا كان هذا ما تفهمه فاغفر لي تنبيهك إلى خطأك وقصور حكمك وتعميمك وغفلتك عن المعاني المختلفة للكلمة ودلالاتها واستخداماتها ...

تحياتي والقاكم بعد راحة قصيرة إن شاء الله مع "العلمانية"

ملاحظة أخيرة: رجاء لا تمارس هوايتك في التصنيف على شخصي .. فقط خذ ما يعجبك واترك ما لا يروقك وشرفنا بزيارتك مرّة أخرى.
-----------------------------------------------------------------------
المصادر:
مواقع:

http://www.merriam-webster.com/
http://dictionary.reference.com/
http://www.ourladyswarriors.org/dissent/defnlibr.htm
http://www.urbandictionary.com/
http://www.thefreedictionary.com/
http://www.conservapedia.com/
http://www.ourladyswarriors.org/dissent/defnlibr.htm
http://www.liberal-international.org/editorial.asp?ia_id=535
http://www.liberal-international.org/editorial.asp?ia_id=537

كتب وأبحاث الكترونية

http://www.cis.org.au/temp/op114_neoliberalism.pdf
http://mises.org/books/liberalism.pdf
http://www.princeton.edu/~starr/articles/articles07/Starr.WhyLiberalismWorks.pdf
http://www.iias.nl/nl/32/IIAS_NL32_23.pdf

اختبار للوعي والموضوعية - الفصل الدراسي الثاني بعد الألف – مارس 2010

2010-03-05T01:36:00.002+03:00

القسم الأول – نظري

اختر أي عدد يناسبك من الإجابات:

1- في معرفتي بتاريخ مصر اعتمد بشكل رئيسي على

ما درسته في المراحل التعليمية المختلفة (+)

كتب ومراجع مستقلة (+)

مقالات ومؤلفات لأفراد لهم اتجاهات معينة (-)

خطب وبرامج حوارية وإعلامية (-)

كلام بابا وماما وقرايبي وأصحابي (-)

المدونات والفيسبوك والمواقع المشابهة (-)

2- في معرفتي بواقع مصر الحالي في السياسة والاجتماع والاقتصاد اعتمد بشكل رئيسي على

دراسات وكتب ومراجع مستقلة – دولية أو محلية (+)

جرائد الحكومة (-)

جرائد المعارضة (-)

التليفزيون (-)

كلام بابا وماما وقرايبي وأصحابي (-)

خبراتي ومشاهداتي الشخصية (-)

المدونات والفيسبوك والمواقع المشابهة (-)

3- قبل إبداء الرأي في موضوع هام أقوم بـ

دراسة الموضوع وقراءة مختلف الآراء من مصادر مستقلة (+)

سؤال بابا أو ماما أو قرايبي وأصحابي (-)

تقييم مصلحتي الشخصية (-)

الكتابة والكلام فوراً اعتماداً على شخصيتي وخبراتي (-)

4- في حال إبداء الرأي أكون قد

تكلمت أو كتبت مناصراً أو معارضاً .. (+)

تكلمت أو كتبت واتخذت موقفاً عملياً آخر (موقف إيجابي فاعل) (+)

اتخذت أصدقاء من رأيي وأعداء من الرأي الآخر (-)

قررت أن لا نقاش ولا تنازل عما أبديته من رأي أظنه صواب (-)

ساهمت قدر استطاعتي ومعرفتي الموضوعية ولا مانع لدي من المراجعة واتخاذ موقف إيجابي (+)

5- الموقف الإيجابي الفاعل في رأيي هو

تطبيق ما أراه على نفسي أولاً وتشجيع غيري عليه ثانياً (+)

الانضمام لمجموعة تشاركني الرأي على أرض الواقع أو على الإنترنت (-)

مهاجمة أصحاب الرأي الآخر والتقليل من شأنهم والمصادرة عليهم (-)

6- العالم بالنسبة لي هو

رجال وسيدات (-)

أسمر وأبيض وأصفر وأزرق (-)

بشر من كل لون وعرق وجنس ودين (+)

مؤمنين وكفار (-)

مسلمين وكفار (-)

أنا (-)

شرق أدنى وشرق أوسط وغرب وشمال وجنوب (-)

عائلتي وأصدقائي ودائرة معارفي (-)

7- كل من يختلف معي هو

مش فاهم (-)

عنيد متصلب (-)

عدو محتمل (-)

شخص له رأي أخر (+)

غبي (-)

مندس وعميل للرأي الأخر (-)

جاهل لا شأن له (-)

كافر (-)

فرصة جديدة للمعرفة والتواصل (+)

القسم الثاني - عملي

اختر الإجابة المناسبة لك:

1- كم عدد الكتب التي قرأتها في 2009 بخلاف ما هو مفروض عليك بحكم عملك أو دراستك

12 أو أكثر(+)

من 7 إلى 12(+)

من 3 إلى 7(+)

من 1 إلى 3 (-)

لم أقرأ أي كتب ولكن أطالع الجرائد والمجلات والمدونات (-)

فقط الجرائد والمجلات (-)

لا يوجد لدي وقت لهذه الأمور (-)

2- كم عدد المرات التي تصرفت فيها بإيجابية تجاه قضية تهمك أو رأي تراه صائب (أمثلة: مساعدة محتاج – نجدة ملهوف – استخراج بطاقة انتخابية – المشاركة في عمل جماعي لا يستهدف الربح – التطوع لنشاط خيري.. إلخ)

5 مرات أو أكثر (+)

3 مرات أو أقل (-)

لم أجد وقتاً لذلك للأسف (-)

3- كم عدد المرات التي هاجمت أو خسرت فيها أحد لمجرد اختلافه معك في الرأي

5 مرات أو أكثر (-)

3 مرات أو أقل (-)

لا أسمح للخلاف أن يجعلني أهاجم الناس أو أخسرهم(+)

إذا كانت أغلبية الإجابات (+) تحياتي ... أنت على طريق النجاح وربنا يوفقك

إذا كانت أغلبية الإجابات (-) أشوفك في الإعادة وربنا يعينك ويعيننا عليك

إذا تساوت النسبة لو سمحت حاول تاني أو أشوفك في الإعادة وربنا يهدي

عفواً ...مين حضرتك وبمناسبة إيه تبقى رئيس مصر؟!

2010-02-21T17:28:00.000+03:00

منذ فترة قصيرة (عدة شهور) وهناك هوجة اسمها "البرادعي رئيساً" وأخرى شقيقة لها اسمها "نعم للبرادعي"... مع كامل احترامي للرجل وأحترامي للرأي المنتمي للهوجتين الشقيقتين سالفتي الذكر أرجو أن يتسع صدرك عزيزي القارئ لرأي يشاركني فيه عدد ليس بقليل من الناس - لا يقل عن عدد المنتمين للهوجتين وذلك عن تجربة وسؤال واستشارة - هذا الرأي الذي طالبني المقربون لي بعدم التصريح به و التريث بدلاً من التعرض للهجوم والنقد الذي يرتكن للحماسة والعاطفة والرغبة في التغيير بأكثر مما يرتكن للتعقل ومنطقة الأمور ووضعها في نصابها الصحيح ( أو الذي أراه صحيحاً).

لنبدأ منذ ظهر اسم الرجل على السطح الإعلامي المصري والعالمي...

بدأ التعارف بين عموم المصريين والبرادعي حين بدأت أخبار الوكالة الدولية للطاقة الذرية تحتل عناوين الصحف والمجلات ونشرات الأخبار في مصر والعالم ... الرجل رئيس الهيئة أو الوكالة ذات الأهمية نظراً لما تختص به من تفتيش وتقييم وتصنيف.. الوكالة معنية - وقت ظهور تلك الأخبار وانتشارها - بمراقبة أنشطة إيران النووية وتقييمها وتقديم تقارير عنها؛ بل وتوصيات وتنبيهات وتحذيرات أو تطمينات... وكعادة إعلامنا - في مثل تلك المواقف - تم انتهاز الفرصة - بما أنه مصري - في تمجيده وتلميعه والوقوف وراء ما يقول وتفخيم وتعظيم دوره. أضف إلى ذلك أن نشاطاته أو بالأحرى نشاطات الهيئة تتمحور حول إيران - الدولة التي يتم توظيف أخبارها طبقاً للأجواء المحيطة - فهي تارة تهديد ذو طابع ديني عسكري توسعي وتارة أخرى حليف محتمل وقوة داعمة لشرق أوسط لم تتضح حدوده بعد. إذاً - الرجل والهيئة التي يرأسها والمهام التي تتولاها - هي مادة إعلامية دسمة رابحة في كل الأحوال؛ والرجل كما قلنا من قبل مصري نابه نابغ في منصب رفيع أي أنه فرصة للـ "فشخرة" المصرية المعتادة في المناسبات المشابهة.

لا انكر - وهو أمر طبيعي - إعجابي بهذا النوع من الأخبار التي تؤكد على خبرات المصريين وتميزهم في مختلف المجالات والبلدان والمراكز العلمية والأدبية والسياسية والجتماعية؛ بل وأقر أيضاً أني لمحت التلاعب الإعلامي بقضية الوكالة ودورها الدولي مع إيران بشكل أساسي ومع سوريا على استحياء، كما أقر بأن صياغة الأخبار كانت في كثير من الأحيان ترسم صورة متميزة لحيادية الرجل وموضوعيته على حد سواء، ولكن لم اتصور أن تطفو فكرة "البرادعي رئيساً" على سطح الترعة السياسية في مصر. نعم! الترعة إن لم تكن البركة - بكسر الباء.

خلاصة ما سبق أن عموم المصريين - عدا قلة في المجالات العلمية أو المنظمات الدولية - يعرفون البرادعي من مقالات الجرائد القومية أو نشرات الأخبار التي تناولت أخبار الوكالة في عامين أو ثلاثة كحد أقصى... هذه الأخبار التي كانت تحتل المرتبة الثانية أو الثالثة في العناوين ولكن تحظى باهتمام من مل من قراءة عناوين المرتبة الأولى والثانية لما تحويه من موضوعات مؤسفة أو محبطة أو معتادة.

فجأة... يخرج علينا خبر إمكانية أن يرشح الرجل نفسه للرئاسة... أقوال عامة ومجازية قالها الرجل فصارت فرقعة إعلامية... هو نفسه لم يكن يتصور أن ما قاله سيتم أخذه بجدية لدرجة أنه - وبدبلوماسية غير مستغربة من رجل في مكانته - وبعد أن تطور الموضوع واحتل مساحات من الحبر والعناوين - قال أنه سيرشح نفسه في حال حدث تغيير في الدستور. الحقيقة لا يمكن أن نأخذ هذا التصريح على أنه موافقة أو قبول للترشيح - خاصة حين يصدر من مثقف نابه - هو يعلم علم يقين أن تغيير الدستور لقبول ترشيحه للمنصب شيء لن يحدث أو أنه مستبعد قبل الانتخابات القادمة - وبالتالي هي "عقدة في المنشار" كما نقول - امتناع لامتناع يعني. ولكن هيهات... أصبح هذا التصريح وما صاحبه من عبارات مشابهة، مادة أكثر دسامة (حاجة تِجَرّي الريء) للصحفيين والإعلاميين... لقد أصبح الرجل منادياً بالديموقراطية وتعديل الدستور والتغيير وغيرها من المصطلحات الرنانة الواعدة... صاحب ذلك حملات في جرائد شبه معارضة وشبه مستقلة ترسم صورة الفارس المنقذ ذو الشهادات والمناصب الفاخرة القادم من بلاد الفرنجة ليصلح الحال ويعيد المال ويقود الأمة... تبارت الجرائد المذكورة في عرض تاريخ الرجل العلمي والوظيفي لتبرهن لنا استحقاقه للمنصب وإمكاناته التي لا مثيل لها في البحار والقفار، كما تولت مجموعة من الشباب - منهم من ينتمي لأسرة الرجل - من المدونيين والفيسبوكيين في انشاء المجموعات والشعارات. أصبحت حملة - تبدو شعبية - لمساندة ترشح الرجل لمنصب الرئيس رغم وجود الكثير من الموانع القانونية والدستورية الحالية، بخلاف عدم موضوعية ذلك من الأصل. كان طبيعياً إذاً في مواجهة هذه الحملة أن تكتشف الجرائد القومية أن "فشخرتها" و"تلميعها" للرجل "هتجيبلهم المصايب" ويا نهار أزرق - إوعى يا جدع بطل تلميع - غلطة إعلامية أخرى فتحت المجال ليبدو البرادعي منافس حقيقي تهتم جرائد الحكومة بالتقليل من شأنه وبالتالي يكسب تعاطف البسطاء من منطلق "شفتم!!! أهم خايفين منه وحاسين بتهديد" بينما الحقيقة الواقعة الحالية تقول أنه لا يمثل أي تهديد بل فقط إزعاج وشوية دوشة وقلبة دماغ.

وللتوضيح لا الترشيح - هل الترشح لهذا المنصب - رئيس جمهورية مصر العربية - يعتمد على بروز وجه المرشح في الجرائد ونشرات الأخبار؟ إن كان هذا هو العامل الحاكم يمكننا ترشيح أبو تريكة - الرجل مشهور مصرياً وعالمياً ومتميز في مجاله وقابل علية القوم وتحدث معهم وأعجبتهم مهارته وأخلاقه - بل أنه محب للخير ومؤمن وبالتأكيد سيحاول رفع المظالم ورد الحقوق إلخ من الحسنات والمميزات....طيب بلاش نجم كرة القدم، نخليها سكواش، رياضة الصفوة - بخلاف الجولف طبعاً - طيب بلاش الرياضة.

هل المقياس هو النبوغ والنباهة في التخصص والاعتراف العالمي بذلك؟ ليه مش الدكتور ابراهيم ابو عليش مثلاً ؟- لمن لا يعرفه هو أحد العلماء البارزين في مجال الصيدلة والكيمياء وحاصل على جائزة توازي جائزة نوبل عام 2003 لجهوده في صناعة وتجارة الدواء جنباً إلى جنب مع جهوده في تطوير وتنمية المجتمع (في مصر) - ليه مش الدكتور عصام خليل مثلاً؟ - مهندس مصري حاصل على جوائز محلية وعالمية وعضو لجان استشارية دولية وأيزو وخلافه... ليه مش الدكتور مصطفى قاسم أخصائي الخلايا الجزعية والحائز أيضاً على جوائز هامة من امريكا وغيرها؟

طيب بلاش... ليه مش عمرو موسى؟... ليه مش عمر سليمان؟ ... ليه مش محمد أبو العينين؟ ... ليه مش عمرو دياب؟ ... ليه مش عمرو خالد؟ ... ليه مش أحمد حلمي؟ ليه مش أحد كبار المستشارين أو القضاة المشهود لهم بالنزاهة ؟ مش معنى كده إني باقترحهم ولكن كل واحد مما سبق شاطر في مجاله ومعروف محلياً وعالمياً وقابل سياسيين ودبلوماسيين وغالباً أخلاقه كويسه بل أيضاً يعيش في مصر ويعرفها عن قرب وعلى احتكاك مباشر ومستمر - مش بالمراسلة ولا بالتليفزيون - مع كافة الأوضاع الراهنة.... بل أن هناك وجاهة في اسم أو اسمين منهم فعلاً ...

ثم لا مؤاخذه... مع كامل احترامي للسن "العمر" أطال الله في أعمار الجميع... العالم يتجه إلى تجديد الفكر والدماء... يتجه للشباب... هل من المفروض أن يكون رئيس مصر الجديد تخطى 70 سنة!!! وهل سيحكم فعلاً أم أن بطانته وأعوانه سيقومون بمهامة أثناء اعتلال صحته - المتوقع والطبيعي؟

كمان لا مؤاخذه... انتم ما بتتعلموش؟؟!!! يعني عايزين تغيير وعايزين رئيس جديد ... نفس الأسلوب التاريخي يتكرر.... انت حلو..انت مفيش احسن منك...انت الأمل ... انت ماحصلتش ولا هتحصل... انت بكره وبعده والمستقبل ... انت اللي هتعدل المايل وتريح الشايل... انت انت ولانتش داري... وبعدها - حين يتصرف الرجل طبقاً لما أُسبغ عليه من سمات وصفات يبقى يا نهار أحمر... ده مفتري وده بيعمل وده مش نافع... رغم ان الموضوع مش غلطته - الرجل تم تأليهه وهو يتصرف على هذا الأساس وبالتالي لا عيب ولا خطأ فيما يفعل....

رئاسة جمهورية مصر العربية موضوع كبير جداً ... لا يمكن أن يكون استحقاق هذا المنصب مبنياً على تصريحات رنانة ومركز رفيع.... هناك الكثير من الموضوعية المفتقدة... هناك الكثير من الخطوات القانونية والدستورية ... هناك الكثير من المحكات والأدوار الوطنية التي يجب أن يكون لها وزن وقيمة... الموضوع مش مانشيت فجرنان ولا حملة على الفيس بوك ولا 5000 واحد في المطار ولا لقاء في العاشرة مساء أو القاهرة اليوم ... إحنا 88 مليون... 30 مليون منهم على الأقل ما بيشتروش الجرنان علشان بتمنه ينفع يجيبو حاجة ياكلوها وما بيتفرجوش على التليفزيون علشان شقيانين ورا لقمة العيش و30 مليون تانيين يادوب ملاحقين وقرفانين وما يهمهمش مين هيمسك إلا بقدر ما هيزيد مرتبهم وبتاع 10 مليون مهاجرين فكل حته ولا تفرق معاهم مين الريس و10 مليون معاق عايزين أي ريس يبصلهم ويوصيلهم بحقوقهم والباقي بيتفرج على التليفزيون ويقرا الجرنان ودمتم...

أخيراً ...لو ظل كل شيء على ما هو عليه وفي نفس الوقت تم اكتشاف أو تنفيذ تخريجة ما وترشح البرادعي لرئاسة مصر، ابشركم أن الموضوع لن يتعدى إضفاء شرعية وصورة إعلامية برّاقة للتقدم الديموقراطي في مصر

طبعاً ... وقبل أن أجلس واشاهد أي تعليقات هجومية ناقدة ... أحب أقول إن ده رأيي... شيء يجب احترامه حتى لو

لم تتفق معه ... خليك ديموقراطي قبل أن تطالب بالديموقراطية....

ربنا يهدي الجميع ودمتم بألف بخير

ملحوظة: لا يوجد في المذكورين أعلاه أي فرد أعرفه معرفة شخصية ..

أصحاب الاحتياجات الخاصة - المعاقين - في مصر

2010-02-16T18:49:00.001+03:00

هذه دعوة للجميع (حكومة وأهالي ووسائل إعلام) لمحاولة تسهيل حياة 10% من الشعب المصري ينتمون لمختلف الطبقات وفي كل المحافظات - هذه الدعوة هي تكرار لمحاولة مجموعة منهم على الفيسبوك واتمنى أن تجد اهتماماً منكم ... رجاء في حال لم يكن الأمر يعنيك أن تمتنع عن التعليقات السلبية أو المحبطة وأشكرك على احترام الموضوع.. تحياتي ومرفق رابط مجموعة الفيسبوك للمشاركة والتفاعل لمن يرغب:

http://www.facebook.com/group.php?gid...

تحليل حالات الطرد الصحيحه في مباراة مصر والجزائر

2010-01-31T10:13:00.002+03:00

هذا التحليل يلخص ما حدث في مباراة نصف نهائي أنجولا ... تحليل احترافي للأخطاء وقرارات الحكم وكذلك تعليق أمين من جزائريين يعترف بتقصير اللاعبين وتفوق المنتخب المصري واستحقاقه للفوز ... مبروك للمنتخب والكأس الثالثة قريبة ومستحقة إن شاء الله

Khally 3andak Sowt (mini-mono episode) - خلي عندك صوت

2010-01-22T01:57:00.001+03:00

خلي عندك صوت

2010-01-03T14:36:00.006+03:00

كل عام وكافة المصريين بخير....

الموضوع:

حملة "خلّي عندك صوت"

الكلام:

حملة "خلّي عندك صوت" سمعت عنها من الأستاذ المخرج عمرو سلامة - عبر صفحة له على الفيسبوك ورسالة أرسلها للجميع مفادها تشجيع الناس على القيام بدور إيجابي واستخراج بطاقة انتخابيه تعطي لهم حق التصويت في أي استفتاء أو انتخابات محلية أو نيابية أو رئاسية.

لا أخفي عليكم حقيقة عدم استخراجي لبطاقة انتخابية لسبب قد لا يقدره البعض... بدأ اهتمامي الفعلي بالموضوع منذ خمس سنوات ... ولكن منذ سبع سنوات سافرت إلى الخليج وأصبحت زياراتي للقاهرة محكومة بتواريخ محدده ليس منها التاريخ من أول نوفمبر إلى آخر يناير ... ولا يستطيع المصريون استخراج بطاقة انتخابية من القنصلية بالخارج أو ممارسة حقهم الانتخابي بالخارج لذا أهملت الموضوع.... حتى وصلت رسالة الأستاذ عمرو سلامة وكان ما بها من دعوة وكلمات شعرت أنها تمسني شخصياً.... جزء من الرسالة كان يقول:

و لو بقى الحماسة واخداك، و كنت واحد من اللي عملوا بوست لفيديوهات الجزاير بعد الماتش، أو من اللي بيعملوا بوست للأغنيات الوطنية الجديدة أو إشتريت علم مصر بعشرين جنيه من الإشارة، شارك معانا، إكتب نوت أو مقالة يوم واحد١ يناير و شجع الناس إنهم يشاركوا، إعمل بوست للفيديو، بتاعنا أو أي فيديو ثاني، ساعدنا في نشره، على النت أو لو تقدر تساعدنا نذيعه في أي حتة، أضعف الإيمان قول لصحابك يطلعوا البطاقة، بإختصار... إعملك منظر

الحقيقة أنا الحماسة واخداني (1) - وعملت بوست لفيديو بعد ماتش الجزاير (2) - واشتريت علم مصر بس مش من الإشارة ودفعت أكتر من كده (3) والمفروض فعلاً أعملي منظر خصوصاً إن ده في صلب الموضوع اللي دايماً باتكلم فيه!!! .... لا تغيير إلا من الناس.... لا تغيير إلا ويتطلب مجهودأً من الجميع، كبار وصغار، رجال وسيدات، يسار ويمين ويسار متحفظ ويمين متحفلط ووسط و"بيج ماك آند تشييز"....

سياسة الكلام والفتوى والشكوى والمطالبة ثم البكاء والتظاهر لعدم نيل ما طلبناه لا تعني شيئاً في عالم الواقع الحالي..... هذه سياسة "عفواً" طفولية في حال لم ندعم هذه المطالب بصوت حقيقي يتم تسجيله ... الشعوب التي تتقدم تخلصت من طفولتها وأدركت أن الحكومات التي تدير البلاد بمنطق النهر والزجر وبث الخوف معذورة...هي ترى طفلاً شعبياً كبير الحجم لا يدرك حتى اللحظة أنه يجب أن يعتمد على نفسه ويتصرف بإيجابية ويفهم أن المصلحة هي مقياس المعاملة بين الشعب والجهاز التنظيمي للدولة... أن صوته الانتخابي قادر على التغيير وقادر على الوقوف في وجه التزوير أو تقليصه - هذه حقيقة فالتزوير موجود في أعتى الديموقراطيات لا تكونو فاهمين غير كده!! -

حين تكثر الأصوات الصحيحة والمسجلة والمعترف بها وليس أصوات قهوة عليش ومدرج الجامعة وقعدة فطار رمضان، حين تكثر هذه الأصوات القانونية سيكون لها قيمة ووزن وفعل ملموس.... سننتقل من فكرة التجربة إلى فكرة الممارسة والتقييم والتغيير .... إذا نجحت كفتنا سنرى نتيجة اختياراتنا ونختبر ما طالبنا به بل ونتطلع إلى تغييره إذا كان مدعياً أو ضعيفاً أو فاسداً ....

حين تتطالب بالديموقراطية وتعديل الدستور والانتخاب الحر لا يجب أن تفعل ذلك بطريقة عايز "شوكولاته" فيرد عليك المسئول "لأ مافيش" فتصيح وتضرب الأرض برجليك وتكسر اللعب بتاعتك وتقوله "أنا بكرهك بكرهك".....فين صوتك؟؟!!!!

ساهمت جهود عشرات المدونين في منح حملة "خلّي عندك صوت" زخماً شبكياً و فيسبوكياً له صوت بالفعل، بل وصورة أيضاً.... شاركنا هذه الحملة حتى آخر يناير .... شاركنا بالفعل وليس التعاطف ... إعمل شير للينك ده.... زور صفحتهم على الفيسبوك وقول لاصحابك يزوروها....أهّم من ده كله... خد صورة بطاقتك والبطاقة + صورة شهادة الميلاد وأصلها + اتنين تلاته صحابك جايبين نفس الطلبات وعالقسم جري ... خلو عندكو صوت وطلعو بطاقة انتخابية

PLEASE, Khally 3andak SOWT - خلي عندك صوت

2010-01-01T03:07:00.002+03:00

كلام بخصوص حملة "خلّي عندك صوت"... لو سمحت خليك إيجابي ...لو كنت هتفضل قاعد تتفرج وبس، ممكن حد تاني يقوم يتحرك...زي ما كنت إيجابي وعجبك الكلام عن مصر وعن مباراة مصر والجزاير ونشرت الرابط بتاع الفيديو في كل حته - إعمل كده في الفيديو ده كمان - ده كلام أهّم من الكلام في الكورة
Please Share for the Greater Good, even if U'll not act on the spot, maybe some1 else will. PLEASE be the least POSITIVE and share the word.

خلّي عندك صوت

2009-12-30T12:57:00.003+03:00

تضامناً مع حملة الأستاذ المخرج عمرو سلامة ومجموعة من المدونين والمهتمين بالشأن المصري... تحياتي..

رابط لفيديو ألأستاذ عمرو سلامة: http://www.youtube.com/w..